صدمه وقويه تعالوا

[فيونكة_وردية]

السلام عليكم حبيباتي
مارح اطولها انا راح اتزوج ان شاء الله اخو رفيجتي
بس اللي مضايقني انها رفيجتي الروح بالروح وصارلنا 7 سنين مع بعض شنو تتوقعون قالتلي
كنا نسولف بالفون سوالف عاديه وضحك وغشمره وصوتها كان متغير علي قلتلها شفيج قالتلي ما فيني شي قلتلها لا جد شفييج
قالتلي شوفي احس اني راح اغار منج لانج بتاخذين مني اخوي !!!!!!!!!!!!!!!!!!!!!!!!!!!!! واحس اني راح اسببلج مشاكل بينج وبينه !!!!!!!!!!!!!!!!!!!!!!!!!!!!!!

ومتضايقه مادري شنو راح يصير بصداقتنا !!!!!!!!!!!!!!!!!!!!!!


انا طبعا انصدمت ويالله ابلع ريجي ماصدقت اذوني ولا توقعت ان هالشي بيطلع منها كلش كلش
توهقت يه دوري ارد عليها قالتلي شفيج سكتي قلت هاااه لا ولا شي شعورج هذا طبيعي وبيروح لما تلهين بعمرج وتتزوجين الظاهر لازم نزوجج وقعدت اضحك وضيعت السالفه حسستها جني مو حاطه ببالي ومن يومها وانا احس بغصه وقام تتراوالي المشاكل واتخييل هوشات واتضايق لدرجه احس قلبي يدق يدق بسررعه وابجي مرات

حدي خايفه ساعدوني شنو الحل انا الحيين كل اللي سويته قللت المكالماات حيييييييل حيييل معاها وما قمت ادق انطرها اهي تدق وكل ما قالتلي بنطلع مع بعض اتعذرلها مع العلم انها رفيجتي الروح بالروح ودايما نطلع مع بعض وتيي بيتنا ويعرفونها اهلي كلهم امي يدتي بنات خالتي يعني حييل قريبه بس مادري شسووي بليييز ساعدوني وادعولي محتاره لازم يصير التعامل رسمي احس من الحين اني خسرتها سااااعدوووني
وعسى الله يوفقكم كلكم ويهنيكم ويبعد عنكم المشاكل يارب ​

 

[فيونكة_وردية]

بناااااااااااااااات ردوا علي شسوي معاها ؟؟؟

 

[أم*سلمان]

السلام عليكم و رحمة الله و بركاته

يسعدني اكون اول وحده ترد عليج ..

شوفي انتي حسسيها ان الوضع عادي و بالعكس لا تنحشين منها بعدين تزيد و كل ما جابت لج الطاري قوليلها شي طبيعي بس مهما يكون اهو اخوج .. و ترا هذا مجرد احسااس بس .. لا اكثر و لا اقل


بالعكس انتي اللحين لازم تكسبينها عشان ما تسبب لج مشاكل

 

[العسل كلة]

مصيرها بتزوج وخليج مع رفيجتج عاادي هي رفيجتج قبل لاتاخذين اخوهاا وشي طبيعي تغاار لانة اخوها يمكن حيييل معاها ليش تبتعدين عنها خلج طبيعية عشان ماتحس انج تغيرتي يوم تزوجتي اخوها

 

[فيونكة_وردية]

المشكله امي مانعتني من الطلعه معاهاا واقولها ليش تقول بس لازم تشيلين نفسج شوي استغرب من امي مع ان طبعها مو اللي تترفع وشايفه نفسها ولا انا متعوده على جذي كلش بس شسوي امري لله متضايقه لان هالشي صاار اهي تقوللي بسببلج مشاكل ورفيجتي مو هينه واخاف تغلط وارد عليها لان انا بعد فيني حقي ولساني اذا فلت يعوور واخاف تقول شي وما اتحمله واجرحها وامي تقولي تجنبيها احسنلج
قمت اتوقع وافكر بكل شي اهي من قبل فيها غيرة مني بس عادي يعني عمري ما زعلت منها ولا تضايقت حتى لو عذربت فيني مرات تعذرب لمجرد العذروب وتقلدني بالشي اللي عذربته وعادي اضحك واسكنت اموت فيها ورفيجتي حييل مادري شسوي اهي مو كامله ومو كلها عيوب بالعكس فيها اشياء حلوة بس خوفتني من كلمتها وقالتها واهي تعنيها حسيتها تهديد عشان جذي سكت وفكرت بعدين رديت عليها قلتلها عادي ومردج بتلهين بنفسج ؟؟؟
شرايكم ؟؟

