صداقاتي فاااااشله

[frozntouch]

السلام عليكم بنات


انا مشكلتي مشكله بصراحه مادري انا الغلط ولا الزمن والناس تغيرت

اول شي انا اجتماعيه واحب الرفجه والصداقات بس دايما اولويتي لاهلي بكل شي

يعني بالنسبه لي خواتي اهما صديقاتي هذا كان مبدئي ولحد الحين مبدئي بس الظروف تغيرت

كنت بين اهلي ف ما احس بالوحده اقدر افتح قلبي حق خواتي من دون ما اخاف لانه ادري انه

مافي احسن من الاهل لانه اهما الي يخافون علي ويحفظون لي اسراري

بس المشكله لمه تغربت و ببداياتي بالجامعه تعرفت علا بنات وايد وكان لي اروع الصداقات ببدايتها

وتيلفوني ما كان يوقف ابد يسالون واسال عنهم ف كنت مستانسه وياهم وايد

فجآه كل شي تغير هواش وغيره ومصلحه وحش ونميمه وتطلع حجي وحركات بايخه وايد ولوعت جبد اتحملت سنه

بس ماقدرت اتحمل اكثر لانهم اثروا على نفسيتي وايد وبالنهايه تفرقنا

في جم بنيه الله يذكرهم بالخير فعلا كان خوش ناس بس فعلا اللي يقول راحوا طيبين اللي تخرج ورجع ديرته والي غيرت الجامعه ف انقطعت صلتي فيهم

وظلو الخبيثات وانا قررت انسحب عنهم وفعلا مرتاحه واايد بدونهم

بس المشكله شعور الوحده مو قادر يفارقني

اول كان وقتي بسرعه يطير بس الحين اليوم احسه علا قلبي سنه

ملييت وتعبت بعيده عن اهلي وهم الرفجه خايسه قابلت بنات ماهقيت بحياتي اقابل مثلهم

علمووني شسوي؟ شلون اتعامل مع الرفجه؟ شلون ارافج بالطريقه الصح؟ علموني شلون اجامل
انا كلش ماعرف اجامل اذ احد ماحبيته اسحب حياتي منه بكل هدوء
ماعرف اذا هذا الشي غلط ولا صح

انا الحين تعقدت ومن عقب ما كنت اجتماعيه واحب اخالط الناس صار فيني عقده اخاف الغلطه تتكرر و اني اقابل ناس مثلهم صج كانت سنه الله لا يعودها من سنه هم بهم

بس رفجه تكون سنعه قولولي شسوي
ومنو نفس حالتي؟

 

[Patcholli]

حبيبتي الحين وسائل الاتصال صارت سهله ومفتوحه يعني اتشوفين خواتج بالكام وتسولفين معاهم وكل وحده منكم بديره
طبعا عندج المسن وعندج الواتساب وعندج الفايبر والتانقو كلها وسائل تقدرين تتواصلين فيها مع ارفيجاتج

والله عندي اقعد اجابل اللاب توب واجاحي اهلي ابرك من اني اقعد ساعه ويا ارفيجه قلبها اسود وحقوده ..

وحاولي بعد تكونين علاقات الحين مو شرط الف ارفيجه ترى ارفيجه وحده مخلصه تغنيج عن الف رفيجه نذله ..

الدنيا ليلحين بخير عمري ^_^

الله يحفظج

 

[ام الدرر]

حبوبة تقدرين تكونين صداقات بس خلي صداقاتج سطحية
لا تعمقين فيها ولا تعطينها من وقتج وجهدج واااايد
عشان ما تنصدمين باللي مايقدرون
او يصادقون لمصلحة
انا صراحه اؤيد وبشده وعن تجربه
انه خواتج يكونون صديقاتج
عن نفسي وصلت الاربعين وتغربت سنين نفسج
وصادفت صديقات وزميلات وااايد
وللحين في تواصل بيني وبينهم
بس مثل خواتي مالقيت صديقات ​

 

[Alias]

اختاري الأصدقاء صح و كوني دقيقة باختيار الصديقة. والإنسان ما يقدر يعيش من غير صديق واذا تحبين اكون وحدة من صديقا تج انا حاضرة

 

[حبيبه ببي]

انانفس الوضع ماعندي رفيجاات مليت دخيل عيني

 

[عسل:$]

والله يا أختي تعجبيني ، أبد مافيج شي غلط ، وطبيعي المفارق بس أهم شي السيرة الطيبة ، أنا عن نفسي وحشمة لذاتي إني أقعد بين 4 إطوف و لا أرافج ناس بقلوبها حقد وحسد وغيرة ومصالح ، أوكي أكيد الواحد يبي مصلحته بس بشرط ما يأذي اللي حواليه ، أنا إن شفت شي على أي أحد انسسسسسحب بهدوء ، أما من الرفجة هم ابتعد شوي أحسسها بالغلط وتأنيب الضمير !! وعادي تعرفي مو شرط تعمقين يمدحون السطحية والرسمية

 

[el.mlkaa]

عآآآدييي حبيبتي الأغلب جذييي مصلحححه الله مكثرررررررهم بس انتي سووي الي يريحج اهم شي راحتج

لاتتعرفين على شله مره وحده لان طبيعي يكون فيها الححشش !!!

