صج الجلوكوفاج يمنع الحمل ؟؟؟ معلومة قريتها وبتأكد

[ام مهدي]

السلام عليكم بنات قريت هذا الكلام في احد المنتديات واللي عندها الخبر اليقين تقولي وتطمني لأن صارلي شهرين اخذ جلوكوفاج وانا ابي احمل مابي هالشي يأثر؟؟ والكلام اللي قريته موجود تحت اقروه

...........................................................................................................................

أنا عندي تكيس والسبة الوزن بعد زواج زاد بسرع
وتلخبطت الدورة جربت الكلوميد ثلاث اشهر وكنت ابي الحمل
ما نفع ...
بعدين بديت بالعلاج الثاني للي ماتبي الحمل حبوب الجلوكوفاج 1000
مرتين باليوم ونزلت وزني 8 كيلو وهذا خلال شهرين
وبعدين حملت وأنا ما أدري

يعني اهمم شي تنقصين وزنج وتهتمين بتغذيتج
وحبوب الجلوكوفاج او ديانا مانع الحمل طبعا بعد استشارة الدكتورة
وإن شاء الله تشوفين النتيجة باسرع وقت

 

[PINK*LIPS 81]

بالعكس حبوبه الجلوكوفاج وااايد زين حق التكيس وحق اللي تبي تحمل لان التكيس عباره عن اكياس دهون في المبيض تمنع التبويض والجلوكوفاج يذوب هذي الدهون واكثر الدكاتره ينصحون اللي فيهم تكيس انهم ما يوقفونه ليييين يحملون انشالله ... عشان جذي يعطونه حق اللي فيهم سكر اساسا واهو ينظم الانسولين بالدم .... واتمنى اكون فدتج حبيبتي لان هذا اللي اعرف عن الجلوكوفاج .... وعشان يرتاح قلبج سالي الدكتور احسن اهو يفيدج اكثر مني او سوي سيرج في قوقل وبتلاقين واااايد معلومات عنه

وعلى فكره حبيبتي الجلوكوفاج ينزل الوزن بعد وراح اتشوفين اعراض اول ما تاخذينه مثل اللوعه والدوخه وجبدج اتعورج بس هذي الاعراض اول جم يوم بس بعدين اتروح

 

[++The DuchesS++]

بالعكس وايد زييينين انا كنت استخدمهم عشان التكيس
بجم شهر قبل حمالي
والدكتوره انصحتني فيهم بعد

 

[البيداء_77]

بالعكس الجلوكوفاج يقوي التبويض

 

[أمونة الحلوة]

بالعكس الكلوكوفاج ينزل الوزن وساعد على الحمل لانه اذا مزل وزنج تتنشط مبايضج لو مثل ماتقول يمنع الحمل جان ماعطونا ايا ه قبل العلاج

اما حبوب دايانا هذه حبوب مانع الحمل لاتاخذينه هذه ياخذونهم اذا بعالجون التكيس ومايبون يحملون ياخذون دايان

 

[ام مهدي]

ماقصرتوا بنات كفيتوا ووفيتوا والله يعطيكم العافية ويرزقنا واياكم بالذرية الصالحة آآآآآمين

 

[irresistible]

تصدقين انا استغربت ان اللي فيها تكيس يعطونها كلكوفاج انا قريت مرة هني بالمنتدي بس انا اخذة لان فيني سكر بس نزل وزني علية حييل فاتوقع ان بالعكس يزيد فرص الحمل ما يقللها و الله ينولج اللي في بالج ومو كل شي تقرينة تري صح

 

[##أم رابعة##]

أشواااااااااااااااااااااا طمنتوني أنابعد قاعدة آخذه هالشهر أول مرة وان شاء الله أحمل

 

[ام مهدي]

وينولج اللي في بالج توته حبيبتي ماقصرتي

 

[farawla_q80ia]

السلام عليكم اذا قريتوا الورقة اللي تكون داخل العلبة مالت الجلوكوفاج راح تعرفون انه اللي تخطط للحمل او الحامل خطر انه تاخذه وتاكدوا بنفسكم اقروا الورقة

 

[أمونة الحلوة]

لو خطر ليش يعطونه اياه مع ادويه العمليه حل اطفال الانابيب او التلقيح الصناعي

 

[++The DuchesS++]

اهو علاج للسكر وبعدين اكتشفوا انه زين حق التكيسات والحمل
والحامل بس ما يصير تاخذه

 

[ام مهدي]

بنات مشكورين كلكم والله يرزقكم بالذرية الصالحة وينولكم اللي في بالكم وانا تأكدت من كلام الدكتوة أمينة مختار في عالم حواء انه يستخدم كعلاج للتكيسات ويكون استخدامه مع المنشطات فى حالة الرغبه فى الحمل
وتزيد فرصه الحمل بعد استخدامه الى 65-73%
ويساعد على التخلص من البدانة عن طريق
تاخير امتصاص السكر من الامعاء
وزيادة تحرير الانسولين فى الدم
ويكون الجرعة حبة 500 ملجم 2-3 مرات يوميا
لمدة لا تقل عن ست اشهر

هذا كلام الدكتورة فتطمنوا الحمدلله