.......صدفه لقيته في دربي ........؟.

[ضوى العيون]

عائلـــــــــة حمده :
1) الأب :أحمد
2) الأم: سلوى
3)البنت الكبيره : علياء .
4) البنت الوسط : حمده .
5) البنت الاصغر : لطيفه .
.................................................. ....
عائلـــــــــــــة سيف:
1) الأم : أمنه
2) الأبن : سيف.
.................................................. ........
عائلـــــــــــة راشد :
1) الأم : رفيعه .
2) الأبن : راشد .
..................................................
عائلـــــــــة أميره :
1) الأم : أسماء .
2)البنت : أميره .
.................................................
والباقي طبعا كل الشخصيات ثانويه وما كتبت الاسماء لانها دورها بسيط ....
( الفصل الأول )

علياء: يا حمدة وصمخ وينج يالله تعالي بسرعه البيت أمايه معصبه عليج تعالي أنتي وراسج

حمدة : لحول أنتي ليش تصارخين عنبوه ؟ هب فم عليج حلجج ما يعورج صبري؟ بفر الكوره عليهم وبيي البيت .

وحمووودة رجعت البيت الا تحصل امها ماسكه لها الخيزرانه!! وتمسك حمده من ايدها وتقول لها ,

أنا جم مره قايله لج لا تلعبي مع الصبيان ؟؟ أنتي ما تتوبين الحين بيكون عمرج عشر سنين وانتي ما ودرتي عنج هاللعب

حمده : والله شو هالبيت مليت ؟؟ عليوووه وجع .. تعالي درسيني ما حليت واجب الرياضيات؟معلمة الرياضيات بروحي ما ادانيها.

اليوم الثاني في المدرسه )

أميره : حمده يا حمده قومي اصحي؟ المعلمة دخلت

حمده :: اووووه متى بكبر وبرتااح من هم هالمدرسه ومن ويهج أميره ! ووجه البناات .

أميره : أنتي بعدج صغيره وتقولين جي ؟ عيل لو كبرتي وش بتقولين ؟؟

حمده: سكتي لاااه .. متى بيرن الجرس بروح بسرعه اشووف سيف ولد خالتيه هالدب وينه ؟

أميره : حمده الله يخليج خليني اللعب معاكم .

حمده : لا لا مانبي بناات ..

أميره ليش أنتي هب بنت ؟..

حمده: يالله ليش خلقتني بنت !! أميره سكتي لا افلعج بشئ هيه انا بنت بس مو مثلج تفهمين ! أنا ما احب اللعب بالعرايس وأقعد أصيح على كل كلمة اذا حد نازعني .

أميره : <<<<جالسه تصيح

حمده شفتي قلت لج انا مو مثلج صيحي صيحي دوووم ياارب حشى هالبنااات مدري كيف يصيحن ما يخلصن دموعهن ....

الساعة 2 الظهر ( طلع الكل من المدرسه )

حمده : يلااا أميره يلاا نروح مشي على البيت بسرعه قبل لا يطلعن الباصات ونتأخر .

أميره :: انزين لحظه بدخل الكتب بالشنطه ؟.
حمده : <<<< تربع صوب الباب

أميره : وينج حمده صبري وين سايره ؟؟

حمده : هلا سيف وينك شو جالس تسوي هني .

سيف : جالس اتريااج قلت بمر عليج بطريقي وبنرجع مع بعض للبيت .
أميره : هلا سيف شلونك .

سيف : الحمدلله ؟؟ يلاا حمده يلااا نمشي بسرعه .

الساعه 7 المغرب :

أم سيف جت لأم حمده ...

ام سيف : يا أم حمده ياااااااا أم حمده .

أم حمده : مرحبا الساع قربي هلابج أختي قربي !!

أم سيف : لا لا انا هب جايه اقرب ؟ تعالي شوفي شو سوت بنتج وولدي وولد الجيران ؟

أم حمده : خير أن شاء الله شو سوت بعد هالبنت .

أم سيف : كسروو ليتات الشارع ..جالسين يرموون الحصااه على الليتات ..

أم حمده .. لا حول ولا قوة الا بالله !! من خبرج أنتي ..

أم سيف : من غيرهاا أم أميره جالسه تتشكى عليهم وتقوول ربوا عيالكم عدل .

أم حمده : هالبنت جننتني والله خواتهاا مايسون مثلهاا !! حشى موو بنت .

الساعه ثمان ونص ( في بيت حمده )

أم حمدة : والله اليوم لربطهاا في العاموود وأخليهاا تنااام لين الصبح فيه .

والكل يدااافع عن حمده

 

[ضوى العيون]

.....................


حمده : أمي والله اخر مره والله اخر مره ما اعيدهااا ...

مر أسبووع وحمده وسيف محرومين يشوووفون بعض ومعاقبيين ما يطلعوون من البيت .

عليااء : أمي اميييييي

الأم : خير أن شاء الله شو فيج تصارخين ..

علياء : والله بنتج حمده فشلتني والوكيله تقول لازم تروحين باجر المدرسه ضروري ..

الأم : ؟؟؟

اليوم الثاني ( الصبح )

علياء : أمي أنا بسير مع بناات خالتي ما بسير معاج أنتي وبنتك خلاااص مليت من فضايحهااا ..

حمده : أمي والله اسفه والله اسفه ..

الأم : يااااارب متى بتعقل هالبنت متى !! مليت من كثر ما ارووح المدرسه مليت والله مدري كيف اقابل المديره .

( في المدرسه )

الوكيله : هلا أم حمده قربي ..

الام : تسلمين يالغاليه بس جايه يقولون طالبتني ..؟؟

الوكيله : هيه نعم طالبينج وضروري بعد ..

الأم : خير أن شاء الله حمده سوت شئ بعد ..

الوكيله :: بصراحه يا أم حمده المعلمات يشتكوون عليها اولا حمده ما تحل واجباتها ؟؟ وثانيا حمده خلت لصق بكرسي معلمة الرياضياات .

الأم .. شوووه لصق

الوكيله : هيه نعم لصق فيران ؟..والمعلمه خلاااص رفضت حمده تكوون في صفهاا .

