صدق بعض الرجال ما يستاهل من يتنازل عشانه...؟؟

[يارب أسمن]

السلام عليكم
كيفكم
الشهر عليكم مبارك
السالفه انا ماشفت اهلي من اول شعبان
وهم في منطقه عني بساعتين بس
وامس الاربعاء نويت اروح لهم ابارك لهم واشوفهم في رمضان
قالي زوجي خلاص
وبعد الترايح جان وكان مرررررهق
انا كنت مولمه الشنااااط وكلش متجهزه
الا اشوف وجهه وارحمه وياليتني ما رحمته
كان اول خلاص نخليها ااسبوع الجاي>>>مدري وش هالتسامح
وفررررررح
المهم نصبح اليوم الا يقولي ابروح مع اخوياي وابرجع بكره الظهر
بينام معهم
صح ان بكرى الظهر عنده شغل في نفس المكان اللي بيروح هو واخوياه
بس بالعاده يمشي فجر الجمعه
والله انا في هالحظه تفااااااجات
هالحين اجلت روحت اهلي بعد عمري ماحت لهم
وهالحين بدل ماتقدريني وتجلس تونسني تررررروح مع اخوياك
والله مرررررره هالحين ضايق صدري ماكسبت شئ ابد
لاروحه لاهلي ولاجلس هو
بالله عليكم هل لي حق ازعل..؟؟؟

 

[خالف تعرف]

الله يعينج ويسخره لج

 

[بسبوسه2]

من زين جلسته اللي تجيب الكدر يابنت خليه يروح يغير جو وانتي بعد ترتاحين وتزيتين شعرج وتفركين ولا جا من ربعه بيوديك اللي صبرك من اهلك شهر بيصبرك يومين ياقمر
وبوسه لج حبيبتي اراظيج بداله 

 

[حياتي تكنولوجيا]

الله يهديه ويسخره لج ولا تنسين الصبر مفتاح الفرج
وخللي الشي اللي صار فرصه لج ترتاحين فيها وتذكرين ربج اكثر وبالتوفيق يااااااااااارب​

 

[noura ooo]

الله يهداك يختي شحقه الزعل
تعوذي من الشيطان واذكري ربك
مااشوف اي داعي للزعل
والله يفرحك بشوفة اهلك قريب بصحه وسلامه
ويوفقك انتي وزوجك

 

[كويتيه شماليه]

اي والله ارتاحي شوي مع نفسج وان شاءالله تروحين لاهلج والسالفه ماتسوى زعل ولا شي بسيطه
ارتاحي تمددي واسترخي ولاحقه على وقفة المطبخ والكراف هههههه

 

[أم توتو]

ياختي لاتزعلين ولا شي كل تاخيره وفيها خيره وهو بيوديج لاتحاتين

 

[حلوه بس بلووه]

الله يهديه انشالله والدنيا ما تسوى علشان تزعلين

 

[وردة^الكويت]

لوديج حبيبتي بس تدرين طلعه الربع ماتتطوف لووول
تزيني هاليومين لاهلج

 

[دلع العتبان]

ياقلبي والله خليه شتبين فيه مصيره بيوديج من حلات هالقعده عاد ابو سروال وفانيله لوووول

واهم شي النك يارب اسمن يمعوده شتبين بالسمنه لووول

موفقه حبوبه

 

[الأميرة جوري]

ماتسوي زعل لاتكبرينها ومصيرج بتشوفين اهلج ..يمكن تكبرين بعينه..وانتى قلتى عنده شغله بنفس المكان طوووووووفي

 

[منو انت]

مالج حق تزعلين لان انتي قلتي خلها بعدين مو اهو اللي قال ماابي اوديج

 

[فوفو22]

انتي الخسرانه من هالزعل

وعديها

ترى التغافل 9 اعشار الخلق

فوفو

 

[روح سعيد]

الله يسخرة لج يارب لا تزعلين مافية شي فهالدنيا يسوى اذكري ربك وتعوذي من الشيطان

 

[Model Look]

مايسوا تزعلين

مع احترامي لج السبب تافه

انا ليلحين ماوداني بيت يدتي ابارك لهم بالشهر وبعدها دقيت وسلمت

وقلتله ودني وقاعد يتمطط عاد انا بديت بالتغلي والزعل الخفيف ورضا يوديني

الريال مايحب الزعل الماصخ واصلا ماكو سبب تزعلين منه

انتي اللي هونتي واهو مو معقوله بيقعد يجابلج علا اساس انه كسر خاطرج تعبان

 

[منار البربرية]

مممم ما يملي عينهم الا التراب ​

 

[om MaRyooM]

جان زعلتي عليه قوليله انا ظحيت بروحتي لهلي عشان خاطر عيونك وانت تطنش فيني !!!!

والله يعينج بس ميخالف هذيلة الرياييل .. فيهم انانية

 

[prand]

ياشين الي ما يستحووووووووووووون تغلطون على زوج المره وجدامها ؟؟

و سمعي يا بنت الناس السالفه تافهه و ما تستاهل و مصيره بيوديج​

 

[yam_yam]

الله يهديكم لبعض

 

[Freakya]

شفتوا شلون السياقة تنفع أحسن من مذلة الرياييل قطع