صج بعد سنتين يصير زوجج اخوج ؟؟؟؟!!!!!

[دلوعة الكويت90]

بنات اهيء اهيء الموضوع باين من عنوانه وللمتزوجات انا ليلحين ماتزوجت بس تحبطت رفيجتي تزوجت مرتين قالتلي ان الزواج حلو اول سنتين حب ورمانسيه ودلع ووناسه بعدين يصير مثل اخوج :eh_s(2): صج ؟؟؟؟؟؟؟؟؟؟؟؟

 

[ناتشوو]

رفع

 

[توتا حمرا]

قوية عاد مو مثل الاخو
الا اذا وحدة بتتزوج وعبالها الزواج بس وناسة بتنصدم من المسئولية
معقولة ان اتصير الحياة روتينية بس التجديد حلو

 

[اذوب بكلامه]

والله انا صايرلي سنه وحده بس والحمد لله الا الحين الحب والشوق موجود زي اول يوم
وماعتقد كلام صديقتك صح سنتين لسه بدري يمكن يكون صح بس بعد خمس اسنين مو قبل
واهم شي يكون في تجديد بالحياة الزوجيه عشان مايصير في ملل مثلا كل فتره
يسون شي عشان لا يملون مره يسافرون ومره يحجزون في فندق او شاليه ومره يروحون عمره
ومره تروح الزوجه لأهلها وتقعد عندهم كم اسبوع عشان يصير في شوق ومايملون
وبإذن الله ربي يرزقك بزوج يفرح قلبك وتكون سنينكم كلها حب وشوووووق*

 

[Tame]

لووووووووول شدخل !!
أنا صار لي سنتين ونص متزوجه وعندي ولد الله يحفظه
اهو المسؤولين تزيد خاصه مع العيال بس مايصير مثل اخوي للحين في رومنسيه وبالعكس الحب والتفاهم يزيد بالعشرة وعلى حسب كل شخص ويختلف عيل شلونو بيبون عيال عقب سنتين اذا يصيرون إخوان أمي وابوي متزوجين من ٢٧ سنه مشاء الله ويحبون بعض أكيد في مشاكل بالزواج مؤ كله عسل بس ممكن الواحد يغير ويجدد في حياته لان بصير ملل وروتين

 

[ديمة بنت غنيمة]

شدعوه
طبعآ لا

مو مثلل اول سنة
بس شدعوة اخووي ؟

 

[دلوعة أبوهآ]

لآزم تمر ع اي علآقة فترة ملل وخمول ..
بس بالتغيير يرجع كل شي ..

انتي وشطآرتك

 

[عذبة السجآيآ]

ليش ليش جذي

للحين انصدم ان فيه بنات بس على بالهم الزواج طلعات وتمشي ووناسه وفراش << سوري على الكلمه بس خذا الصج

لا الزواج اكبر من جذي واذا الزوج بعد فتره من الزواج تحسين صار لاهي شوي او مشغول فـ معناه ان المسؤاليه كبرت عليه وصار يهتم في بيته وعياله وفيج وبكل صغيره وكبيره


لاا تقولون الرياجيل يتغيرون بالعكس تحصل لهم ظروف ينسون حتى نفسهم بسبب تغير امور الحياة ( اتكلم عن الرجال اللي يهتم ويفكر فيه بيته مو الطايش )

اما بيكون مثل اخوووي لايبه مستحيل بس الحياه تجبر جذي الواحد ينشغل بس لا ااكثر ولا اقل

 

[عمرها السعودية]

والله فية بنات تصير معهم لاتستغربون بس مو اخوان عاد قوية قولي نوع من الفتور

فية شحنات تبعدهم عن بعضهم لية ماعرفش خخخخ

 

[مهره بلا خيال]

يصير فيه فتره يبتعدون وينشغلون بس مب لدرجه انه اخو لا لا الحياه كذا روتين ويتغدل وهكذا..

 

[مــســك]

عفوآ شكو كلمه يصير مثل آخوج ..


انتم فاهمين الحياة الزوجيه غلـط ..

 

[شادن33]

الزواج مؤ بس دلع ووناسه
الزواج في الدلع والوناسه والمشاكل والصبر والمسؤؤليه موبس التفكير بالوناسه
وأكيد اول السنوات راح تكون كله شوق وحب بس مومعناته ان هذا كله يروح مع السنين لا بالعكس يزيد مع الاحترام والعشرة

 

[انثى عاشقة]

انا كملت 3 سنين زواج
احس الحب يزيد مع العشرة
والتقارب يصير اكثررر
اما يصير اخو !!
لا ما اعتقد
اعرف متزوجات صكو ال 16 سنة
والي 14 سنة زواج
احس للحين بينهم الحب والتفاهم
بس الفتور لابد يمر بحياتنا كلنا ​

 

[Mjnont '3lay]

صارلي الحين 4 سنين متزوجه
نحب بعض ولله الحمد بس مرات مالنا خلق لبعض ويصير بينا فتور وروتين يومي مايتغير دوام بيت ودوانيه ومسؤؤليه
بس لاااابد يصير فتور و بعدها يرجع الشوق من جد وجديد مستحيل يختفي مره وحده اما الحب اكيد موجوود بالقلب
اما سالفة يصير اخوي شكوووو @@
ماله شغل
بس كثرة المسؤؤليات تشغلنا مرات عن بعض
والزواج اول سنه نشوفه عسسسل عسسسل عسسسسل بس بعدين خلاص كل شي ينقلب ويتغير الرجال يشقى وبتعب ويحفر الحصى عشان يجيب لزوجته وورعانه لقمة العيش ويودي ويجيب مدارس وطلبات ومسؤؤليات كبيره صرااحه والمره تربيه وشغل واللي ماعندها خدامه كرااااف ومراكض ورى الورعااان بس مو معناته يصيرون اخوان او ينقلب حالهم ترى الزواج سنة الحياة بس مو اعدااام عشان ماخذين هالفكره الغلط عنه
وتو الناس على هالكلام ان شاءالله اذا جالج نصيبج يصير خير

 

[اللّہ معي ، ♡]

اما اخوووووي ههههههههه لا ماعتقد وبعدين يعتمد عليج انتي هالشيء

 

[ورقة عمل]

الز من تغير ولاصار فيه احساس بالمسؤليه يبغون وناسه وبس اما مثل اخوش كبيره

 

[حلوةودلوعة زوجي]

غريبه في لج ردود انج متزوجه وعلى مااعتقد موضوع بعد

 

[حلوةودلوعة زوجي]

ايي تذكرت موضوعج انج قصيتي شعرج قصير وماعجب ريلج وقالج قصه عقد هههه

 

[PuPa^^SWeeT]

لااا مو صح

 

[Patcholli]

لا شكو استغفر الله لووووووول