 

[! بــدويه وآآيــد !]

،

دزي لهآ مسج


قولي لهآ انتي اختي

وبنظل خوآت

وصدآقتنآ مثل مآهي

وطلعآتنآ مثل مآهي

وبنشوف بعض كل يوم

لآتبتعدين عنهآآ خلكم مثل ما انتوا وفهميها ان قلبج مآرآح يتغير وان كل شي رآح يظل مثل مآهو


والله يوفقج =)

 

[بنت.المطيري]

احسها تضحك

والكلام قالته مو عن قصد

وانا وحده من الناس اغار على اخوي بس فيني خوف انها تاخذه مننا لووول


بس مستحيل اصير هبله واسبب مشاكل شدععععععوة .. مثل مااهي خذت اخوي انا راح اخذ اخو بنت الناس والحياه ماشيه ان شالله


ولاتتخيلين اشياء موموجوده وتقنعين نفسج فيها


باجر اي شي تسويه راح تتحسسين وتبدين اننتي المشاكل لا سمح الله

هونيها وتهون وستغفري وااااااااااااااااااااااااااااااااااااااااايد

 

[فيونكة_وردية]

احسها تضحك

والكلام قالته مو عن قصد

وانا وحده من الناس اغار على اخوي بس فيني خوف انها تاخذه مننا لووول


بس مستحيل اصير هبله واسبب مشاكل شدععععععوة .. مثل مااهي خذت اخوي انا راح اخذ اخو بنت الناس والحياه ماشيه ان شالله


ولاتتخيلين اشياء موموجوده وتقنعين نفسج فيها


باجر اي شي تسويه راح تتحسسين وتبدين اننتي المشاكل لا سمح الله

هونيها وتهون وستغفري وااااااااااااااااااااااااااااااااااااااااايد

اي والله صاجه نا بحاول افهم امي الموضوع واقنعها لاني اذا وخرت بصير جني انا اللي باديه والله حدي متضايقه
بتفاهم معاها لان الوضع سخيف ومشكورين وماقصرتوا
والله جزاكم الف خيير حبيباتي وعسى الله يوفقكم كلكم ياارب

 

[شقرديـه عالطل]

لا شكو تبتعدين المفروووض اتقربيلها واايد وماتحسسينها انج بتاخذين اخوها منها

 

[الأميرة جوري]

اتوقع اهى خايفه انج انتى تتغييرين لخذيتي اخوها ......انتى قوليلها ان صداقتنا مثل ما اهى سواء قبل الزواج او بعده

 

[ماكنتوشة***]

رد : صدمه وقويه تعالوا

عادي لاتحسسين
وبتوضح لج الامور بعدين
هونيها وتهوووون

 

[فيونكة_وردية]

مشكوورين وما قصرتوا شكله هذا اللي بيصير بكلمها ومارح اتغير لان حده سخافه ومو عاجبني الوضع صرت اتوتر لا دقت اعوذ بالله من ابليس واحنا شزينا شحلاتنا ما بينا شي ابد والسالفه التوخر والترفع مارح استمر فيها مو معقوله اكيد والف بالميه مثل ما قالتي اختي الاميرة جوري اكيد بتقول جذي والله شاهد علي ما بقلبي عليها شي
لا خلا ولا عدم حبايبي

 

[عذبة السجآيآ]