الأم : يالله بستر يالله بستر لا حول ولا قوة الا بالله وينهاا بعتذر منهااا دخيلج خليني برمسهااا ؟؟

والايااام تمر وحمده معاقبه في البيت
لمدة اسبووع فصل من المدرسه
..................................................

 

[ضوى العيون]

....................................................

في البيت :

حمده : أمي يالغاليه احبج موووووووت

الأم : سيري بعيد عني الحين أنتي ما تيووزين ما سوالفج حشى .. استحي على ويهج بتكبرين بتسيرين اعداديه وانتي وسيف ما تخلوون عنكم هالمشاكل .

حمده : أمي انزين انا ما سويت شئ

الأم تطالع حمده بحتقاااار ودهااا تمسكهااا وتربطهاا على المروحه ..

حمده : <<<< وجهاااا بريئ وضحكتهاااا مسطنعه من الخووف .

الأم : تقولين ما سويتي شئ هااه تبين اذكرج بأشياااء بسيطه .

حمده <<<< وجهاا عليه استفهااام ما تدري وش ترد على امهااا ..

الام : انتي وسيف وراشد ولد الجيراان لازم يدخلونكم السجن بس عشاان عمركم صغير الله رحمنااا .. الحين انتي ما تستحين تلعبين كووره مع الاولاد ...وما تستحين تسرقين حلااوه من الدكااان مع سيف وراشد هااه ؟؟

حمده : أمي يعني شو تبيني ألعب وبعدين نحن ما سرقنااا الا شوكلاه كنى يوعانين انتي ما رضيتي تعطيني فلوس ..

الأم <<<< وجها أحمر من الضيق تبي تخنق حمده من برودهااا ..

الأم : ولج عين تردين .. انتي من يوم الروضه معاهم المعلمه تقعد بطااوله المسكينه وتفصخ جوتيهااا تريح رجولهااا وانتي وياهم وش تسوون هاه ترموون نعالها من الدريشه ..

حمده <<< ميته ضحك حليلها ابله حسنيه ... محد قالهااا ما تلبس نعالهاااا

الأم <<< وجهااا اسوود تحول لونه ..

جلست تبكي حمده تأثرت قالت والله اسفه والله

الأم : كله تعتذرين بس ما تتوبين تجيبين لي مشكله اكبر من يلي قبلهااا
حمده : يلي تبيني اسويه بسويه بس لا تبكيين دخيلج ..

الأم : اريدك تلعبي مثل البنااات وتسولفي وياهن وتتركي سيف وراشد الحين انتي بنت ولازم تتعدلي وتكوني هااديه مثل البنااات

حمده : ياللـــــــــــــــــــــه .. أمي البنات ما عندهن سالفه كله يصيحن أنا مليت منهن بس خلااص ما يصير خاطرج الا طيب ..
اليوم العصر

سيف : حمده يا حموووده

حمده : تشوفه من الدريشه سيف روح روح قبل لا تطلع أمي وتشوفك

سيف : حمده تعالي نسير نلعب يلااا انا وراشد حبيبك

حمووده : حبتك قراده منتفه قل امين

سيف <<<<<<<<< ميت ضحك , امزح يلاا تعالي ولا تراني بقوول مره ثانيه

حمده : لا لا ما اقدر..

مرت خمس اسابيع وانتهت المدرسه وجت عطلة الصيف

الأب : يا حمده يا حمده يلاااا روحي رتبي اغراضك بعد بكره بننتقل البيت الجديد ..

حمده: شوه شووووه أي بيت محد قالي

عليااء : كيف نقولج وأنتي عندج امتحانات يلاااا انا بروح ارتب اغراضي

حمده <<< تطلع بسرعه صوب بيت سيف وتخبره ويهربوون عند راشد

راشد :: وين بتسافررون حمده

حمده : بنروح بيتنا الجديد .. ما اريد اروح وتقعد تصيح حمده

سيف : لا تصيحين محد بياخذك جلسي معانا انتي بنت خالتي وعاادي امي بتوافق

 

[ضوى العيون]

((الفصل الثالث ))

الليل الساعه تسع ونص ....

ام حمده: لحقوني حمده ما رجعت البيت ... وتقعد تصيح

الكل يدوور على حمده وسيف وراشد كل الجيرران ..... بس الحمدلله حصلوهم في سطح بيت راشد نايمين من التعب ...

وتساافر حمده ودموعهااا في عينهاا اليوم الثاني ..

وسيف وراشد يودوعنهااااا ويقولون لها تعالي زوريناااااا ..

وتمر سنتين وحمده الحين بتروح لصف ثالث اعدادي ...

أم حمده : حموووده وينج تعالي بقلج خبر حلووو

حمده : خير أمي شو مستوووي

أم حمده : قوم خالتج بيووون يسكنون عدالنا

حمده <<<<<<<<<< بتموووت من الفرحه سيف بيجي يسكنون عدال فلتنااااااااااا

أم حمده : هيه نعم

حمده : قامت مثل الخبله ترقص وتصاارخ من الفرح ..

في بيت سيف

راشد : سيف لا تسافر والله فرقاك صعب

سيف : لا تخاااف الحين نحن كبرناا وانا بجي ازورك دوووم واهلي ما بيمنعوني ..

راشد : ودمعته في عينه

سيف : يشووف راشد زعلاان ويمسكه ويضمه بقوووه :: ويقوله صدقني مستحيل انسى اعز صديق لي ..
ومرت أربع سنواااات .....................

أصبحت حمده في الصف الثالث وتغيرت كثيرا اذا لم تصبح الفتاة الصغيره المشاغبه وأصبح لديها صديقاات كثيرات وتعلمت من الدنيا الكثير فراق الأحبه وصعوبة الرجووع الى طفله صغيره مشاغبه ... وها هيه تنظر الى الدنيااا بمنظور غريب ويخطر في بالهااا لما نكبر لما علينا ان نجدد الاصدقاء ونتعرف على غيرهم .....وحمده الان في الصف الثالث ولا تعرف شئ عن سيف وراشد الا انهم راشد بصف ثالث اعدادي بسبب رسوبه سنتين وسيف الاكثر ذكااء من بينم في الصف الثالث علمي.

