صديقة الطفولة

[افنان الحربي]

انا عندي صديقة من ايام الطفولة انقطعنا فترة بس تجمعنا قبل ثلاث سنين وصارت قوية احسن من قبل كل شي نقولة لبعض اربع وعشرين ساعة مع بعض بالمسن وبالفون لدرجة جت فترة حسيت بيصيبني التهاب باذني من كثر مانام وانا اكلمها لووووووول
قبل سنة صار موقف وسوء تفاهم فجأة صدمتني باففضع الكلام ماهيقتها منها بصراحة اهي فاهمة غلط حاولت اوضح لها لكن اصرت ماسمعت مني بدت تشتمني هني خليتها وعطيتها طاف بعد سنة تدق تطمن وتقول ماقدر استغني عنج وتبجي وانها مسامحتني مع اني مو غلطانة بس اهي مازالت تعتقد اني غلطانة ومن طيبها وحبها لى سامحتني الحين على طول صارت تراقبني لا وتقولى اني تغيرت مو مثل قبل مشكلتها اهي دوم صح وانا غلط لدرجة ان اي كلمة اقولها غلط ولها مليون تفسير مرات اقولها تكلمي عني احسن دايما تستخدم دور الى تنصح والمشكلة ادري ان كلامها كلة تفلسف مالة داعي بس اهي حابة تلعب دور الناصحة واطوف لها وايد
صرت اتحسف اني رديت لها مادري ابتعد عنها مع انها ادري انها تحبني وايد؟؟؟

 

[am faisal]

حبيبتى نفس مشكلتى بالضبط
بس اخيراااااا
افترقناااااااا
الصداقة للاسف كلمة كبيرة عليها

 

[Miss Silence :)]

تبين الحل
صــــارحيها ، التقي معاها و اخذيها و قعدوا بروحكم ، قوليلها بقولج شي و سمعيني لي النهاية ، و قوليلها كللللللللللل شي بقلبج و لا تخلين شي ، راح ترتاحين لانج فضفتي ، بس استعملي أسلوب حلو و لا تهجمين عليها بكلامج لانها راح تدافع عن نفسها و تقولج كلام يمكن تندم عليه ، و هالنوعية من البنات احسها صعب ترضى انها غلطانة ، مروا علي بنات جذي و ما حبيتهم فخليتهم مجرد معرفة لا أكثر و لا أقل .
الله يوفقج ​

 

[_Taylor Swift_]

قوليلهآ باسلوب هادي اللي بقلبج واذا زعلت قوليلها انج رفيجتها و الصديقة الحقيقية اهي اللي تنبة رفيجتها على اخطاءها وما تجاملها...
ولا تخلينها حرآم انتوا اصدقاء من زمان..خسارة تفترقون والله..

 

[رهوفه عرعر]

نفسي صاحبتي زي كذا والله دايم تجرحني بكلام ماله داعي

 

[meme>the best]

والله ماكو صديقه سنعه هالأيام دام تدرين انها تحبج وتعزج خليج معاها الواحد مو كل يوم يلاقي صديق يحبه

كلميها قوليلها شنو الي مظايقج وانشاءالله بتصير علاقتكم احسن

 

[عادت ذكرياتي]

صارحيها بقعدة حلوة بينكم والله يديم صداقتكم واخوتكم

 

[جنى ولمى]

الله يوفقك واحسني الظن فيها

 

[روانتي 12]

سلام عليكم . . ما اقدر أقولج تركيها او خليج معاها الحل مدري شنو بالظبط غير ان تخلين العلاقة سطحيه .. لان بصراحه حراكاتها مؤ حلوه كلش لكن روحي لها و اعترافي لها وقولي أنا ادري انج تتصنعين جدامي لكن مؤ معناه أني ما افهم و قولي لها كل الي تبينه يتصلح بينكم . . لان صراحه حرام علاقتكم حلوه من يوم كنتو صغار و على أتفهه الأسباب تفرقتو . . قولي لها خلينا نرد لبعض ولا تسؤيين ظن فيني و من ها لكلام . . وعسسسسى الله يجمعكم مثل قبل و أحسن

 

[اوبالز]

صارحيها وبهدوء وقوليلها بالاشياء الى مضايقتج المعزا مو بسهوله نلقاها
والحمد لله انها تعزج واعتدرت انا مره وحده من صديقاتي غلطت علي بموقف ما تتخيليه وصرت ما ادق عليها ولا اكلمها اكثر من سنه بالاخير دقت ولا اعتدرت حتى وتقولي ما تكلمين ولا جنها مسويه شي وتدري انها غلطانه

 

[الشهـد~]

مافيه علاقة صداقه مستمره
الا واحد من الثنين يتغاضى عن الثاني
انتي اعطيها على جوها بينيلها انها هي على صح
وان نصايحها صحيحه اخر شي بتمل من نصايحها
هي مو انتي
بختصار اتغاضي عنها
العمر مره ليش نزعل من بعضنا خليك متسامحه
ماراح تخسرين شيء
ويمكن تكسبين قلبها اكثر واكثر