صداقات النت ...............................

[مذهلة 78]

السلام عليكم

لاحظت شغله بالمنتدى ان في بعض العضوات امتدت صداقتهم مع بعض لخارج النت

يعني صار بينهم زوارات وجمعات ودشوا بيوت بعض

اللي بعرفه شلون قدرتوا تكسرون هالحاجز وتتزاورون
وشنو شعركم لما شفتوا بعض وجها لوجهه

سؤالي الثاني لباقي العضوات لاي مدى ممكن تمتد صداقاتج بالنت ؟

واذا فيه حضوه وجهتلج دعوه هل ممكن تقبلين فيها او لاء؟​

 

[أنآ كيفـي]

اب اب اب =)​

 

[classicyah]

بصرآحه مآ أقبل و لآ اؤيد . .

أنآ جربت هالنوع من الصدآقآت سآبقاً و ندمآنه قد شعر رآسي ، ،

مآ نآسبتنيْ و شفت أكبر غلط اني أمدد علآقتي في بنآت المنتدى بالوآقع ،

هذآ طبعاً ، على أيآم مشآركتي في المنتديآت المختلطه ،

عقب مآ شفت البلآوي الي اتصير خلف الكوآليس ، ، هديت هالمنتديآت و توجهت للنسآئيه ،

و غيرت ايميلي و سويت ديليت لكل وحده ويآيه بالـ بيبي مسن ، و غيرت رقمي ،

و بنآت المنتديآت النسآئية و النعم فيهم ، و خآصةً بنآت منتدى كويتيآت وآيد طرشولي طلبآت صدآقه بالرسآيل الخآصه ،

بس الصرآحه مآ عطيتهم ايميلي أو شيْ ،

اكتفيت بالرسآيل الخآصه ، و الحمدلله ، ، جي أريح بوآآيد . .

و مشكوره ، ،

 

[مذهلة 78]

بصرآحه مآ أقبل و لآ اؤيد . .

أنآ جربت هالنوع من الصدآقآت سآبقاً و ندمآنه قد شعر رآسي ، ،

مآ نآسبتنيْ و شفت أكبر غلط اني أمدد علآقتي في بنآت المنتدى بالوآقع ،

هذآ طبعاً ، على أيآم مشآركتي في المنتديآت المختلطه ،

عقب مآ شفت البلآوي الي اتصير خلف الكوآليس ، ، هديت هالمنتديآت و توجهت للنسآئيه ،

و غيرت ايميلي و سويت ديليت لكل وحده ويآيه بالـ بيبي مسن ، و غيرت رقمي ،

و بنآت المنتديآت النسآئية و النعم فيهم ، و خآصةً بنآت منتدى كويتيآت وآيد طرشولي طلبآت صدآقه بالرسآيل الخآصه ،

بس الصرآحه مآ عطيتهم ايميلي أو شيْ ،

اكتفيت بالرسآيل الخآصه ، و الحمدلله ، ، جي أريح بوآآيد . .

و مشكوره ، ،

مشكوره على مشاركتج
واكيد المنتديات المختلطه مايجي منها خير

 

[منو انت]

تبين الصج احس خطوه صعبه واستغرب من اللي صار بينهم علاقه بالواقع بس اكيد انها خذت وقت على ماتطورت العلاقه واكيد عرفو بعض اكثر

بس بنفس الوقت في بنات صغار احس مراهقات على طول تصدق وتعطي رقمها واسمها وعنوانها وممكن يتبادلون صور واهي لين الحين ماعرفت اللي جدامها عدل (( واكبر دليل قبل فتره وحده حطت موضوع انها عرفت وحده من المنتدي ولما زعلت عليها وقالت ماابيج قامت تهددها بالصور ))

طبعا في بنات فيهم الخير والبركه بس الحذر وااااااااااااجب

 

[manoooram]

عن نفسي تعرفت على بنات بالمنتدى هني ونعم البنات والأخلاق
وما شاءلله الله لا يغير علينا صارلي أعرفهم من زمان وأتشرف بمعرفتهم أكثر
بس ما تطورت حدود علاقتي فيهم خارج النت والاتصالات الهاتفيه والمسجات
بالرغم ان صادفت كم وحده فيهم بالمعارض واستانست لمن عرفتهم ان نكاتهم جذي

 

[a7la-elbanat]

انا شخصيا ماجربت ولا احب اجرب
احس غلط لان ماتعرفين هل اهي فعلا بنت او لا
وهل اخلاقها زينه او تدعي المثاليه وياكثر مدعينها
وبالنهايه ماتناسبني هالنوع من الصداقات افضل صديقاتي اللي بالجامعه او صديقات الطفوله اكثر

