صج تكيس المبايض ماله علاج ؟

[مهناز]

شلونكم بنات

انا سويت تحليل هرمونات وسونار وطلع فيني تكيس بالمبايض

صج هالمرض ماله علاج وبظل طول عمري انزل الدورة بحبوب ؟؟؟ واذا تزوجت يتأخر حملي وايد ؟؟

منو تعالجت من المرض وعند منو وشنو الادويه اللي صرفوها لها

 

[MiṦs ♥ fĩẍ]

انا مرة سويت فحص طلع فيني تكيس مبايض مع ان عمري كان وقتها 14 سنه و كانت الدورة تتاخر علي شهرين او ثلاث
الدكتورة قالتلي يروح من اول حمل و لما سألتها ليش صار فيني قالت عادي يصير من غيراسباب و راح يروح من نفسه لا تخافين و ما عطتني شي

يعني من كلامها فهمت ان يروح

 

[مارغريتا]

عادي يحملون بنات ع التكيس

 

[خشف بدو]

شوفي حبيبتي انا وبنت خالتي كان فينا تكيس من كنا بنات يوم تزوجنا سبحان الله هي حملت من ثالث شهر من عرسها وانا لا حملي صعب بعلاج ومنشطات..اهو التكيس مايروح بس عادي واجد ناس يحملون..

 

[*ماي الورد*]

رفيجتي ما نفع معاها العلاج بالادوية سوت عملية بالسلام شالت التكيسات
ثاني شهر حملت ما شاء الله

 

[غلاي..M]

التكيس مايمنع الحمل
بعدين حبيبتي انتي تفكرين فالحمل وانتي ماتزوجتي ؟؟؟
انسي التكيس وبيروح من نفسه

 

[QT]

رد : صج تكيس المبايض ماله علاج ؟

حياتي
اللي متزوجة الحين وفيها تكيسات يريت تراسلني في الخاص

ابي اقول لها شغله

وأسألها كذا سؤال خاص


اذا ممكن

 

[احلى سماء]

http://www.q8yat.net/showthread.php?t=672516


هذا رابط موضوع عن خلطة عسل تعالج التكيس

من خبيرة الاعشاب اللي بالمنتدى

وانا شريت عسل من الفايز

بلتزم فيه

هو ينظم الدوره ويعالج التكيس والالياف بالرحم

 

[هيبة ملك]

كل شئ له علاج

لاتحاتين

 

[مهناز]

الله يطمنكم يا بنات دنيا وآخره ان شاء الله

 

[مهناز]

تنصحوني اتعالج عند منو انا مفكره بدلال السالم شرايكم فيها حق هالسوالف؟

وهم مفكره بفوزية القطان وماجده اليتامى ولا دلال شرايكم

 

[كويتيه مذهله 87]

لا حبيبتي منو قالج انا عالجتهم الحمدالله وحملت طبيعي وتنزل طبيعي انتي لا تحاتين ولا توسوسين

 

[شهرزاااد]

انتي توج بنت لا تاكلين ادوية ولا تلعبين بعمرج
التكيس ما يمنع الحمل انا رفيجتي فيها تكيس على المبيضين وحملت عادي

 

[احلى سماء]

التكيس

درجات

في بسيط

وفي متوسط

وفي يحتاج منظار وعمليه لازم ينشال

وهو التكيسات الشديده

والتكيس له اعراض

(عدم انتظام الدوره الشهريه- ضعف التبويض- ارتفاع هرمون الذكوره مما يسبب دهنيه بالبشره وظهور حب الشباب)

طبعا في التكيسات البسيطه نلقى الدوره نوعا ما منتظمه
لكن في النوع المتوسط والشديد نلقى في عدم انتظام بالدوره

التكيس ما يمنع الحمل بس يأخر الحمل لاجل لا يستطيع الاطباء تقديره ممكن سنه سنتين خمس سنين الله اعلم

اللي عليج اولا ونصيحتي لج

بما اني نفس حالتج

اولا نظمي الدوره عند الدكتور بحبوب بريجليتون اللي تنظم الدوره بدون ما تمنع الحمل

اكلي المنظم اقل شي 3 اشهر الى 4

اذا ما نظم الدوره يعني في خلل بغدد او هرمونات ما قدرت الحبوب تسيطر عليها

واذا انتظمت انصحج اولا ::

بالاهتمام بوقت الدوره من شرب الاعشاب والمردود والعنايه بالاكل وعدم الجوع وتلبسين سروال طويل ودلاغ بوقت الدوره

ثاني شي عندج عسل عند عسل الفايز او االمرشد للتكيسات والالياف بالرحم وعدم انتظام الهرمونات والدوره

وفي تجارب بنات نفعهم

اقل شي تستمرين على كيلو عسل وعقب تسوين سونار وتحليل تشوفين النتيجه

اذا التكيسات خفت والهرمونات صارت اوكي يعني في تحس بسيط

اكلي كيلو ثاني من العسل نفسه

وشوفي بعدين النتيجه طبعا اسئلي عن طريقة الاستعمال

انا نصيحتي لج ما تبدين منشطات وابر وبلاوي الا لما تسوين هالخطوات

وطبعا لا تنسين تسوين اشعة الصبغه عشان تشوفين الانابيب تفتح لج الانابيب اذا فيها انسداد بسيط وسويها ببنج لان تعور

وبعد كل هالاشياء

فكري عاد بمنشطات وابر اذا ماراح التكيس

بس لازم تشوفين تحليل زوجج اذا سليم والا لاء

قبل تبدين بالمنشطات

 

[احلى سماء]

http://www.q8yat.net/showthread.php?t=670297


هذا رابط موضوع ممكن يفيدج

وانصحج تاكلين فوليك اسيد

زين للرحم

 

[فاقده حنان ابوه]

عادي حبوبه تحملين انا كان فيني والحمدالله حملت

ربي يرزقج يا ربي

وكان علاجي ابر

 

[يا عيون سمي]

لا حبيبتي لا يخوفونج عادي اعرف بنات بالمنتدى حوامل وفيهم تكيس عادي

 

[ماكنتوشة***]

انا سمعت من زمان ان التكيس مايمنع الحمل لاتلعبين بعمرج ....وتوكلي على الله حبيبتي

 

[؛؛حلاوه؛؛]

رد : صج تكيس المبايض ماله علاج ؟

التكيس يروح بالرجيم والمشي الدكتور قالي وعن تجربه ضعفي يروح التكيس

 

[جبنة بيضة]

عادي تحملين ان شاء الله وايد بنات يحملون