خلج مع وحده او ثنتييييييييين وخلكم مع بعضض نفس خوووآآت هالثننتين كككككافييي

وموفقه

 

[غداً القاك]

عادي هذي هي الدنيا ببساطه والانسان كل مايكبر وتنوع مراحل دراسته وحياته يقابل اصناف ناس كذا المفروض تفرحين لانك اكتسبتي خبره في الحياه وعرفتي ان الناس ماتنفع كلها اصحاب

 

[تبسم لمغليك]

عندك المنتديات النسائيه ضيعي وقتك فيها والله فيها بنات عسل ومن ناحية الرفقه الي موكفو احسن لك بلاها وارتاحي من اشخاص يجيبون لك البلاوي دوري الي ينفعك والي يضرك ويمدحك قدامك ويذمك من وراك هذ مايستاهل تعدينه صديق ولايهمك ضيعي وقتك باشياء كثيره نافعه لك واما من ناحية الرفقه الي تدق دايم وتواصل معاك وحش ونفاق ونميمه هذه مورفقه خير هذه مصلحه لخذو الي يبونه خلاص دارو ظهرهم فالافضل تحسنين الاختيار وتدققين فيه لان الصاحب ساحب وعندك فراغ ادخلي انشطه ودورات و واكتساب مهارات واشغلي وقتك

 

[أحلى بنوووته]

نفس الحاله بالضبط
احنا بس لو يفكنا من الغيييييره ولقلوب السوده الحقوده احنا بخير
اتمنى من كل قلبي الاقي صديقه على قلبي وماتغار ولا تحقد بس ع قولتج رااااحو الطيبين
الله كريم

 

[Ms.PinK]

عدل كلامكم والله راحو ألطييبن ،، كلهم يبون مصلحتهم بعدين مايدرون عن هوى دارنا الله كريم بس ،،

 

[є 3 τ и α q]

مَ اشوف انها فآشلةة كثر مَ اشوف انها فادتككَ ..

/

انتِ الحينَ ابحثي عن صديقاتتَ نفس مَ تبين ..
واهمَ شي انها تكونَ صداقهه واخوة لله في الله ..

لآ مصلحه ولا مجاملآتتَ ولآ ...... الخ


_


ولاتجلسينَ كذا وحيدههَ ..
ولا تشتتينَ نفسك على اكثر من وحدههَ ..


آختاري وحده تغنيكَ عن مليونَ وحدهه
واهمَ شي تكون وفيةة ولا تنسى عشرتك


ربي يوفقكك

 

[dalo0oa121]

انا ماعندي خوات واتمنى يكون عندي
عالاقل يغنيني عن مرافجة الاغراب
اللي ماتعرفين شتقول ورا ظهرج

 

[السنافر]

حتى انا ماعندي خوات وتعبت من الرفيجات اﻷي يضحكون بويهج وبقلبهم شي ثاني كله بروحي صرت وحده الوضع لا يطاق يعني يا تلقين رفيجه حقوده يا وحده عويه وعندها سوالف تكتشفينها بعدين ماكو ناس سنعين حضي يكسر الصخر

 

[مهندسة الابيات]

حبيبتي من كلامج مبين قلبج ابيض وذهبة واككككيد صداقتج ما تتطووووف
وبعدين حبيبتي الصادقة اللي تي من وراها عوار راس قطعيها ولا تتعورين راسج

ومثل ما في بنات مو سنعات في بنات عسل
ومعلومة صغيرة مجتمع البنات اغلبه حش بخلق الله
باختصار مافي صداقة كاملة

 

[[ نور عيني ]]

حبيبتي خلي علاقتج مع زميلاتج سطيحه
ليما تعدي فتره الدراسه
واللي تكسبينها اخت حطيها على يمناج
واللي ما تستاهل انج تهتمين فيها طلعيها شوي شوي من حياتج ..
وبالتوفيييق ان شاءالله :$



..

 

[أبـنسـآكـم ♥]

حـبيبتي اشغلي نفـسج بالـدراسه واذا في وقت فاضي في بالايفون برامج مثل التانقو وجذي كلمي اهلج الي بالكويت ورفيجاتج القديم خواتج واذا مشغولين دخلي مواقع منتديات تعرفي على بنت او بنتين بس يكونون محترمين ولبسهم محترمـ حـاآآول تديرين بالج من البنات الي مايي منهم غير الشر