وكانت تتمنى تعرف عنهم اكثر ولكن هذا صعب فهي في دنيا لا يجووز للفتاة ماذا سيقول الناس عنهااااا ...

ودخلت الجامعه اخيرن ولكن بعد عنااء كبير اذ هي الوحيده من العائله التي يوافقون أن تكمل دراستهااا وكانت نسبتهااا 88% وهاهي تبحث في الجريده عن اسم سيف وتجد نسبته 96 % تبااارك الرحماان هالولد ما شاء الله عليه شاطر ... وتمر الايااام وحمموده مشغوله في دراستها الجامعيه ..
في يوم من الايام : حمده تجد امهااا تبكي وتاخذ عباتهاا مسرعه نحو الباب ..

حمده : أمي . أمي وش السالفه ليش تبكين ووين سايره ؟؟

الام :: كأنهاا لم تسمع حمده وتذهب مسرعه لتركب السياره مع زوجهااا ؟؟

الصـــــــــــــــــــــــــــــــدمه ؟؟؟؟

تدخل حمده مسرعه الى غرفة عليااء وتقول لهااا وش فيهاا أمي ليش زعلانه وتبكي

علياء : تتقرب من حمده وتمسك يدهااا وتناظرها بعينيهاا المليئتين بدموووع !؟

حمده : علياء دخيلج ترى قلبي يدق وانتي تعرفي بسرعه اتعب شسالفه ؟؟

علياء : سيف عطاج عمره !

حمده : لااااااااااااااااااااااااااااااااااااااااااااااا .. حررام عليج شو هالمقلب والله حرررام لا تكذبين علي .

علياء : أمي قالت لي ما اقولج بس يا حمده الاعمار بيد الله لازم ترضين ..

حمده : تهد يد علياااء وتركض صوب حجرتهااا ..
وتمر الايااام

وحمده تفكر بسيف ؟؟؟ لااااا لاااااا لاااا سيف وتتذكر اياام الطفوله تتذكر سيف لما ينتظرهااا ويرجعو مع بعض للبيت .. كانت ما تشتهي الاكل .. وتجلس تبكي وتقرأ قرآن لين ما تنااام وتمر الايااام .

أم حمده : حمووده يالغاليه قومي ترى والله حررام يلي تسوينه بنفسك هذا قضاء و قدر ولازم ترضين بيلي كتبه الله ..

 

[ضوى العيون]

حمده : تضم امهااااا وتبكي .. أمي شو حصل خبريني كيف مااات ؟؟؟

الأم : الله ياخذ حوادث السيارات يا بنيتي ... كان رايح مع ربعه دبي وكان جالس هو قدام يقولووون ؟

حمده : هو يلي كان يسوق ؟؟

الام : لا هو كان عدال ربيعه يلي كان يسووق الحين يقولون في العنايه المركزه في المستشفى بس الباقين الثالثه يلي جالسين وراء الله نجاهم الحمدلله ... يالغاليه الله اخذ سيف لانه يحبه لا تقعدين تصيحين ..

حمده : حسبي الله ونعم الوكيل ... حسبي الله ونعم الوكيل ...

• يا راحــل عني غصب يعز علي أوادعك ...
• أعفيني من حرف الدمع ما قول الا الله يرحمــــــــــــــك ...

اخيرن تخرجت حمووده بعد خمس سنوااات وما شاء الله شهادة امتياااز وقدرت تحصل وظيفه بسرعه بسبب شهادتهااا ...

حمووده اشتغلت في مستشفى للمعاقين كان تخصصها دراسات خاصه للمعاقين ..... وكانت تعلمهم الكلام بالاشاره .. وتحاول تختلط بالمعاقين الذين يعانون من ضغوط نفسيه لمساعدتهم والتخفيف من آلامهم ..وها هي تستقر في العمل مع المعاقين جسديا وليس عقليا بتدريبهم وحل مشاكلهم ....

في البيت :

الأم : حمووده يالغلا انتي تعرفي علياء تزوجت وانتي ما شاء الله الحين عمرج 24 سنه ورافضه الزواج ليش يالغاليه

حمده : أمي كيف تبيني اتزوج وااحد كبر ابويه .. ولا تبني اخذ ولد صديق ابويه المتكبر بماله وشغله ...

العائله ملت من حمووده بسبب رفضها لكل من يتقدم لهاااا ...

في المستشفى :

المدير : تفضلي حمده جلسي .

حمده : مشكوور دكتور .. خير ان شاء الله طالبني ؟؟

المدير : حمده لازم تسيرين ندوه في مركز الشارقه للمعاقين يوم الخميس مع المتدربين بتقووم محاضره مهمه واريدج تكونين المشرفه هنااك !

حمده : بس دكتور مدري اهلي لو بيوافقون ؟

المدير : انتي قولي لهم انج بس بتسيرين بتحضرين معاهم بس بترجعين مع السائق الخاص لكم .

حمده : طيب دكتور بس بجي بسياره والخدامه يعني ما بروح مع المتدربين للشارقه. !

المدير : طيب بس كوني معاهم هنااك واشرفي عليهم .

حمده : أن شاء الله دكتور .

في الشارقه : (حاولو تتخيلون معاااااااااااي )

حمده كانت جالسه في الكراسي قدام ثاني شئ من جهة اليمين .... وانتهت المحاضره وذهب الجميع للأكل في البوفيه المفتوح ... بمناسبه المحاضره الناجحه ..

 

[ضوى العيون]

وكانت حمده تتكلم تلفوون مع السائق حتى يأتي قدام الباب لترجع البيت ...

وتقوم حمده من الكرسي ومشت قليلا وتوقفت ؟ ونظرت على يسارها ووجددت شخص لم يقوووم فذهبت الى الباب ووقفت تنتظر قد يأتي شخص ويساعده .... فجأه يستاذن شخص هندي الجنسيه منها لكي يمر ومعه كرسي متحرك ولكن وضع الكرسي وكلمه ولم يخرج معه ...