اتوقع انها تضحك معاج بجيس نبضج وبتعرف ردت فعلج شنو

وانتي اللي عليج انج تكونين عاادي واقل من العادي معاها واذا دقت ردي عليها بس نصيحة لاتطلعين معاها وانتي تجهزين لان موحلوه تشوف ارغاضج وانتي مرت اخوها اكيد بتقول حق اهلها فلانه شرت جذي وشرت هالشي هذا وحلات العروس محد يشوف شغلها الا لم تلبسه

وخليج انتي العاجل لاقالت الموضوع هذا مره ثانيه قوليلها موانا اللي اتغير على رفيجاتي عشان اني تزوجت والاصيله عمر مايغيرها شي حتى الرجال مايقدر يغيرها

 

[فيونكة_وردية]

اتوقع انها تضحك معاج بجيس نبضج وبتعرف ردت فعلج شنو

وانتي اللي عليج انج تكونين عاادي واقل من العادي معاها واذا دقت ردي عليها بس نصيحة لاتطلعين معاها وانتي تجهزين لان موحلوه تشوف ارغاضج وانتي مرت اخوها اكيد بتقول حق اهلها فلانه شرت جذي وشرت هالشي هذا وحلات العروس محد يشوف شغلها الا لم تلبسه

وخليج انتي العاجل لاقالت الموضوع هذا مره ثانيه قوليلها موانا اللي اتغير على رفيجاتي عشان اني تزوجت والاصيله عمر مايغيرها شي حتى الرجال مايقدر يغيرها

مشكوره ياقلبي اكيد تجهيزي شي وطلعاتنا شي ثاني وعادي ترا اقولها ما يصير تشوفين مفاجاءة مارح تقول شي

 

[قمر2009]

ديري بالج منها انا كانت لي بنت خال وكنا الروح بالروح ونام بسرير واحد وحياتنا صارت وحده والحين اكثر المشاكل اللي بحياتي منها ديري بالج وصداقتنا 24 سنه رااااااحت بلاش هباء منثوووووووووووور تحرصي من طلعت من الدنيا وياها

 

[فيونكة_وردية]

الله يعين ويسر ويبعد الشر ان شاء الله مشكوره حبيبتي قمر

 

[مشتاقه لك يبا]

رد : صدمه وقويه تعالوا

خليج طبيعيه عادي مافيها شي حبيبتي يمكن اهي من زود ما تحبج خايفه تكون بينكم مشاكل بس يعني كلامها عادي
انتي لا توسوسين وتحطين فبالج.. والله يوفقج ويسعدج ويخليكم لبعض

 

[لندن_ستايل]

رد : صدمه وقويه تعالوا

الله يعين

 

[ابتسامة نثيه]

رد : صدمه وقويه تعالوا

ياعمري يمكن قالت هالكلااام بطريقه ضحك مو قصد
المفرووض انتي ماقلتي لازم انزوج جنج تبين الفكككه منها حرااام جرحتيها
خلي علاقتج مثل ماهي حرام لاتقطعينها وااايد ترا راح تضااايق وراح تحس انج تغيرتي
وهالله هالله عامليها معااامله حلوه وعامليها بكل احترااام
هذي اخت زوجج وهي الي اختارتج له لازم تثبتيلها انه اختيااارها صح فيييج وخلج طيوووبه وحبووبه وبالتوفيييق

 

[7abibat omha]

laa bel3aks entay over '3al6ana lma 8allalti mokalamatech
bal3ks mala da3ii elbachii wla shay 5allech 6abe3eya w tegarebii akthar
3shan ehii ma t7s enna o5oha ra7 lb3eed entay frfejat.haa roo7 beroo7 so ehii akeed tmoot feech w bel3aks tlagenha mestansa b o5oha l2anna 5thach akthar min lw enna ma5th '3airch b3dain hatha shay 6abee3i bs lma tshofech kel yoom m3aha w 9art elmasafat agraab bt3dech e5t.ha mo mrt o5oha .. w omch galat chthiii lanna elwa7da lma tetzawaj wagt elmelcha lazm tkoon mesta7yaa w me5asha w thgella w kon enna rfejtech e5t raylech lazm t5affefen shway 3shan entay bwa'93 3air alz7een