 

[Velvet Girl]

بالنسبه لي انا صداقات النت اتظل بالنت ما تطلع بره
حتى لو البنت الي تعرفت عليها خوش بنيه وما شفت منها شي
بس احسن جذي عشان بالمستقبل ما تدرين شنو يصير

يعني مثلا مرات تنصدمين من بنات كنتي تقعدين معاهم ٢٤ ساعه
فما بالج الي تتعرفين عليهم بالنت

وبعدين انا مسويه ايميلين واحد حق ارفيجاتي الي معاي بالجامعه و ارفيجات الطفوله
و اهلي

ومسويه ايميل حق البنات الي بالمنتدى احسن

 

[ام دليار]

بلعكس شي حلو التعارف على صداقات
لحد هلأ ماشفت حدا بس على الأيميل البنات كثير محترمات
عادي ممكن أني أتعرف على البنات وأشوفهم مافي مشكلة

مشكورة على الموضوع

 

[طـير7]

انا الصراحه ما أأيد

بس اذا شفتهم بالمعارض استانس

بس صارلي موقف بتويتر

تعررفت على وحده وعلى طول تبادلنا ارقام بعض وبسررررررررعه تطور علاقتنا

واحسها اختي القريبه مني وصارت زيارات منزليه وطلعات

واول مره تصير معاي

والله يديم صداقتنا الحلوة

 

[є 3 τ и α q]

على حسب البنت .. واختيارك ..
انا اؤيد الصدآقآت النتيه كثير

وفي بنات اعرفهم وصارت علآقتي معاهم واقعيه
وكلهم والله فيهم الخير ...


/

وكلهم زي خواتِ .. ومتقربه منهم ..
ونكلم بعض ونشوف بعض .. عادي ..


له صديقه لها 5 سنوات عرفتها عن طريق منتدى
وللحين لله الحمد مع بعض ..

واخت واغلى من اخت ..


الله يخليها يارب ويستر عليها ..


لكن انتبهي في اختيار الصديقه ..
عسى الله يبعد عنك كل شر ..


/

 

[الحللللوه]

مدري انا ودي اللي اعرفهم اشووفهم

 

[تعويذه الحب]

انا عن نفسي كنت اايد هالشي لكن لما بيتي كان بينهم بسبب وحده تعرفت عليها بهالمنتدى كرهت النت بكبره وقمت ادش على فترات اشوف الرسايل اللي عالخاص

واقرا المواضيع الجديده واللي حابه تسوي علاقه بالنت ما اقولها غير الله يبعد عنج بنات الحرام

 

[doodie gaga]

صداقة النت لا أؤمن فيها نهائي .. يعني نتقابل وكذا لا ..

لاتنسين إن النت عالم مجهول وكبير .. وماله حد ..

يقدر أي شنب يجي ويسجل بنك بنت .. ويرسل لك رسالة خاصة عرفيني عليك ومدري وشو ..

والبنت مسكينة عن حسن نية معطيته كللللللللللللل ششي عنها .. ويتكلم معاها بلسان بنت .. ويقول لها عن حياته بالتفصيل على إنه بنت ..

لذلك أنا أنصح البنات مو أي رسالة على الخاص ترد عليها .. خصوصاً لو كانت تعرُّف أما غير كذا لا .. عادي ..

ولو طُلِب منها معلومات عنها .. لاتشك له البطاقة على قولتهم .. عادي أقول لها إسم خرافي مطلعته من عندي .. ما اعطيها اسمي الحقيقي .. مافيه أحد تئتمنينه على شي هالأيام .. خصوووصاً بالنت ..

كلما قلتي شي ماتدرين إلا أنتي مفضوحة الله لايبلانا ..

أسأل الله لجميع بنات المسلمين الهداية .. والله يعافيهم وولا يبتلينا ..

جزيتي خير على الموضوع الحلو .. ولو بتكلم عنه ماراح أخلصص ..

 

[PuPa^^SWeeT]

ماتعرفت بالمنتدى على صديقات ليلحيين

كلهم حبيبات بس ما تجاوزنا مرحلة الدردشة و الردود اهني



بس قبل يمكن 10 سنين تعرفت على بنتين و عرفتهم على اهلي و اهم على اهلهم


يعني اقووولكم العايلة انظف منها و اطيب منها و اذرب منها مافيه



والحمدلله



النت منه فوايد غير المغازل و السب و الازياء بس



همن يعلم احترام الشخص الاخر من ورا الشاشة

 

[فوز السعودية]

اؤيد في بعض الحالات

وشكرا لك

 

[شباصـه فرنسيــه]

آآآآآآآآآب