انصدمت حمده وضلت واقفه تريد الذهااب لتسأله اذا يريد المساعده فمشت نحوه ولكن توقفت ورجعت بسرعه كي لا تحرجه بسؤالها وذهبت الى السياره وقالت لسائق ؟؟

اذهب لن اذهب الآن سأتصل بك أذهب من الخدامه ماريا وتغدووو في أي مطعم قريب

وأخبرت ماريا انها لن تتأخر واذا اتصلت امها تقول لهااا بأنها ستأتي حالا ....

فركضت مسرعه الى صالة المحاضره ولكن ؟؟؟

لم تجده فخرجت لعله موجود بالقرب من هنا !!

وبحثت الى ان فقدت الامل فقررت ان تجلس لترتاح قليلا ومر تقريبا عشرين دقيقه وهي جالسه فقررت ان تتصل بالسائق فوقفت تريد ان تتصل فوجدت تلفنها اغلق لا يوجد به شحن بطاريه فأمسكت بالهاتف العمومي وتلفون يرن يرن بالمنزل ؟؟ فنظرت الى النافذه كبيره تطل على حديقه خارج المركز فوجدت الشخص الذي تبحث عنه فترد عليها اختها الصغيره بالهاتف الووو الوو وحمده نست الهاااتف وتنظر عبر الزجاج واختها الصغيره تقوول الوو الوو مره ثانيه لا تتصل اذا ما بتتكلم وتغلق الهاتف بقووه ... فأنتبهت حمووده فقالت سأذهب له ولكن ماذا سأقول له ...

ذهبت لشراء عصير بارد اثنين لها وله وتقربت من الكرسي يلي جالس عليه .

حمده : السلام عليكم ورحمة الله وبركاته .

؟؟؟؟ : وعليكم السلام .

حمده :: اعوذ بالله شوه انت هب مسلم تكمل السلام لك اجر فيه ...

؟؟؟ : وعليكم السلام ورحمة الله وبركاته ..

حمده : أمممم عاادي اجلس واتكلم معااك ..

؟؟؟ : <<< منزل راسه وكله هم .. تفضلي دكتوره

حمده : مشكووور .. تفضل عصير خذه باارد

؟؟؟ : ويصد اليها ويأخذه مشكووره

حمده : تنظر الى عينيه ووقفت ويديها ترتجف ويطيح العصير في ثوبه ..

؟؟ : بسم الله شو فيك ما تشوفين ؟؟فطالعها وعيونه كلها غضب
حمده : ودمعتها بعيونهااا راشد ؟؟راشد : ينظر لها بستغراااب !! كيف تعرفين اسمي .حمده : معقوله ما تذكرني ؟؟راشد : يطالعها للاسف اختي ما عرفتج ؟؟حمده : ما تذكر يلي كانت تسرق معاك الحلاوه من الدكااان . راشد : ايده ترتجف وحس بقلبه يدق بسرعه ح ح م حمـــــــدده ؟؟؟ ومسك ايدهاااا يبي يوقف بس طاح على الارض ؟؟ حمده : مش قادره تنتبه على نفسهاا .. ما تدري كيف حصل كل هذااا وليش وكيف الف سؤال براسهااا ويركضوون المسعفين للحديقه يبوون يرفعوون راشد ويقعدونه على الكرسي وحمووده تبكي ....راشد : حمده يا حمده واهو منصدم ويرتجف من الصدمه .الدكتوور : لو سمحتي بعدي شوووي لازم ناخذه داخل ..راشد : دخيلك اصبر حمده كلميني حمده حمده ما تحملت وركضت برى المركز وتبكي وتتصل لسائق ورجعت للبيت وتسير بسرعه صوب غرفتهااا .. وترمي بنفسهااا على السرير وتبكي وحالتهااا حاله من الصدمه ...الأم : حمده فتحي الباب .. حمده شو فيج خبريني فتحي الباب ... أما في مركز الشارقه للمعاقين :راشد : سبحاااااااااان الله يا الدنيا ... حمووده الصغيره ..! مستحيل مستحيل ... وعيناه مليئتين بدمووع وينك يا سيف تشووف حمده نحن اجتمعنا لكن بدونك ؟؟ الله يرحمك يااارب ويدخلك جناات النعيم ..ويدق الباب على راشد :راشد : منو عند الباب تفضل ؟؟الدكتور : السلام عليكم راشد : وعليكم السلام ورحمة الله وبركاته .الدكتور : أزيك أنهرده <<< كيف حالك اليوم .؟ راشد : الحمدلله .الكتور : لا دنا بشوف في عينيك هم وحزن! .. نحن ما تفقنا كده يا راشد ؟؟ راشد : سامحني يا دكتور بس أنا ما مقصر .. أتدرب دااايم على المشي وآخذ دواي كل يوووم .ويمر اليوم على راشد وحمده وكل شخص يفكر في حااال الدنيااا كيف تغير كل شئ ويبكوون على الشخص الذي افتقدووه وكان أعز صديق لهم ..ومر يوم الخميس والسبت والاحد ... وأحد يدق باب راشد يو الأثنين في الساعه العاشره صباحا ؟؟؟؟؟؟: السلام عليكم ورحمة الله وبركاته .راشد : وعليكم السلام ورحمة الله وبركااته ... هلااااااا والله مرحبا الساع نور المكااان ... تفضلي يالغاليه ..وقربت حمده الكرسي بجانب السرير وجلست به ... وأحست بأن راشد ينظر الى كل حركه تقوم بهاا حمده ... وتجلس بالكرسي وترفع رأسها وتنظر أليه ؟؟ أما راشد فينظر له متعجب من جرأتهااا وهدوئهاا ونعومت صوتهاا وجمال عينيهاا وبرائة وجههاا ... وكل واحد يناظر لثاني ... ويعم بالغرفه السكووون وصدى صوت الموظفين بخاارج الغرفه ...فجـــــــــــــــــأه :الممرضه : لازم أعطيك الدواء يا راشد الحين ؟؟راشد وحمده : ينظران لبعض ويضحكااان ..راشد : أعوذ باالله ... من وين طلعت والله فز قلبي ؟؟ حمده : وتضحك ... الله يأخذ شيطانهااا .. زين ما جتني جلطه .. هذي حد يخليهاا في الحرب بتطلع للعدو بسرعه ما يحتاج تقتله بس تطلعله بسرعه بيمووت من الخووف ...راشد : ههههههههههههههههههههههه .. لالا ما عليج منهاا اهئ وااايد طيبه .راشد : أممممم .. !! حمده

