صدق من قال من شاف مصايب الناس هانت عليه مصيبته

[اشتقت ياجرح]

​

سلام كويتيات شخباركم












شاقووول صج انصدمت معقوله في بنات بهالغباء معقوله الحريم صج ناقصات عقل

معقوله البنت ينقص عليه بكم كلمه حلوووه وتروح بعدها بخرااايطها تفرط بشرفها وعفتها

عشااان انسااان حقير وجبان

السالفه يابنات انا توني متعرفه على بنت بالماسنجر المهم قاعده اسولف انا وياها والا اسألها انتي متزوجه

قالت متزوجه مع وقف التنفيذ

نعم شقصدك بهاالكلمه

قالت انا مخطوبه من 5 سنين ومملكه من سنتين

طيب حلو شلون متزوجه مع وقف التنفيذ

قااااالت ان خطيبها يجي دايم ياخذها من بيت اهلها ويروح فيها لفندق ويصير الي خبري خبركم يعني يدخل عليها

وتقول دايم يجيها بالاسبوع اكثر من مره له سنتين على هالحاله يعني كنه زواج مسيار

المهم مو هني الصدمه

خطيبها راح تزوج عليها وسوى عرس ومرته حامل وهي ياعيني لحد الحين على ذمته

لا وملكه بس يعني تخيلواا البنت ملكه وخطيبها راح ملك بعدها على وحده ثانيه وسوى عرس وانتي يلي ملك عليك قبلها

منطقه ببيت امك تنطرين الخطيب المصون يسوي لك عرس ويجي ياخذك

يمممممه ماتخيل هالموقف شلون رضت شلون لحد الحين على ذمته شلوون يتزوج عليها وهو مملك عليها

تدرون ليش لانه شبع منها وحس انها سهله عافها وراح تزوج

والي يحر انه يجامعها عااادي بعد الي سواه وزوجته على ذمته

يجيها بدون علم زوجته وياخذها من بيت اهلها للفندق خلص منها رجعها

طيب سالتها وانتي ليش لحد الحين ماسوالك عرس قالت امه رافضه وامه هي االي زوجته غصب وهو اساسا مابيها بس غصب امه الي زوجته

وهو ينطر لمى امه تسمح له يطلقها بعدين بيطلقها ويسوي لها عرس

هذي من صجها بنات معقوله مصدقته صج كسرت خاااطري غبيه لابعد الحدود

الحمدالله والشكر يعني مايقدر يطلقها ويخلص يعني خاايف من امه

المشكله المسكينه مصدقته ان لحد الحين يحبها ويبيها بس امه غاصبته على زوجته وتحبه وتدافع عنه وتقول هذا امه ساحرته عشان يتزوج عليها ويسمع كلامها

يعني يابنات حاطها زواج مسيار يجي ياخذها واذا شبع منها رجعها ورجع لزوجته

انا ماقلت لها اي شي سجلت خروج من الماسنجر وطلعت من هول الصدمه مادري شقولها

وااااضحه السالفه يوم دخل عليها بعد الملكه عافها وطلب من امه تخطب له وحده ثانيه وتزوجها وهذي الي مملكه قبل

صااارت للوناسه بس

وحرااام اهلها مايدرون انه داخل عليها علبالهم ياخذها يتمشى وياها ويرجعها

معقوله شلون سمحو لها تبقى على ذمته بعد ماتزوج عليها واذا طلقها من يصدقها انه داخل عليها ومفتوحه منه سورري على الكلمه

وعلى فكره تراها مو صغيره عمرها 30

الله يستر عليها


صج ضيقت خلقي هالسالفه

وهانت علي مصيبتي انا زعلانه عند اهلي لي مده وضايقه الدنيا بعيني بس بعد ماشفت سالفتها حسيت اني بنعمه

صج هانت علي مصيبتي



شرايكم بنااات بسالفتها مو تكسر الخاطر

 

[Tulips]

مسكينة على نياتها الله يستر عليها

 

[سنيوره قمر]

من صدق تتكلمين
وش ذا الغباء والمشكله تدافع عنه
من كثر النرفزه ماعندي كلالالالالالالالالالالام اقوله
الله ياخذ بعض البنات الي يرفعون الضغط بغباهم

 

[صباح الليل]

ياحرام صج تكسر الخاطر
فيه بنات عواطفهم تتحكم فيهم مو عقلهم
الله يفك ضيقتها يارب ويفرج همها
حرام ضاع عمرها كله بسبته الله ياخذ حقها منه يارب
بنات اهي صج غلطت بس غلطها مو جايد
اهو زوجها على سنة الله ورسوله وياها بالحلال مو بالحرام
الله يعينها

 

[الغاليه نونو]

خل تبط البرمه وتعلم امها بالسالفه قبل لا يقطها علي اهلها ويقول فيها كلام ماا يرضي فيه الله ورسوله

البنت ماسوت شي غلط ريلها ومالج عليها وعلي سنة الله ورسوله دخل عليها موشرط عرس وطقطقه بس حركته اللي سواها يومنه عرس عليها مبين انه نيته مو خوش كلشششش


بس اذا تحبه وتبي تقعد وماتبي الطلاق خل تخبر اهلها وتحط ريلها جدام الامر الواقع عالاقل يدرون فيها الحين احسن من الكوارث اللي بتصير عقب

 

[آجمل نسآء آلدنيآ]

رد : صدق من قال من شاف مصايب الناس هانت عليه مصيبته

آللـه يعينهــآ ..

