صديقة الغررررربه حسبي الله فيها

[حساسه]

السلام عليكم


كيفكم بنات


دائما اتابع مواضيعكم ويعجبني نضجكم وحواركم

حبيت اطرح لكم موقف تعرضت له وبشوف رايكم


انا واعوذ بالله من هالكلمة

مبتعثه في كندا تعارفت على وحده من دولتي ومن نفس منطقتي تقريبا

طبيعتي اعامل الناس باامانه واخاف الله فيهم ايش ماكانو وايش ماكان جنسهم او عرقهم او ملتهم

لان تانيب الضمير عندي يقتلني :eh_s(2): والحمدلله على كل حال

لكن

تعرفت على وحده وهي من النوع اللي يدخل حياتك بالطول والعرض يعني كل شوي مسج وايش تغديتي وايش تسوين وانا طفشانه ذحين وانا ماعندي مشكله عادي اهم شيء وحده مقدرتني ومهتمه فيا

طبعا عرفت كثير من خصوصياتي
وسرنا كذا وحده مجموعه بنات وكل وحده تنقلي اسرارها
انا اصدمت قلت اكيد انها نشرت غسيلي زي مانشرت غسيل البنات عندي
معناته انها قالت خصوصياتي :eh_s(10):

عموما حصلت مشكله بيننا
واكتشفت انها حاشه فيا وانا مااحب اللف والدوران
ياصديقات اعاملهم زي اخواتي يابلاش من النفاق
على ايش اعزمهم واقابلهم واضيع وقتي على ناس ماتسوى
المهم ارسلت لي مسج يابنت الناس عشره وماعشره
وكتبت لها كل اللي في خاطري
وتطاولت علي وتشمت في امور تخصني
وانا اعرف عنها اشياء اقدر اتشمت فيها بس انا مااحب الشماته
ارسلت لها حسبي الله فيك وعسى حوبتي ماتتعداك

لكن احس اني في قلبي شيء يقرقع ودي بحضوها اقول للبنات ترى قالت فيك وفيكم

ولا حافظت على اسراركم

بعدين اقول يابنت الناس طز والله بياخذ حقك منها


شرايكم؟؟؟

 

[نونه المنكوشه]

الله فوقها اهم شي انج قطعتي علاقتج فيها خلاص وخلي حسابها عند ربها بس دايم قولي حسبي يالله ونعم الوكيل وشوفي شلون ربي بيعاقبها انتي تعاملي معاها باخلاقج موبأخلاقها وانتي الحمدالله اتخافين الله وهذا اهم شي والله يكفيج شرها

 

[النوني]

حياتي خليها على الله وصدقيني بياخذ حقج منها ماراح يضيع حقج ابدا عند رب العالمين
وراح تذكرين كلامي وتشوفين عداله الله سبحانه وتعالى

 

[سمر20]

حبيبي اتركي عنك الدنايا وترفعي عنها دامها بهالمستوى ولاتضيعي وقت عشي تافه وانتبهي لدراستك

 

[ماكواسم2]

لا اتغيرين طريقتج والله راح ينصرج ولا تتطبعين بطبايع الردايه لانج ما راح ترتاحين .. لانج كانج تتكلمين عني

وهالاشكال لا تتمشكلين معاهم لانهم راح يتبلون عليج باشياء ماراح تتصورينها وخصوصا انكم كنتوا اصدقاء فالناس راح اتصدقها الى حد ما ......... والدنيا دروس

 

[ليليان ..]

خلاص قلتيها الله بياخذ حقك منها
و المفروض مؤ أي شخص تشوفينه مهتم فيك تقولين له عن خصوصياتك
خلاص أنيسها ولا تفكرين فيها ويمكن هالشي اللي يقرقع بقلبك يبيك تنتقمين منها
لأكن لا تفكرين بالانتقام لانه راح يضرك اكثر من انه بنفعك و كلما حسيتي بهالشي ادعي عليها و قولي حسبي الله ونعم الوكيل

 

[Dr.Nouf]

سبب من الأسباب الي يخليني متمسكة بعلاقاتي السطحية!

 

[بكيزة هانم]

انتهى الموضوع الى هني ..
انتبهي لدراستج ..وصدقيني مع الوقت الكل بيكتشف انها حجاية وماراح يصدقون شي من كلامها
وبعد لاتقطعين معاها بقسوة كوني رحيمة ما تدرين شنو ظروفها
واللي ما تحتاقش لوشو بكرة تحتاق لأفاه ..على رأي المصاروة

 

[روانتي 12]

انتي غلطانه المفروض حياتج الشخصيه او خصوصياتج بمعنى اصح محد له شغل فيها و حطي عندها مليون خط أحمر stoop الي يتعدا هالشي قولي خصوصياتي و ما احب احد يكلمني فيها لانها تخصني و رجاءآ غيري الموضوع راح تلاحظين تدريجيآ ماعاد تسأل . .
وياحظج اخذتي حسناتها و سيئاتج فدوه لها . . و ربج فوقها يعرف شتسوي و شتقول خليها مثل ماهي طريقها هذا ماراح يشفع لها يوم القيامه و راح تتحاسب على كل حرف نطقته بلسانها . . ( لسانك حصانك )
وانتي خلي هالشي درس لج بحياتج
وعسى الله يوفقج

