صحتي بالنازل ابي دكتور يحسم الموضوع

[الاسطورية]

هاي بنات

انا وااااااايد متضايقه

ابيكم تساعدوني مثل اختكم

انا من بدا الشتا وانا حالتي الصحيه سيئه

من شهر اكتشفت فيني قولون بس مومعقول اهو سبب كل الي يصير فيني

الي يصير فيني

كل اسبوع لازم اطيح منه يومين شلون؟
اني اقوم من النوم بطني عوار فظيع واسهال عزكم الله ورجفه ولوعه كل اسبوع تقريبا
يطيب من نفسه يروح ويرد كل 4 ايام يردلي على هالحال من 4 شهور
كرهت الدنيا ماقمت احب اطلع ولا اسوي شي كله اخاف تييني الحاله واتوهق بالسوق او الزواره
مرات يوهقني واييني على ايام امتحانات ماقدر اداوم لاني احتاج الحمام كل دقيقه مكرم السامع ماقدر اروح الجامعه واكمل اموري
قبل 5 ايام ماقدرت امتحن ومارحت مع اني دارسه يعني اييلي بدون مقدمات يوهقني ويوم يومين ويروح

معقوله كل هذا من القولون مومعقول اعرف ناس فيها قولون مومثلي

رحت خاص رحت حكومه كلهم يقولولي برد ولافيروس وحتى قبل مايفحصون اخر طبيب رحتله قالي من القولون

بس مومعقوله اعيش حياتي كل اسبوع طايحه وكرهت الاكل وقمت اضعف
مرات احس عين مادري
سويت فحص دم مافيني شي

ابي طبيب مختص بسالفتي ياريت تفيدوني سمعت عن محمد الشمالي بالجابريه اذا موغلطانه باسمه احس الجهاز الهضمي في مشكله مادري


ياريت تدلوني على دكتور صج يحسملي الموضوع
تعبت ورفيجاتي كلهم يقولون شي موطبيعي الي فيج

ناطرتكم

 

[ام الدلال]

ما تشوفين شر ولا باس عليك اول شئ حاولي تتذكريين متي جت لج الحاله ممكن تكونين فعلا ماكله شئ هيج القولون او صار معاج التهاب وقتها انا بصراحه انصحج تراقبين االاكل وتاخذين شوية زيت زيتون دافي وتدهنين كل البطن وتقرئين المعوذات والفاتحهوتقولين بسم الله ثلاث مرات واعوذ بالله وقدرته من شر ما أجد وأحاذر سبع مرات مع بعض الادعيه بطلب الشفاء من الله وبالنسبه للدكاتره للاسف ما عندي خبره والله يشفيج

 

[bnt q8 in usa]

تبين نصيحتي :مالج الا المنظاااااااااااااااااار اهو الي يعطيج وصف دقيق عن حالتج ........................واجر وعافيه انشالله يارب وتقومين بالسلامه

 

[الاسطورية]

مشكورين بنات ماقصرتو وانا بدور واشوف بعد

 

[ii DareeN ii]

الاسطوريه اول شي ماتشوفين شر وحاله النزله المعويه ماتوقع تطول وايد وانتي حالتج مستمره روحي طبيب جهاز هظمي شاطر انا اعرف ان دكتور مسفر العجمي وايد شاطر واهو في مبارك مادري اذا عنده عياده خاصه وسوي منظار وخل يسون لج كل الفحوصات بركاده واقري على نفسج وان شاء الله ماعليج الا العافيه وطمنينا عليج

 

[نونو جين]

اسم الله عليج خرعتيني الله يشافيج
لاااتروحين ولااااااااااااااا مكان انا كنت نفسسسس حالتج ايام الثانويه
والله عطوني دخول بسوولي عمليه
قالو فيج الزايده وكل شي حطووه فيني
رحت النفيسي الله يوسعله دنيا واخره ويجزيه كل خير
ويرزقه الجنه
فحصني تخيلي دقيقتين وهذولاك بالساعات ماخليت مستشفيات خاص وحكومه
الله يسامحهم

والله فحصني وقال هاج هالحبوب وماعليج الا العافيه
ريال كبير وخوش واحد

ماتشوفين شر يالغاليه​

 

[الاسطورية]

نونوو شنو اسمه بس النفيسي ووين صاير؟ فيديني بليز

ومشكورين وانا لازم اختار دكتور صح قبل لا اروح تعبت من الاراء المختلفه مالت الاطباء وكلهم مامنهم فايده

 

[supermarket]

ترى يمدحون محمد الشمالي

وحتى مسفر العجمي اللي بمبارك

وفتح له عيادة خاصة

وماتشوفين شر يالغالية

 

[روزالكويت]

بعدقلبي ماتشوفين شر.
اتوقع فايروس وترى يطول بس ما اعرف غير سامى امان مال جهاز الهضمى بس وين عيادته؟؟مادرى سامحيني

 

[بنت الشمالي]

ابي طبيب مختص بسالفتي ياريت تفيدوني سمعت عن محمد الشمالي بالجابريه اذا موغلطانه باسمه احس الجهاز الهضمي في مشكله مادري

على ضمانتي روحي
اسم الله عليج حبيبتي ماتشوفين شر
بس ياريت تتبخرين كل يوم بشب وحرمل تره زين اذا فيج عين

 

[الاسطورية]

شكلي بروح لمحمد الشمالي حالتي قاعده تزيد والله صاير بشكل يومي

مشكورين ماقصرتو الله يعطيكم الصحه والعافيه

 

[روزالكويت]

طمنيني عنج والله احاتيج.الله يحفظج يارب

 

[مذهلة كويتيه]

تكلمين عن نفسج كانج تتكلمين عني انااااا نفس الحاله ضيقه وجع ررهيب اسهال امساك غازات حاده انا كرهت الاكل اخاف امد ايدي نزلت 10 كيلووووووووووووو والله اخذ ليبراكس للقولون اخذ بوسكوبان واذا زاد ابره بالاسبوع 4 مرات تعبت حيلللللللللل ماقمت انتبهه لعيالي كرهت كل شي والله هذا الوصف شوي عاللي شفته وصحتي بالنازل وضعفت ضعف مرض مو رشاقه وهذا الشي واضح علي عيوني ووجهي الاصفر احتررت واخر الحلووول بعد 4 اسنين معاناه انصحوني بمساعد العصفور شافني سوي تحاليل سليمه بس فيه سوء تغذيه لاني ماكنت اكل سونار سليم اخر شي يلجا له الدكتور المنظار عطاني حبوب مسهله ورحت البيت ثاني يوم الصبح جيته خدرني لمدة نص ساعه وقعدت عادي جدا مع اني كنت خايفه بس اهو خبره وايده خفيفه سوي لي منظار تحت للقولون وفوق للمعده عشان يتاكد وخذا عينه من المعده وتطلع النتيجه العصر وانا علي اعصابي خاااايفه مرض او شي كان ببالي وطمني قال مافيج قولووون ابدا اللي معاج جرثومه قديمه وتقرحت المعده عندي لاني بالايام الاخيره قمت ارجع عزج الله بس واللللله انه دكتور شااااااطر وزحمه عنده عطاني علاج 4 حبات طبعا كراتين واجد حق اسبوعين حبه قبل الريوق بنص ساعه بعدها تريق واخذ 3 مضادات قويه حجمها 1500 غرام ونفس الشي عالعشاء بالليل وقالي تحملي مروره بالحلج قلت كل شي يهوون واللللللللللللللللللللللللله والله شاهد علي تقولين سحر ثاني يوم حسيت بالراحه والحين صار لي من بديت العلاج 10 ايام واللله اكل كل شي واستانست ونفسيتسي تغيرت وشفت حلاة الدنيا اللي ماكنت عايشتها الالم من ذاك اليوم ماجاني وهو كان ملازمني 4 اسنيين وموعدي الاسبوع الجاي عنده فاللهم بلغت فاللهم اشهد وروحي له وانتي مغمضه وقولي لي اخبارج وناطرتج علي ناااااااااااااااااااااااار وسلامتج يقلبي ماتشوفين شر

 

[*ستايل*]

الاسطوريه حبيبتى انا نصحج بمساعد العصفور استشارى للجهاز الهضمى
اكثر من ممتاز هالدكتور
وانا اعرف ناس كان تشخيصهم من دكاتره غير
ومع العصفور ماشاء الله عليه مرتاحين حييييل
بس اكيد بيسويلج منظار روحى له احسن ...وطمنينا عليج

 

[*ستايل*]

الاسطوريه حبيبتى انا نصحج بمساعد العصفور استشارى للجهاز الهضمى
اكثر من ممتاز هالدكتور
وانا اعرف ناس كان تشخيصهم من دكاتره غير
ومع العصفور ماشاء الله عليه مرتاحين حييييل
بس اكيد بيسويلج منظار روحى له احسن ...وطمنينا عليج

 

[الاسطورية]

مشكورين بنات

امبيه مذهله نفس الي يصير فيني بالضبطططططططططط

انا اشك ان شي غير القولون

بنات تكفون وين صاير هذا مكانه او رقمه ساعدوني
انا الحين يوميا قمت اطيح

 

[[]نهاوند[]]

سلامتج ان شاءالله ما تشوفين شر
مثل ما قالت الأخت ستايل روحي العصفور وعلى ضمانتي
اول ما تجينه بيسوي لج منظار ويتأكد شنو اللي فيج بالضبط وعلى اساسه يشوف العلاج المناسب لحالتج

انا اختي فيها قولون بس ما توصل لدرجة انها تدوخ وتعالجت عنده والحمدلله الحين مافيها الا العافيه

واعراض القولون معروفه :
غازات على طول واحيانا تطبق الصدر خصوصا وانتي نايمه
تكرمين اسهال وامساك مع بعض
الم بالبطن بشكل متقطع
لما تقومين من النوم تلاقين لعاب ناشف على الحلق


الدوخه يمكن وياج فقر دم انا اقول روحي اول شي لمختبر وسوي تحاليل عشان تتأكدين بعدين روحي العصفور


وماتشوفين شر ان شاءالله وطمنينا عليج​

 

[blue ocean]

سلامتج اختي
وهذي شكلها عين وماصلت على النبي
انا فيني قولون عصبي بس ماحاشتني
هالاشياء كلش ..
اختي انصحج تسوين تحليل دم
وتشوفين اللي لج واللي عليج
ولاتنسين تقرين الاذكار اللي تحفطج
بإذن الله ترى الناس قامت تخوف هاليومين
وماعليج شر ان شالله

 

[الاسطورية]

مشكورين بنات انا سويت تحليل دم كل شي تمام

ودقيت على مساعد العصفور بالشعب البحري مسافر عاد لازم انطر للخميس يداوم واي بنطر وانا اتالم بعد 5 ايام شسوي بعد شكله صج اقنعتني لانه كويتيه مذهله

 

[مذهلة كويتيه]

اي ياقلبي روحي له وانتي مغمضه لا مافيج الا العافيه انا كنت مثلج احاتي امراض والله ستر طلعت هالجرثومه وبنقضي عليهاااا واماااااااااااااانه بشريني انطرج علي نااااااااااااااااااااااار:eh_s(14): وانا حاسه ان فيج مثلي لان نفس اعراضي وتري موعدي الاثنين عنده اشلون مسافر امبييييييييييييييه :eh_s(13): انا بدق اقولهم عن موعدي