بس آكيـد آهيــآ آلمـلآمــه آلوحيـده بكـل هـآلسـآلفه ..

آهـوآ مـآغصبهــآ ..رآحـت لـه بكـل طيـب خـآطر ..

و لآزم آلحيـن تتحمـل نتيجـة غلطتهـــآ​

 

[شقرا كويتيه]

رد : صدق من قال من شاف مصايب الناس هانت عليه مصيبته

امممم مادري شقول بس لازم لازم تعلم اهلها ولا باجر لاشبع طلقها وقال انا شكو شوفو بنتكم وهي اللي تاكلها المسكينه انزين بالله حملت شتسوي؟استغفرالله

 

[الجوهرة777]

لا حول ولا قوة الا بالله

تقول لاهلها علشان يروحون اخوانها يتلونه يتزوجها زواج اشهااااااار

اوكي هي غلطت لكن بالشرع محد يقدر يتكلم زوجتة

فانا رايي تقول لاهلها

 

[جروح خالده]

مادري احس السالفه فيها شي موصح

يمكن البنت تجذب عليج وماالفه السالفه يعني استغفرالله تلاقينه مو مزوجه

حتي لو كانت صج املج عليها !! مراته الثانيه اكيد بتدري بقعد الزواج ان هي الزوجه الثانيه

احس في شي غلط بالسالفه

 

[chanel N22]

لاحول ولاقوه الا بالله
حلال ان بالملجه يدخل عليها لان ريلها بس انا ما افضل لاحقين عقب العرس ان شاء الله ما ادري ليش مستعجلين
الله يصلح حالها يارب
الحمدلله والشكر

 

[najla86]

حرااااااااااااااااااااااام مسكينه

يماااااااااااااااا صاروا الشباب يخوفون

الله يكون بعونها

 

[@فطفوووطه@]

المفروض كانت تقول لاهلها قبل لاتطلع معاه لانه ماتدري شنو يسير بس خلاص طاح الفاس بالراس لازم تعلم امها والله يسر امرها

 

[ديانا سبنسر]

مادري احس السالفه فيها شي موصح

يمكن البنت تجذب عليج وماالفه السالفه يعني استغفرالله تلاقينه مو مزوجه

حتي لو كانت صج املج عليها !! مراته الثانيه اكيد بتدري بقعد الزواج ان هي الزوجه الثانيه

احس في شي غلط بالسالفه

نفس اللي كنت افكر فيه بالظبط

 

[أمواج^الكويت]

رد : صدق من قال من شاف مصايب الناس هانت عليه مصيبته

مادري غريبة سالفتها :eh_s(10):

شلون يتزوج وحده ثانية وهذي مالج عليها قبل :080402ask_prv:

وإذا إهيه راضيه وساكته أهلها شلون راضين بهالشي .. وين دورهم في الموضوع ! حتى لو إنهم مايدرون إن دخل عليها ..

أحس السالفة فيها إن :eh_s(10):​

 

[ســكره ورديه]

قوليله تروح تقول لاهلها بلاغباء وكلام فاضي

يااااقلبي بيصير فيني ضغط من هالاشكال

كثثثثير اللي زي كذا

استغفر الله يعني حتى لو تحبه واضحه الشغله يبيها بس للـ...؟

والاستقرار مع هذيك

الله يعافينا بس

 

[غيمه ظميانه]

سااااااااااااااااااااااااااااااذجه

 

[memories*]

اذا صج ختقول لامها

 

[حبـ admant ـك]

احس هالبنيه مألفه عليج هالسالفه
يعني محد من اخوانها ولا ابوها وا امها درو ان اهو تزوج
لازم الناس ينقلون الحجي وبيوصل لهم مثل ماوصل لها

 

[دايم على البال]

مسكينة على نياتها الله يستر عليها

 

[لجين بنت الزين]

حمدالله من عاداتنا ما نطلع وقت الملكه بس نتقابل ف بيتنا واهلي يكون عندهم علم حتى ما يصير ما يصير من جماع وغيره ولا ليش العرس وليــــش اصلا يسمونها ليلة الدخله؟!!!الله يهدي البنات امين