صج مايستحوووون .........

[فطوم 84]

السلام عليكم شخباركم بنات طبعا انا من البنات اللي ادمنت حب هالمنتدا وكسبت فيه صديقات واحب كل بنات اللي بهالمنتدي بنات حبيت اتكلم بموضوع حيل غاثني وقاهرني واهو حفلات بتصير بالعيد الوطني لمطربين ومطربات ابي اعرف اللي يصير بسوريا ماياثر فيهم بنات لاتقولون بنحتفل ترا والله النبي قال عليه الصلاة والسلام من لم يهتم لامر المسلمين فليس منهم "يعني بالوقت اللي احنا نرقص ونغني بالاف خواتنا بسجون تنتهك اعراضهم والاغتصاب يطال حتي الاطفال وبالوقت اللي نرقص ونغني اهلنا بحمص ودرعا تقصف بيوتهم بالدبات وبالوقت نرقص ونغني الشباب مذبوحين الدم في كل مكان بسوريا اذا كل هذا ماياثر بهالمطربين خل ياثر منظر المساجد بيوت الله تقصف ويحرق القران ياناس كل هذا ماياثر وادري في بنات بتقول "عيد وطني بنحتفل سوال لكل وحده ناويه تروح لو لاسمح الله الله اخذ امانتج وانتي بحفله شنو خاتمتج والله انا خايفه الله يشملنا بعذاب او عقاب حرام سوريا صراخ الاطفال والدم بكل شارع بحمص والله دشوا عاليوتيوب شوفوا شقاعد يصير كانها نهاية العالم سوريا تقتل بدم بارد الناس تنادي الله اكبر ويقتلون من شبيحه وكلاب الاسد واحنا مانقدر بس هالسنه نلغي احتفال عيد وطني عيب والله عيب والله اذا المولي سبحانه يري في سوريا الجهاد والدفاع من اجل اعلا كلمه لا اله الا الله واحنا بالكويت اغاني ورقص شتخيلون الله ماراح يعاقبنه ياناس. يالمطربين اقسم بالله لاحيا ولامستحا بس كافي منو ميت عليكم منو بيحضركم ارحمونا قلوبنا متالمه بشار يقتل الجثث ويرقصونه جنوده ويصورن فوق الجثث انتوا تغنون وترقصون شنو خليتوا له طلعتوا نفسه احنا مانبي هالسنه نظهر الفرح لانه بيوت الله تقصف القران داسوه بالاقدام النسا تصارخ تغتصب بسجون انا امس مقطع بكيت لفتاه سوريه تصارخ يغتصبونها الجنود بسجون بس عشان تعترف علي مكان اخوها هذيلا اللي بيغنون باي قلب بيغنون والله العظيم شي يقهر ويحز بالنفس المملكه الغت الحفلا ت وكل الخليج ماراح يصير شي اذا لغوا حفلات واكرمونا بسكوتهم بس هالفتره هالسنه بس لانه هذا اختبار للامه مثل مايقول الشيخ نبيل العوضي شنو نسوي لثوره الكرامه ثوره المسلمين بسوريا انا قلت هالكلام لكل اخت تفكر تحضر هالمسخره الحفلات واتمني نوصل صوتنا لكل مسوول مانبي نحتفل ومساجد الله تقصف لانه الله احب لنا من كل شي بدنيا وانشالله الكل يكون معاي بهالكلام اللهم انا نحبك ونحب من يحبك ونحب عمل يقربنا الي حبك

 

[Tom ♥ Jerry]

.