 

[Patcholli]

لاتنزلين عقلج لمستوا عقلها اذا اهي انسانه مريضه تمشي وتفضح بخلق الله وانتي شفتي اشكثر هالشي قبيح وبشع تبين تصيرين مثلها ؟؟
حببيبتي انتي تقولين زميله اشرايج فيني انا اللي صارلي نفس الموقف من انسانه من لحمي ودمي ..!!
سنين تشكيلي همومها ومشاكلها ومن الله فرجها عليها اقلبت علي وقامت تحش فيني وتتكلم عني بالسوء واللي كانت تحش فيهم راحت تكلمت عني عندهم ..!

الله فوقها حبيبتي اذا تبين قلبج يبرد خلي ربج اهو ياخذ حقج احسن ما انتي تاخذينه بيدج .. ماراح تكون قدرتج اكبر من قدرة الله في رد حقج

 

[حساسه]

الله يسعد قلوبكم ويحقق امانيكم بصراحه ردودكم تشرح الصدر


الله حسيبها ان شاء الله

 

[am faisal]

الحياة دروس
وتعلمتى الدرس مثل ما تعلمنا
خليج سطحية مع الناس تسلمين

 

[Miss Eteket]

(سطح علاقاتك من الناس تسلم) < خليها ترجيه بأذنج ..~

مووفقه ..~

 

[تواضع انثى]

انتي غلطانه المفروض حياتج الشخصيه او خصوصياتج بمعنى اصح محد له شغل فيها و حطي عندها مليون خط أحمر stoop الي يتعدا هالشي قولي خصوصياتي و ما احب احد يكلمني فيها لانها تخصني و رجاءآ غيري الموضوع راح تلاحظين تدريجيآ ماعاد تسأل . .
وياحظج اخذتي حسناتها و سيئاتج فدوه لها . . و ربج فوقها يعرف شتسوي و شتقول خليها مثل ماهي طريقها هذا ماراح يشفع لها يوم القيامه و راح تتحاسب على كل حرف نطقته بلسانها . . ( لسانك حصانك )
وانتي خلي هالشي درس لج بحياتج
وعسى الله يوفقج

:rerrerek::rerrerek::rerrerek:

كفت ووفت مابقى شي نقوله لك

 

[أحلى قصة]

خليج اكبر منها وتعلمي من الدرس ودايما خلي شي تحتفظين فيه لنفسج

 

[عادت ذكرياتي]

امورج الخاصة على قولة دكتورنا موتي وتموت معاج ^_^ لا تطلعينها لأحد %%%

 

[زبادي بالفراوله]

انتبهي تنقلين لهن كلام لان الفتنه اشد من القتل
ويمكن مايصدقنك وبس تخربين ع نفسك ووتصالح معهن وامتي الي يحقدن عليك
مهما كان نقل الكلام مو زين مهما كانت اسبابه
وتذكري والكاظمين الغيظ ..وربك بياخذ حقك والدنيا دواره

 

[قَلبڪْ صًخرْ]

قلتي اعظم شي
حسبي الله
وربج بيكفيج شرها

 

[حساسه]

تسلمون بنات لا خلاص شلت الفكره من راسي ماحد يسوي وحقي عند ربي مابيضيع

 

[Shinexo]

لاتنزلين عقلج لمستوا عقلها اذا اهي انسانه مريضه تمشي وتفضح بخلق الله وانتي شفتي اشكثر هالشي قبيح وبشع تبين تصيرين مثلها ؟؟
حببيبتي انتي تقولين زميله اشرايج فيني انا اللي صارلي نفس الموقف من انسانه من لحمي ودمي ..!!
سنين تشكيلي همومها ومشاكلها ومن الله فرجها عليها اقلبت علي وقامت تحش فيني وتتكلم عني بالسوء واللي كانت تحش فيهم راحت تكلمت عني عندهم ..!

الله فوقها حبيبتي اذا تبين قلبج يبرد خلي ربج اهو ياخذ حقج احسن ما انتي تاخذينه بيدج .. ماراح تكون قدرتج اكبر من قدرة الله في رد حقج

نفس الشي صارلي وفي غربه بعيد عن هلي حبيبتي تحسبي عليهاا ,الله بياخذج حقج منها انشالله .. انا مب بس طلعة سر لي الا ألفت سوالف ووصلتهآ عند هلي من كبيرهم لي صغيرهم , بس محد صدقهم لآن كل آلنآس تدري آنآ من وهي من آلنآس تجوف يآحلوه بس تحسبي عليهآ آلله بيسلط عليهآ آلي آقوى منهآ :rerrerek: