صج فترة الملجة تمثيل؟؟؟؟؟

[أحلى عروس 2012]

قوة يا أحلي يابنات
ومبارك عليكم الشهر
بنات عندي سؤال وياليت اقرأ ردودكم

صج فترة الملجة تمثيل؟؟؟؟؟




___________________________

تم تعديل الموضوع من قبل المشرفه Dancing^Queen

 

[jooosy]

والله ابصراحه مو كلهم
في بعضهم يمثلون وبعضهم لا
سواء من لبنيه او الولد
لبنيه اتشوفينها اشحلاتها بالملجه وعقبها يا تطلع ملسونه
يا ماديه يا تسمع حجي افلانه وعلانه
والريال نفس الشي عقب الملجه يطلع بخيل او السانه طويل
او يسمع حجي امه وخواته بالشي الي يهدم بيته
احنا ما انعمم بس في فئه منهم جذي
والفئه الثانيه الي طالع وطالعه من بيت محترم ومتربين عدل لا والله
لا يمثلون ولا شي
وبفترة الملجه كل واحد يكون غريب عالثاني
وكل واحد يستحي من الثاني
فأكيد المشاعر والتصرفات هالفتره اتكون توووووب
بس لما عقبها يكونون ابيت واحد خلاص بتعودون على بعض
و كل واحد راح يكون على طبيعته

 

[أحلى عروس 2012]

جوسي بدعيتي
شاكرة مرورج

 

[Gifts&Occaions]

لأ الكلام هذا مو صحيح وماينطبق على الغالبية ويبين على الريال الي يمثل والطبيعي الي يمثل يبالغ بكل شي

 

[opera]

اهي مو تمثيل

بس اللي يصير انه بعد ما تصيرون ببيت واحد تكتشفين اشياء وايد لانه صرتي معاه 24 ساعه جدامج فتشوفين اشياء انتي ماكنتي شايفتها

وطبعا اول ايام انتي مع ريال غريب لازم تستحين و طبعج غير لمن بعدين تاخذين عليه وتطيح الميانه



بس

 

[FeShinGoOo]

مو تمثيل ..

بس انسان توج تعرفين اكيد بتكون علاقتج معاه رسميه اكثر من انسان معاشرته وتصير بينكم ميانه

 

[مألوفة]

مو ثمتيل هذا برستيج

وسياسة تعارف فكل الناس ما تشوفينهم على طبيعتهم الا اذا صرتي معاهم 24 ساعه

ومو كل واحد يكشف اوراقه حق الثاني بفترة الملجة لازم يكون فيه خصوصيات في خط احمر فها الشي عند كل شخص

 

[سارووونه22]

تقصدين تمثيل من اي ناحيه ؟؟؟ انا من رايي مو تمثيل ممكن يكون تحفظ لين الشخص يتعود على الثاني سواء مره ولا ريال وطبعا احلا ايام العروس ايام الملجه <<<< اخيييييييييييه ياليت ارجع ايام ملجتي

 

[q8 83]

لا تفكرين بهالطريقة ايام الملجه احلى ايام

تظلين طول عمرج تتذكرينها

و كلام الصحيح ما قصروا

 

[حبيبي مالكني]

والله ابصراحه مو كلهم
في بعضهم يمثلون وبعضهم لا
سواء من لبنيه او الولد
لبنيه اتشوفينها اشحلاتها بالملجه وعقبها يا تطلع ملسونه
يا ماديه يا تسمع حجي افلانه وعلانه
والريال نفس الشي عقب الملجه يطلع بخيل او السانه طويل
او يسمع حجي امه وخواته بالشي الي يهدم بيته
احنا ما انعمم بس في فئه منهم جذي
والفئه الثانيه الي طالع وطالعه من بيت محترم ومتربين عدل لا والله
لا يمثلون ولا شي
وبفترة الملجه كل واحد يكون غريب عالثاني
وكل واحد يستحي من الثاني
فأكيد المشاعر والتصرفات هالفتره اتكون توووووب
بس لما عقبها يكونون ابيت واحد خلاص بتعودون على بعض
و كل واحد راح يكون على طبيعته

كلامها صح 100%

 

[فوفو22]

حبيبتي هي مو تمثيل

هي بداية تعارف وفيها نوع مجامله

من الطرفين

فوفو

 

[تبطي عظم!]

انا اسميها مجامله لانج ماتعرفينه عدل وهو بعد يجاملج

بس مو تمثيل ابد بالنهايه بتعيشون مع بعض ~


بس فترة الملجه فيها تحفظات واجد من العروس والمعرس وهالتحفظ يجي من دافع الحياء وانكم ماتعودتوا على بعض

بعد العرس يكون شيء ثاني تكتشفينه لان الجزء المهم من الشخصيه اكتشفتيه بالملجه بس بعد العرس تكتشفين المهم الي اساسا ماكان بالصوره جدامج

مثل لو كان بخيل هالشيء بتلاحظينه بصرفه عليج وع البيت وبشهر العسل

لو كان عصبي هم هالشيء بتلاخظينه لو كان شكاك يعني هالشغلات ماتطلع الا مع المعاشره والعكس صحيح همن بنيه تطلع متطلبه وحنانه

وملسوونه كل هالشغلات جوانبها ماتبين الا بعد ماتطيح الميانه وبالعشره مو معناة هالشيء ان بالملجه يمثلون على بعض لا بالملجه اكيد يستحون من بعض

 

[Daleela]

فيه اللي يستحون وفيه اللي يمثلون يعني انتي وحظج

 

[Freakya]

مو صحيح و الدليل ان في وايد ناس يتطلقون بفترة الملجة

 

[تالا موسى]

ايام الملكه ايام تحفظ وفيها نوع من الرسمية لانه كل واحد يخاف على مشاعر الثاني

 

[أم توتو]

فيه اللي جذيه وفيه الي جذيه والله يوفق الجميع

 

[شذى الحب]

ان شاءالله ريلي مايمثل ويكون فري يارب مو معقد

 

[أسم والسلام]

فيه رياييل يمثلون بس ينكشفون بسرعه وتنفسخ الملجه

 

[أحلى عروس 2012]

الف شكرًا لمن علقت وعطتني من وقتها

 

[غلأأأأ مغليهأأأ]

اب لعيونج