الحين ردو الحفلات و راح ياخذون فلوس الحفله كلها و يتبرعون فيها حق سوريا
يعني رقص و اغاني و بنات و شباب و اخر الليل اخر شي ياخذون هالفلوس كلها و يتبرعون حق سوريا

اللهم لا تؤاخذنا بما فعل السفهاء منا يارب العالمين

 

[PuPa^^SWeeT]

لاا الغووو الحفلات الطربية


وتم استرجاع الاموال



بس الامسيات الشعرية موجودة و الندوات الدينية

 

[د.أطفال]

انا والله سمعت ان ماجد المهندس اعتذر عن المشاركة.. بعدين كنسلو كل الحفلات الغنائية.. الله يثبتهم

 

[manoooram]

ألغو حفلات الغناء بس وزين ما سوو
لأن صج مو حلوة مسلمون يقتلون فيهم واهني عندنا سهر ودندنه

 

[بطوووطة$بيضة]

لا ما الغوا كل الحفلات
وفلوس الحفله راح يتبرعون فيها حق سوريا

 

[فطوم 84]

شوفوا الاعلانات بعيد وطني بيحتفلون ناس قلوب ميته شوفوا صورة الشاب بالراي اللي امس بحمص مجروح بين حياة والموت وولده الطفل مات واهو يبجي امس شفت مقطع كامل بقناة بردي سوريه يصارخ ويبجي هالمنظر بروحه يكفي انه يستحون علي ويوههم خمه كلهم هالمطربين والمطرباات

 

[دلوعة صلوح]

والله كلامج عين العقل بس ووين لى يسمع ؟؟

 

[سويت فانيلا]

والله ليش يلغونهم حرام الناس تفرح بالعيد الوطني يعني الاوقفوا الاغاني بتوقف الحرب والمشاكل منطق غريب بصراحه

 

[~..samar]

يزاج الله خير ع الموضوع وعساه يكون شاهد لج يوم القيامة ، والله انا معاج قلباً وقالباً ، حبيبتي الي تقول اذا لغوا الاغاني بتوقف الحرب لا يالحلوة بس يكفي لما السوريين يدرون ان المسلمين واقفين معاهم بيحسون بالقوة عكس لما الناس ترقص واهما ينذبحوون شعوور يذببح كفاية الي فيهم ، واعجبتني كلمة هذا اختبار للامة صدقتي الله يكون فـ عون السوريين ..​

 

[منو انت]

ياقلبي بكره حفله شيرين عبدالوهاب وديانا حداد

والجمعه عبدالله رويشد

 

[فطوم 84]

سويت فانيلا اختي(( لو لاسمح الله اخوج متقطع يمج والقصف فوق وصراخ وبكي وتسمعين صوت الموت بكل مكان ابيج تتخيلين لودقيقه هالشعور لوانتي بمكانهم تخيلي لوانتي بنت يغتصبونج جدام اخوانج هذيلا خواتنا بسوريا دشي يوتيوب واكتبي طفل حمزه الخطيب شوفي طريقه تعذيبه وهتك الاعراض للاطفال والبنات وبعدها قرري نحتفل ولا لا اقسم بالله اللي بدش تتمسخر لاتدش احسن تخاف عقاب الله كلنا مسلمين وتظل هالثوره ثوره المسلمين تمثلنا كلنا

 

[سويت فانيلا]

بسالج سوال حبوبه لماالكويت صارفيها حرب لغوا حفلاتهم عشانا ولااهتموا عشنا والله يفك عوقهم

 

[فطوم 84]

امبلا اهتموا طول عمرهم السوريين اصليين يوقفون ويا الحق مونفس دول واييد وقفت ويا هدام والحين وضع غير عن قبل ياحبيبتي "مفروض احنا كعرب نتوحد وقلوبنا تكون علي بعض لانه اذا لاسمح الله انتهت سوريا بتنتهي الدول وحده ورا ثانيه وانا حضرت للشيخ لنبيل العوضي محاضرته الاخيره عن سوريا لوشايفتها راح تعرفين شلي قاعد يصير "وشلون يوضح الشيخ انه النبي عليه الصلاة والسلام ذكر هالاشيا انصحج تشوفينها باليوتيوب كانت تتكلم ليش الكل تخلي عن سوريا وليش سوريا يصير فيها هالشي اتمني الكل يشوف هالمحاضره "وارد اقول انشالله العزه والنصر للاسلام وللمجاهدين ولسوريا العروبه والموت والذل للجحش وكل الاسراييلين والخونه العملا اللي معاه اللهم امين*

 

[ام كوثر2007]