 

[ضوى العيون]

حمده : هلا راشد

راشد : حمده ما شاء الله عليج تغيرتي وااايد ... وين البنت يلي ما تسحي شعرهااا (_ كشه ) وكل ثيابها وسخه ...؟؟

حمده : <<< منزله راسهااا وميته ضحك والخجل ذابحنهااا ومستحيه ماتعرف شو ترد عليه !!

راشد : بسم الله عليج ؟؟ شو فيج ايدج ترتجف شوه ما صدقتي حد مدحج كنت امزح لا تصدقين ؟؟؟

فنظر أليها راشد لم تغضب بل بالعكس كانت هاديه وتضحك ... لم تعد الفتاة الصغيره التي تغضب بسرعه ؟؟ وتضربه وتشتمه ؟؟

راشد : بصراحه فعلا متغيره حتى في اسلوبج متغيره وااايد !!

حمده : وبكل حنيه وبصوت هادي وجميل ....أنت بعد وااايد متغير بس أحلى ما فيك عيونك الناعسه ...
فجــــــــــــــــــــــأه :

حمده : راشد ما دريت عن سيف ؟؟؟

راشد : بلا أعرف الله يرحمة ويدخله الجنه ..

حمده : وعيونها ممتلئتان بدمووع .. أمين .

راشد : سبحاان الله .. سيف مات ونحن الله نجانا من الحادث ..

حمده ترفع عيونها بكل استغررراب وتطالع راشد ؟؟؟؟

حمده : شو شوووووووووه؟؟ شنو تقصد أنه الله نجاكم من الحادث ؟؟

راشد : طلبوو مني أوصلهم بطريقي لكلية دبي الألكترونيه ...

حمده : يعني أنت يلي كنت تسوق السياره ؟؟ يعني أنت يلي تعورت ودخلت العنايه المركزه ؟؟؟ يعني أنت يلي بسببك مات سيف ؟؟؟ انت السبب أنت ...

وتركض حمده للباب وراشد يناديهااااا بس أهي مستغربه مش عارفه وش تسوي من الصدمة ....

راشد : حمده وغلااااااااااااات سيف المرحووم لا تطلعييين ارجوج تعالي ؟؟

حمده وتصد صوبه وبعيونه حقد وكره لراشد ....!

حمده : ولك عين بعد تنطق بأسمه انت قاتل؟ أنت السبب بموته أنت ؟؟
راشد : لو أنا السبب كنت بدخل السجن ... فهميني لا تظلميني وتفكرين على كيفج ... أنتي سمعي السالفه وحكمي بعدين ... أنا يفلانه لو بالسجن كان أحسن من جلستي هنى ... أنا هنى عايش بكابوووس الحادث ومووت أعز صديق لي ... أنتي كيف تقدرين تقولين أنا قتلته ... يمكن سمعتي حد قدر يقتل ولده بس سمعتي حد يقتل نفسه .. هذا روحي .. هذا نصفي الثاني بس مااات الله يرحمه هذاا القدر ...

حمده : بعدها معصبه وتطالعه ما تدري وش تقوله !!

راشد : حمده ؟؟ سيف اتصل فيه قبل يوم الحادث الساعه ثلاث بليل وقال أنه يريدني أوصله مع ثلاثه من ربعه لدبي ..

يريدوون يحضرون محاضره ضروريه لبحثهم ... المهم أنا رفضت أهؤ جلس يحن علي ويترجاااني .. قلت له عندي كليه الساعه ثلاث الظهر وما اقدر ارجع تعباان من دبي ...

 

[ضوى العيون]

قال المحاضره بتكوون الساعه ثماان ونص الصبح ... فواقفت وجلسنا نسولف ونضحك لين ما سكرت من عنده واتصل فيه الساعه سبع ونص عشان اقووم واتجهز قمت وتلبست وطلعت وخذيته وجلس معااي قدام وثلاثه من ربعه وراء ... المهم ونحن بطريق انتبهت لشئ وهذا الشئ اهؤ يلي مصبرني ومريحني من يلي انا فيه ...

كان يقولي راشد والله أنك طيب وعمري ما راح أحصل صديق أحسن وأوفى مثلك .. وأنا أقوله ماله داعي للمجاملاات .. تبي تقردني عشاان اوصلك بسرعه .. وكان يضحك ويطالعني بنظراته البريئه ...

فجأه
قالي حد من ربعه يلي جالس في النص دخيلك راشد خلني اسوق قلت له ما اقدر اخليك ما عندك ليسن ( رخصة قياده ) ... قال انا رسبت في الليسن اربع مرات والله مليت علمني انت ... وكان أسمه خالد وبعد ألحاح منه وقفت السياره ونزلت وركب سيف وراء وأنا جلست عداله على أساس اراقب سواقته وأعلمه في هالطريق الطويل وخالد ساق السياره ..
بس خالد كان يسوق عدل بس الله كاتب نصدم لوحة أنظمة المرور وصدمناها حاول يلف صوب الشارع بس نزل عل الرمل وتقلبت السياره وتكسرت أكثر شئ من صوبي السياره بس الله كتب سيف يمووت ونحن نبقى عايشين أنا طلبت من خالد يطلع سيف والباقين قلت له رجولي ما اقدر أحركهم
فجاء خالد وربيعه الثاني وطلعوني واتفقنااا نقول أنا يلي سويت الحادث هب خالد لانه ما عنده ليسن ... ونادنا ربيعهم الثالث عادل يقول لحقووو سيف ما يتنفس .. ؟؟

أنا وقف كل تفكيري ولكن الله كتب الشرطه تجي ويعرفوون أنه قضاء وقدر وطلبوا مني أدفع الديه ؟؟ ولما سألت الدكتور سيف كيف ماات ولو أنه حادث مش قوي واايد

قال : تأثر دماغه لما ضرب راسه على الزجاج مما أدى ألى حصول نزيف داخلي بدماغه وتوفى بسرعه ؟؟

حمده : راشد راشد خلاص لا تبكي ارجوك أهدأ شوي !!

***يا رفيق الدرب ...هانت عبرتي ..ما بقى الا الألم يحضن بكااااااااي ....

راشد : حمده يلي مخليني اتضايق أكثر أهل سيف يعتقدوني أنا السبب في موت ولدهم ويكرهوني وااايد ...أنا ما ألوومهم بس قلبي يتقطع كل يوووم بسبب فراق الغالي عني وظلم الناس لي وكره نااس كثير لي ... أنا شو ذنبي أنا شو ذنبي ....

حمده : راشد أنا بخبر خالتي وخالي بالحقيقه لا تضايق روحك ؟!

راشد : لا حمده وش بيفيد نبش الماضي .. ولكن ودي أعرف ظروف شخص ليش ما جاني واعتذر لي ليش ما جاني وسأل عني ليش ؟؟

حمده : من هالشخص راشد ؟؟

راشد : خالد

حمده : يلي ساق السياره .

راشد : هيه .

حمده مسكت يد راشد وتأسفت منه وقالت له عمر الانتقاام ما بيفيد شئ يا راشد أنا ضلمتك لاني كنت مش فاهمه وش حصل وأنت لازم ما تظلم خالد لين تفهم ليش ما جئ يعتذر منك ... هذي دنيا فانيه يا راشد ...

حمده : المهم أنت الحين بخير وتحسنت حالتك الصحيه أحسن من قبل ..

راشد : الحمدلله تخلصت من الاحلام والكوابيس والهم والحزن على فراق الغالي .. ورضيت بما كتب الله لنا في هالدنياا ..

 

[ضوى العيون]

حمده : وأنت الحين بس تتعالج .
راشد : أنا بقى لي سنه وبخلص من الكليه ...

وتمر الأياام وتحاول حمده كل ثلاثاء تزور راشد وتساعده في تدريبه على المشي والتكلم معه لتقليل من همه .

والايام التي لا تقدر تزوره تجلس تفكر فيه ولا تشتهي الأكل وتتمنى تروح له وتطمن عليه ..

*طيفك يراودني ...وقلبي يناديك ...

.. أيضا راشد الذي أصبح ينتظرهاا كل يوم بالحديقه ويكتب لها أشعاار وتغيرت معاملته لها أذ يضحك معهاا ويكلمهاا بكل رقه ويتمنى أن يراها دائما...
من يلي كتبته حمده:

*ودي أكون قربك ...
* ودي أسمع صوتك ...
* ودي أشبك يدي بيدك ...
* ودي أنسيك كل همك ...
سمعت احد يدق عليها الباب ؟

حمده : تفضل ؟

عادل : السلام عليكم .

حمده : وعليكم السلام هلا اخوي .

عادل : انا جاي اقول كلمة .... ابيج تتجهزين يوم الخميس الجاي خطوبتج على ولد عمج .

حمده : اصبر شوو شوووه تقوول انت ؟؟؟ من قال واي ولد عم ؟

عادل : بعد أي ولد عم .سعد ما تذكرينه ؟

حمده : سعد ما غيره ؟

عادل : هيه سعد وش فيه بعد ؟

حمده : بس يلي اعرفه انه يكمل دراسته في سويسرا ؟

عادل : هيه كان في سويسرا بس رجع يبي يشتغل مع ابوه في الشركه ؟

حمده : عادل بس انا ما اريد اتزوجه ؟ سمعته من بين الناس هب زينه .

عادل : سعد ولد عمج وبيهتم فيج اكثر من الغريب . ويلاا عااد بلا كلام فاضي ؟


طلع عادل من غرفة حمده ؟؟؟ وحمده كلها هم وحزن ما تبي تتزوج سعد بس اهئ تعرف انه عمرها 26 واخوها مستحيل يقبل رفضها الحين من بعد الاشخاص يلي تقدمووا لها ورفضتهم .

حمده: امي تعالي ابي اكلمج ؟

الام : هلا حبيبتي شسالفه وش فيهن عيونج حمر ليش تصيحين ؟

حمده : عادل اجبرني اتزوج سعد وانا ما ابيه ؟

الام : حمده انا مالي دخل في السالفه عادل بيعصب علي لو تدخلت هالمره ؟

 

[ضوى العيون]

حمده : ارجووج امي سوي شئ .. انا ما اقدر اتخيل نفسي اتزوج سعد ؟

الام : وليش ؟؟؟ شسالفتج حمدده متغيره هالايام شوو سالفتج انتي الحين عمرج كبير وقليل يلي يتقدموو لج يعني لازم توافقين ؟

حمده : ما اقدر .... مااااااااا اقدر اوافق .

وتبكي حمددده .

الام : حمده ليكون بسبب يلي كلمتيني عنه راشد ؟

حمده : ترفع راسها وتقول راشد ! وراشد كيف اخبره شنو اقوووله .

الام : يا حمده ليكون تحبينه ؟

حمده : هيه احبه ( وتبكي )

الام : واذا اهؤ مش حاس فيج انج تحبينه وبعدين لا تنسيين اهلج مستحيل يوافقون فيه نسيتي وش سوااه في المرحووم ؟

حمده : امي انتي تعرفين القصه زين لا تظلمينه !

الام : حمده انا وانتي نعرف بس الاهل ما يعرفون ومستحيل يصدقوون انسي راشد انسيه ..

حمده : تركض لغرفتها وتقفل الباب عليها وتبكي .

الصبح :

حمده قامت تلبس ثيابها بتسير المستشفى عند راشد ....

راشد : اول ما شافها قام وقف بعكازه وحده من فرحته بشوفتهااا .

حمده : منزله راسها السلام عليكم .

راشد : وعليكم السلام والرحمه هلا والله بحمده ........

حمده : شخبارك راشد عساك على القوه اشوف صحتك احسن من قبل بواااايد .؟

راشد : الحمدلله .

حمده : خبرني شخبار الدراسه بالكليه . ؟

راشد : بصراحه خايف الامتحانات ما بقى عليهن شئ ...

حمده : ادرس عدل وان شاء الله بتنجح .

راشد : ان شاء الله .... حمده بس عااد كله تتكلميين عني خبريني انتي شو اخبارج وشو الدراسه وياج ؟؟

حمده : دمعتها على خدها ... وهب قادره تناظر راشد بعيونه ... راشد انا بقولك شئ واتمنى تسمعني عدل ...

راشد : خير ان شاء الله .

حمده : راشد اتمنى لك كل خير وهذي اخر زياااره لي .

وتركض حمده قبل لا تسمع أي شئ من راشد .

 

[ضوى العيون]

البيت :

علياء : حمده طبعا ماشئ وقت نخيط فستان لج لازم نسير ندور لج في الاسواق يلاا قومي .

حمده : علياء انتي روحي واختااري يلي تبينه وانا موافقه عليه ( وتسير حمده غرفتها )

وتنخطب حمده لسعد وبعد شهرين تزوجوا .

حمده : الووو

سعد : اعوذ بالله شو تبين انتي ليش متصله ؟

حمده : سعد اهلك يسألون عنك وابوك يبي يعرف ليش ما تروح له الشركه ؟

سعد : اوووه قولي لهم بعده ما مر على زواجنا سنه ... مالي خلق ارروح الشركه ..!

حمده : سعد انا مستحيه وااايد من اهلك ما اقدر اكذب عليهم اكثر .

وتسكر التلفوون في وجه سعد وتتصل حق ؟

عادل : الووو هلا اختي امري .

حمده : انتي لازم تجي تاخذني لبيتنا ما اقدر اقعد دقيقه وحده عند سعد ؟؟

عادل : حمده تراني مليت من مشاكلكم لكم ثلاث شهوور وانتم على هالحاله شوو هااه او مره اشوف زواج جي ؟

حمده : انت السبب انت ( وتبكي )

عادل اخذ حمده الى بيتهم .

الام : تركض تضم حمدده .. بلاج حبيبتي لا تبجي بس خلااص.

حمده : مليت منه مللللللللللليت .

عادل : انا بسير اكلمه ؟

علياء : وين تسير له ؟؟ كل اسبوع بتسير اتكلمه !! لين متى ؟ شووف البنت متغيره حالته وشووف وجها حررام عليك خلها عندنا لا تسير تكلمه اذا يبيها بيي ياخذها معاه وبيعتذر ...........

بعد مرور ثلاث اسابيع ( عم حمده )

يا حمده ردي لريلج ترى الزعل ما يخلق الا الطلاق يا بنتي ؟؟

حمده : يا عمي ولدك بلى شعوور مليت منه انت يلي تصرف علينا ولين متى بيسهر برى البيت لين متى مليت انا مللللليت .

عمها : يا بنت الحرمه لازم تكوون صبروه ؟

حمده : أي صبوره يا عمي لدرجه يضربني ترضى انت يا عمي ترضى ولدك حتى صلاه ما يصليهاا ؟؟

عمها : يا بنتي اخر مره واذا مد ايده عليج اوعدج اتصل لشرطه انا المهم ردي معاي الحين .

ورجعت حمده مع مها البيت بعد توديع اختها علياء لها ....

 

[ضوى العيون]

حمده في بيتها جالسه تسوي عشى ..

سعد : يدخل عليها ويمسكها ويصفعها ..... انتي كيف تتجرأين وتقولين جي لابوي ... تعرفين انه ما راح يصرف علي ؟؟؟

حمده : تصارخ من شدة الألم وتقوله دخيلك اتركني ...

سعد : يضربها ويمسك ايدها ويخليها بنار ...
حمده : تركض صوب الصاله وتقفل الباب وتمسك التلفوون تتصل لعادل ... بس ما يرد عليها وتسمع سعد يضرب الباب بقوه تحول مثل الوحش ... وتتصل ............ لشرطه ؟؟

الشرطه :: الووو

حمده : دخيلكم تعالو بسرعه زوجي يضربني .؟؟

الشرطه : ان شاء الله اختي كم رقم البيت .

حمده : تخبرهم كل شئ ....... وسعد بعده يضرب الباب بقوه ويهددها اذا ما فتحته بيقتلها اليوم ؟؟

جرس البيت يدق ... وتركض حمده تفتحه ..

الشرطه : لا تخافين وينه ؟؟

حمده : تؤشر على الغرفه يلي فيها سعد ويمسكونه الشرطه

سعد : توصل مواصيلج تتصلين لشرطه ... والله لتشوفين شئ عمرج ما شفتيه ..

حمده : ترتجف وتبكي وتسمع تلفونها يدق ؟؟

عادل : الوووو

حمده : تبكي عادل ألحق اتصلت لشرطه ومسكو سعد .

عادل : شوووه تجننتي انتي تبين تفضحيناااااااا ؟؟

حمده : انت السبب انت!! وتحمل الفضايح الحين ؟؟

ويسكر عادل من عند حمده ويتصل لعمه يخبره السالفه .....

حمده تبكي ولازم يسؤلونه الشرطه عن كافت الاجرآت يلي حصلت وكيف حرق يدها لين ما توصل الاسعاف.

.....؟ حمده

حمده : تحس انها ما تسمع شئ تحس انها هب قادره تجاوب من الصوت يلي سمعته !!!!!!!!

راشد : حمده لا تخافين انا معاج .

حمده : ترفع راسها وتشووف راشد ودمعته في خده موو مصدقه هذا رااااشد ...

راشد : حمده جاوبيني انتي بخير

حمده : تناظر بعيونه مو مصدقه يلي قدامها راشد ولا خيااال ؟؟؟ راشد

راشد : هيه انا راشد .

ويوصل العم وعادل البيت ..

