صج بط جبدي

[غلا مشاري]

بنات امس الضحى وانا بالمعرض ولا واحد ويا مرته تمشي وراه وتبي تمسك ايده تبي شي جان يوخر عنها ويقول يله خلصيني بسرعه واطلعي جان تقول خلاص يله انت امش وانا بمشي وراك شسوي
كسرت خاطري ودي اذبحه عشانها المسكينه فشلها جدام الناس صج بعض الرياجيل ماعنده حسن معامله

 

[أم حوور]

قلة ذوق منه



يعتقد بتصرفه هذا سي السيد





الله يعينها هالحرمه على ريل مثل هذا

 

[@ام ضاري@]

وااع ماحب نوعية الرجال اللي جذي شكله جابرته ع الجيه
حرام عليه يكسر خاطرها جذي ماحب ها المواقف

 

[فطووومة]

عادي حبيبتي انتي ما تدرين شنو بينهم ويمكن افتر معاها وتعب عاد الرياييل ما يتحملون والحريم بعد ما يخلصون من المعارض والسوق

او وراه دوام لان تقولين الضحى

 

[أم حيدور]

ماكو اخلاق عيل ماكو احترام ..

المسالة محفوظة جذي

الله يهدي ان شاء الله ..

 

[غلا مشاري]

حتى لو تعب من الفراره يقولها بينه وبينها ما يفشلها جدام الناس بصوت عالي

 

[( مي )]

جذي انا اعصب على زوجي اذا نزرني
يعني مو مشكلة بتنزر انزر بس بصوت واطي بيني وبينك مو يفشلني جدام الناس

عاد غلا تصدقين ؟؟
اذا نزرني ما اسكت بسرعة اردها له لان نوعي بسرعة اتفشل وينقص ويهي فمن حرتي ما اسكت
هههههههههههه



​

 

[أم@الحلوين]

حرام كسرت خاطري ماأحب هالنوعيه

 

[~*~الملكة~*~]

عادي حبيبتي انتي ما تدرين شنو بينهم ويمكن افتر معاها وتعب عاد الرياييل ما يتحملون والحريم بعد ما يخلصون من المعارض والسوق

او وراه دوام لان تقولين الضحى

انا معاج

 

[غلا مشاري]

جذي انا اعصب على زوجي اذا نزرني
يعني مو مشكلة بتنزر انزر بس بصوت واطي بيني وبينك مو يفشلني جدام الناس

عاد غلا تصدقين ؟؟
اذا نزرني ما اسكت بسرعة اردها له لان نوعي بسرعة اتفشل وينقص ويهي فمن حرتي ما اسكت
هههههههههههه​

انا نفسج اليوم رايحين السالميه قال انتي سوقي انا مالي خلق رايح غصب هههههههههه
ولما جيت اصفط جان يقول اخرتي العالم شوفي الناس وراج جان ازعل واحطه باركنج واسحب السايد وانزل وقلت له يله اصفطها انت
جان ينزل ويصفطها ويتعدل مزاجه خدوهم بالصوت لا يغلبوكم هههههههههههههههههههه

 

[عسولة الكويت]

يمكن لوعت جبده ماندري البيوت اسرار

 

[غلا مشاري]

هو شي عادي كل ريال يزف مرته بس المفروض مو جدام احد

 

[}{نرجسيهـ}{]

ماقول الا حرام عليه على باله شخصيه هو ووجهه

..

بعدين وينج انتي ماتبينين؟؟

 

[غلا مشاري]

ماقول الا حرام عليه على باله شخصيه هو ووجهه

..

بعدين وينج انتي ماتبينين؟؟

هلا بالزين انا موجوده انطرج ترتاحين بعد عرسكم

 

[ملح بدويه]

ماتدرون يمكن باطه جبده وغاثته

 

[madam_cake]

قليل الادب

 

[بنت حمايل]

مالت عليه

 

[حصووونه]

مغصوب على الروحه
انا ماحب اغصب رجلي على طلعه ولا مشوار لان ادري بيلوع جبدي بالتحلطم فاخليها تجي من خاطره..

 

[ملكة الحب]

الله يعينها

 

[عكروش]

يمكن حرام الرجال تعبان وهي طفشته في السوق