درة ^ الكويت
عضوه موقوفة
- إنضم
- 7 يونيو 2009
- المشاركات
- 241
- مستوى التفاعل
- 0
- النقاط
- 0
السلام عليكم
اشلونكم يا خواتي
حبيت اطرح معاناتي ومشكلتى لاني صج تعبت ومحتارة ما ادري شسوي وابي حلولكم ودعائكم انشالله الله يفرجها
اشلونكم يا خواتي
حبيت اطرح معاناتي ومشكلتى لاني صج تعبت ومحتارة ما ادري شسوي وابي حلولكم ودعائكم انشالله الله يفرجها
الخدم وما ادراك ما الخدم
اقولها وانا حدى تعبانه من ضيم وسوالف ومشاكل الخدم
صدق اللي قال الخدم حظك نصيبك
انا تعبانه احس جسمي موشايلنى لكراف البيت كافي كراف الدوام واجي ومن الدوام تعبانه والله يسهل انشاء الله
بس اللي حبت اقوله بموضوعي ان صارلي تقريبا سنتين ونصف مو راضيه خدامه تقعد عندي من وحده لى وحده وكل وحده فيها عله والله العظيم اطيب من قلبي مافي معامله حلوه معاهم وكل شي اشتري حق عيالى اقول حرام اشتريلهم اسوى عيد ميلادهم اذا وحده موجود زوجها اخليها تطلع معاه مره بالشهر يعنى كل شي متوفر وانا ما عندى شغل وايد يعنى كلها دارين وصاله وحمامين حتى غرفتى ما احب ينظفونها انا انظفها بس غرفتين يعني بس المشكله أغلب اللي يجون عندى ما يبون يهال وانا اعيالى اصغار اسم الله عليهم جبتهم ورا بعض اربع والحمدلله امسيطره عليهم بس مادرى ليش محد راضي يقعد عندي من بعد خدامه قعدت عندي سنتين وراحت محد ظل من بعدها تخيلو وحده ثلاث شهور وحده 6 شهور والباجي كله على شهر وشهرين والمسترجعه والبلاوي ما ينعدون صج صج تعبت لو مو بحاجتهم والله جان مو مشكله عندى ارتب وانظف بروحي والكل يعتمد على نفسه بس انا عندي ياهل صغير وما عندى احد يساعدنى يمسكه حقى لانى اداوم وامى جبيره بالعمر الله يخليها وخواتى كل وحده مشغوله بحياتها والله يعنيهم اهم بعد وامي ماتقدر على تبديل بامبرز وامجابل يهال اوكى انا راضية اطبخ من بعد دوام وانظف الشقه بس غسيل الملابس والكواي صج متعبين يعنى يتنى فترة قمت اغسل وانظف وكوي بس الصراحه تعبت جسمي حيل ضعيف ما يساعدني على الشغل يعنى يبيلى وحده تساعدني ومحتارة حدي ضايقه فينى الدنيا على الياهل والحين ما في حضانات والكبار مو مشكلة بيروحون المدرسة بس الصغير ما درى بنات ادعولى ان الله يسهل علي ويسخر لى خدامه زينه حق بيتى وحق هالصغير لانى الصراحة تعبت تفكير والله ما يضيع عبده انشالله ربي بيحله بس بدعائكم لي انشاء الله
وانشاء الله ما اكون طولت عليكم
وابي ردودكم اللي تريح القلب وشكرا
اقولها وانا حدى تعبانه من ضيم وسوالف ومشاكل الخدم
صدق اللي قال الخدم حظك نصيبك
انا تعبانه احس جسمي موشايلنى لكراف البيت كافي كراف الدوام واجي ومن الدوام تعبانه والله يسهل انشاء الله
بس اللي حبت اقوله بموضوعي ان صارلي تقريبا سنتين ونصف مو راضيه خدامه تقعد عندي من وحده لى وحده وكل وحده فيها عله والله العظيم اطيب من قلبي مافي معامله حلوه معاهم وكل شي اشتري حق عيالى اقول حرام اشتريلهم اسوى عيد ميلادهم اذا وحده موجود زوجها اخليها تطلع معاه مره بالشهر يعنى كل شي متوفر وانا ما عندى شغل وايد يعنى كلها دارين وصاله وحمامين حتى غرفتى ما احب ينظفونها انا انظفها بس غرفتين يعني بس المشكله أغلب اللي يجون عندى ما يبون يهال وانا اعيالى اصغار اسم الله عليهم جبتهم ورا بعض اربع والحمدلله امسيطره عليهم بس مادرى ليش محد راضي يقعد عندي من بعد خدامه قعدت عندي سنتين وراحت محد ظل من بعدها تخيلو وحده ثلاث شهور وحده 6 شهور والباجي كله على شهر وشهرين والمسترجعه والبلاوي ما ينعدون صج صج تعبت لو مو بحاجتهم والله جان مو مشكله عندى ارتب وانظف بروحي والكل يعتمد على نفسه بس انا عندي ياهل صغير وما عندى احد يساعدنى يمسكه حقى لانى اداوم وامى جبيره بالعمر الله يخليها وخواتى كل وحده مشغوله بحياتها والله يعنيهم اهم بعد وامي ماتقدر على تبديل بامبرز وامجابل يهال اوكى انا راضية اطبخ من بعد دوام وانظف الشقه بس غسيل الملابس والكواي صج متعبين يعنى يتنى فترة قمت اغسل وانظف وكوي بس الصراحه تعبت جسمي حيل ضعيف ما يساعدني على الشغل يعنى يبيلى وحده تساعدني ومحتارة حدي ضايقه فينى الدنيا على الياهل والحين ما في حضانات والكبار مو مشكلة بيروحون المدرسة بس الصغير ما درى بنات ادعولى ان الله يسهل علي ويسخر لى خدامه زينه حق بيتى وحق هالصغير لانى الصراحة تعبت تفكير والله ما يضيع عبده انشالله ربي بيحله بس بدعائكم لي انشاء الله
وانشاء الله ما اكون طولت عليكم
وابي ردودكم اللي تريح القلب وشكرا