 

[ضوى العيون]

وياخذ عادل معاه حمده بعد ما سألوها شو حصل وياخذها المستشفى يعالجوون جروحها

علياء : لا تبكي حبيبتي حمووده فديتج يا الغاليه الحمدلله عل السلامه .

حمده : الله يسلمج .

علياء : انتي لازم تتطلقين من الوحش ولا ترجعين تعيشين معاه .

حمده لا دخيلج .. لا تقولين اسمه بعد ... مستحيل لو يقطعووني نصفين مستحيل ارجعله .؟؟

وتمر سنه وسعد طلع من السجن بعد ما تنازلت حمده عنه بشرط يطلقها وكل واحد تنازل عن كافت حقوقه ...

عادل : حمده يلغاليه قومي نطلع شوي أي مكان تحبينه ؟؟

حمده : لا مشكوور اخويه ما ابي اطلع مكان ...عفت الدنيا ويلي فيهاااا ...
عادل : حمده دخيلج سامحيني بس انا كنت افكر هالشئ لمصلحتج وانتي تعرفي ابوي مخلي علي كافة المسؤليه علي..؟

حمده : اااااااااه بس مسامحتك يا اخوي ...

تمر ثلاث اشهر والحمدلله حالة البيت اوكيه وعلاقت الأهل صارت احسن من قبل صار في تفاهم وحب وعلياء تزوجت من ولد خالتها وتزور اهلها كل خميس واهئ مستانسه حييييل .

عادل : الووووووو

راشد : الووو السلام عليكم

عادل : وعليكم السلام والرحمه

راشد : عادل شخبارك

عادل : الحمدلله بخير ......منو الرجال معاي؟؟

راشد : ودي اشوفك واتكلم معاك بسالفه ضروريه اذا ما عندك مانع ..

عادل : خلاص تم نتقابل ... في بحيره خالد في المطعم ........؟؟
راشد : خلاص تم مع السلامه .

الشارقه ( بحيرة خالد )

راشد : السلام عليكم

عادل : وعليكم السلام هلا والله بولد خالتي رفيعه

راشد : تذكري امي .؟؟؟

عادل : كيف ما اذكرها افااااااا عليك ........ انت ولد جيرانا والوالده على العين والراس كانت تحبني واااايد واعتبرها مثل امي ......

راشد : تسلم والله يالغالي

عادل : اقرب .

راشد : مشكووور ... بس يا عادل انا كنت افكر انكم تكرهوني بسببب السالفه ..

 

[ضوى العيون]

عادل : لا تكمل ... وليش نكرهك انت تقصد على سالفة المرحم يا رجال انت اختفيت بس اربيعك خالد جانا وخبرنا بكل شئ انا وعمي وقاله راشد ماله دخل بسالفه ...

راشد ............

عادل :: انت رجال والله والنعم فيك ..

راشد : تسلم والله ... بس انا ما توقعت انه خالد يخبركم بكل شئ ..

عادل : المهم انت شخبارك ... يقولون تشتغل بشرطه ....

راشد : هيه نعم

عادل : انزين انت وينك في هالدنيا مختفي لا سلاام ولا خبر عنك ؟؟

راشد : موجود بس كنت اتعالج وادرس في نفس الوقت ..

عادل : ما شاء الله عليك .

راشد : عادل انا جايك بسالفه ثانيه؟؟

عادل : خير ان شاء الله .؟؟؟

راشد : والله ودي اتقدم لأختك

عادل : لطيفه ؟؟

راشد : لا حمده .

عادل : بس حمده مطلقه .؟

راشد : وانا مستعد اتزوجها اذا ما عندك مانع ..

عادل : والله والنعم فيك بس لازم استشيرها ؟؟

راشد : متى بترد عليه .؟؟؟

عادل : هههههههههههههههه اشوفك تبي تتزوج بسرعه ؟؟

راشد : والله ودي اليوم قبل باجر ......

عادل : خلاص بروح الحين وبرمسها مع السلامه

راشد : مع السلامه انتظر اتصال منك

في البيت:

عادل : يبوس راس امه ........ هلا بأمي حبيبتي .

الام: فديتك يالغالي

عادل : عيل وين حمده

الام : بعد وين بغرفتها بتحصلها ....

ويسير عادل غرفة حمده ويدق الباب ......

حمده : تفضل ؟؟؟

عادل : السلام عليكم

 

[ضوى العيون]

حمده : تقوم تسلم على اخوها ... هلا والله بعادل اقرب ...

عادل : انا ياي ارمسج بسالفه ؟؟

حمده : خير ان شاء الله ... ليكون تبي تعرس ههههههههههه

عادل : اممممممم بصراحه لا غيري يبي يعرس ؟؟
حمده : منووووووو

عادل : واحد تقدم لج

حمده : عادل دخيلك موضوع لزواج انا شلته من حياتي ......

عادل : يا حمده اسمعيني زين ؟؟؟؟

حمده : ما ابي اسمع شئ

عادل : خلاص خلاص زين لا تعصبين ...

ويطلع عادل ويسير يقعد مع امه ويخبرها بسالفه

الام : حمده انتي مجنونه

حمده : امي انا خلاص تعبت من سالفة الزواج تكفين خليني بروحي ...

الام : براحتج بس انتي يلي بتندمين ...

حمده : اندم

الام: هيه بتندمين.............. لو تعرفين منو تقدم لج ؟؟؟

حمده : توقف منوووووووووو

الام : ولد الجيران راشد ...

حمده : مووووووووو معقوله ........ راشد راشد

الام : هيه راشد

حمده : واخيرن

الام: بسير اكلم عادل

حمده: هيه امي سيري بسرعه

الام : تضحك واهئ حييييييييييييييييييييل مستانسه لبنتها حمده


وتزوجت حمده راشد وصارت حياتهم طبيعيه والحب من بينهم مستمر

وعلياء جابت بنت وسمتها حمده ... وعادل تزوج اخت اميره بنت جيرانهم


أن شاء الله عجبتكم القصه

والسموحه منكم

مع تحياتي :

أنين الرياح