شوفوا الاعلانات بعيد وطني بيحتفلون ناس قلوب ميته شوفوا صورة الشاب بالراي اللي امس بحمص مجروح بين حياة والموت وولده الطفل مات واهو يبجي امس شفت مقطع كامل بقناة بردي سوريه يصارخ ويبجي هالمنظر بروحه يكفي انه يستحون علي ويوههم خمه كلهم هالمطربين والمطرباات

وفلسطين وينكم عنها ؟؟؟؟؟؟؟؟؟؟؟؟؟؟؟؟؟؟؟

والا مو مسلمين ؟​

 

[فلنتينو]

سبحان الله ناس قلووبها ميته ومترووسه حقد وقلوبهم حجر
ليش هذوول مو بشر يموتون محاصره وضرب ولا في اطباء يعالجوون

همهم في الطقطه والونااسه

اللي ايده في النار مو مثل اللي ايده بالماي

 

[فطوم 84]

امبلي ياام كوثر اللي يذبح بالفلسطينين "منو. مو. الصهاينه واهم اكثر ناس متمسكين ببشار لانه عدو للاسلام يهدم المساجد يحرق المصاحف في سوريا يسحق علي لحيه شيوخ الدين الا من يقول لااله الا بشار ويومن بهالشي فهو يمثل لهم قوة ومخلي لهم الجولان وصدقيني انشالله اسالي اي شيخ دين بيقولج سقوط الطاغيه بيجعل المسلمين قوة تتحد لترفع الذل عن هالامه وتحرر اراضيها المحتله لانه اكبر عميل اهو وحكام اللي باعوا دينهم نفسه الله ينتقم منه اللهم امين عاجلا غير اجلا

 

[قوت الكويت]

لاحياة لمن تنادي وااللي تقول فلسطين ليش احنا تخلينا عن فلسطين والله اليهود ماسوا اللي سواه بشار

راعوا الكلمة اللي تطلع منكم خلوا المذاهب علي جمب انسانيا الطفل يقتل ياام كوثر لو عيالج شراح تسوين

ان الله يمهل ولا يهمل

 

[عالم سحري]

و الله أمركم غريب ليش بس سوريا وينكم من البحرين على قولت أخوانه البحارنه عذاري تسقي البعيد و تخلي القريب ليش ما أنهدمت مساجد ما انحرقت المصاحف ما قتلوا أطفال ما انسجنوا النساء بس سوريا حرام ليش البحرين لا

 

[ام كوثر2007]

لاحياة لمن تنادي وااللي تقول فلسطين ليش احنا تخلينا عن فلسطين والله اليهود ماسوا اللي سواه بشار

راعوا الكلمة اللي تطلع منكم خلوا المذاهب علي جمب انسانيا الطفل يقتل ياام كوثر لو عيالج شراح تسوين

ان الله يمهل ولا يهمل

محد تكلم عن المذاهب لا تقلبين كلامي عشان ينجرف الموضووع كالعاده لموضووع طوائف

بشار لاهو من مذهبي ولاني من مذهبه الوصخ .


لكن انا اتكلم عن فلسطين .. اشلون تقولين اليهووود ما سواو اللى سووه بشااار ؟؟

عيل اللى قاعد يحصل بفلسطين في اكثر من اربعين سنه شتسمينه ؟؟

والا عشااان ما عليهم اعلاام صاخب مثل ما هو حاصل الحين علي سوريا تقولين هالكلام ؟؟


والا عشااان تعودتوا من الله خلقكم انه فلسطين مغتصبه عشان جذى مو هامكم ..


اللى يبي يمنع اغاني .. ويقيم الحداااد .. المفروووض هالشي يصير من قبل اكثر من اربعين سنه .


مو الحين تطلع ديانتكم ..


واذا علي عيالي .. هذا اهم راحوا عيالنا بغزو علي ايد صداام وربعه .. ؟

اشوف محد زعل علينا ووقف احتفالاته ؟؟

عشان سواد عيون شهدائنا ..

وينهم عنا ؟

وينهم يوم كنا نموت ونغتصب من صدام وهم مكتوفين الايدي ؟

يردحون ويرقصون بديارهم ولا عبرونا ؟؟؟؟؟؟؟؟؟؟


​