قوه
شلونكم ؟
بدخل في الموضوع علي طول
كنت بالافنيو اليوم الصبح وقاعده بكوفي انا وبنات خالتي جان اشوف كشك شركه زين فقلت بروح اسالهم عن خدمه الانترنت في الايفون حق الكروت
ييت ولا ريال كويتي صغير شاب وسالته عن اللي ابي جان يقول احد قالج انج تشبهين الفنانه شجون الهاجري { مع احترامي لها شيابها لي انا بيضه و خشمي مو حاد مثل خشمها و عيوني وساع ! }
انا تبلعمت وسكت بعد شنو اقول .. جان يقول ليش معصبه ضحكي شبهتج بشجون بعد !!{اهم شي}
انا بعصبيه رديت ليش اضحك من حلاتها ولو سمحت قولي اللي سالتك عنه افتح الخدمه اهني ولا فمسج ؟
جان يقعد يخز بويهي ويبتسم بخباثه .. انا اهني بمشي ولا يقول اسف انا شبهتج بشجون لان انتوا يالبنات تحبونها و عبالي جذي راح افتح موضع معاج و جان يعطيني ورقه يقول دزي مسج و راح تتبطل الخدمه
يوم شفت ورقه ولا رقم نقال قطيتها بويه و مشيت >ـ<
رديت حق بنات خالتي جان اقولهم السالفه ولا كل وحده تقول سالفه اجيد من سالفتي وكلهم من شباب كويتيين اللي يشتغلون بهالشغلات الاضافيه حق الطلاب مثل زين او بنوك او محلات اللي تبع الشباب و مادري شنو ..!
يعني ليش جذي الشباب انت اخترت وضيفه زياده علي دراستك حق المغازل ...!
مااقول الا الله يهدي شبابنا و يعقلهم بس جد الشغله اضايق
