صج إذا بنسافر ألمانيا ما يصير نتكلم إلا ألماني ؟

[Hope Soon]

السلام عليكم ورحمة الله وبركاته

قوة بنات اشلونكم .... بس حبيت أتأكد من شغلة أن : صج إذا الواحد يبي يسافر ألمانيا ما يصير يتكلم إلا ألماني ؟؟

يعني نفس فرنسا ما يصير نتكلم معاهم بالإنجليزي ؟؟؟

لازم إلا بلغتهم ؟؟؟

بنات الي متأكدة ومسافرة ألمانيا او فرنسا تقولي ؟

 

[English.Teacher]

رد : صج إذا بنسافر ألمانيا ما يصير نتكلم إلا ألماني ؟

ماتوقع

شدعوه واجد اعرفهم رايحيين المانيا وهم حتى الانجليزي الله بالخير يطقطقون

 

[Hope Soon]

رد: رد : صج إذا بنسافر ألمانيا ما يصير نتكلم إلا ألماني ؟

ماتوقع

شدعوه واجد اعرفهم رايحيين المانيا وهم حتى الانجليزي الله بالخير يطقطقون

اي اختي معاج حق في ناس وايد ما يعرفون انجليزي وعلى قولتج يطقطقون

بس هل ألمانيا نفس فرنسا الي ممنوع عندهم احد يتكلم عندهم إلا فرنسي ؟ يعني عندهم القانون يمنع تتكلمين لغة ثانية ؟

 

[استقلال]

رد : صج إذا بنسافر ألمانيا ما يصير نتكلم إلا ألماني ؟

حبيبتي انا قعدت بالمانيا فتره عادي كنت اتكلم معاهم انجليزي ويردون علي حتى بالمطار يتكلمون انجليزي الوضع طبيعي عادي لاتحاتين

 

[وَردة مجروحـة]

رد : صج إذا بنسافر ألمانيا ما يصير نتكلم إلا ألماني ؟

حبوبه آنا عمتي يوم سافرت ألمانيا قالت لي أن الألمانيين معتزين بلغتهم وبعضهم (موالكل) مايردون عليج إلا إذا تكلمتي ألماني معاهم
فعلشان جذي خذوو وياهم مترجم وأغلب المترجمين إللي هناك من بلاد المغرب انتي تكلمينهم عادي عربي واهمه يتفاهمون بالألماني مع الناس اللي هناك

ونفس الشي يوم أمي سافرت ألمانيا خذوو وياهم مترجم
بس آنا أقولج بعضهم عادي يكلمونج إنجليزي وبعضهم لأ

فالأفضل تدبرون لكم مترجم علشان إذا صار ماصار ماتتخصبقون

 

[Hope Soon]

يعطيكم العافية بنات مشكورين وما قصرتو على مروركم الكريم

وعلى قولتكم الاحسن ناخذ معانا مترجم :rerrerek: عشان لا نتوهق

 

[ام عفاف الكويت]

انا صار لي شهرين هني بالمانيا
وبالتحديد في اخن مدينه من مدن المانيا
شعب معتز بلغته
وصعب عليه يتكلم انقليزي لانه مادرسه في المدارس
اللغه اللى يدرسونه المانيا وشويه فرنسي
بس مقدور عليها
التكاسي فاهمه علينا و المحلات مكود المغربين والاكراد
:wqedqw:

 

[انوار87]

امل نفس ما قالوا مو ممنوع بس اهما بايخين مايردون عليج :\
بس بالفنادق غصبا عليهم اصلا يردون عليج مو كيفهم
شوفي احسن حل تحفضينلج جم كلمه اساسيه وتمشين حالج والباجي اشارات
ليش تاخذين مترجم ومادري شنو

 

[ام عفاف الكويت]

ليش مترجم ؟
الفنادق الزامي الانقليزي
والمطارات بعد
والمستشفيات بعضها
المحلات ان كلموج قولي كلمه انقلش بروحهم بيقولون نو او اوكي
وكله مطنقرين خلقه جذي ويهم اصلن مو انقليزي مانقليزي اهما شعب متحلطم :flower:

 

[kaify q8ya]

رد : صج إذا بنسافر ألمانيا ما يصير نتكلم إلا ألماني ؟

لا حبوبه عاااادي يتكلمون انجليزي ,, ناااااااااااااااااااااااااااااادر تلقين ما يتكلمون

انا الحين موجوده بالمانيا و عادي ماشيه حياتي بالانجليزي

يعني اذا رحتي السوق عادي وحده ثنتين ما يتكلمون بس ينادون احد يعرف اذا تبين شي

الفنادق لازم يعرفون انجليزي

التاكسي تركبين تقولين اسم المكان يوديج و بالعداد تعرفين جم ,, حتى لو ما يتكلم تدبرين عمرج

انا سمعت هالحجي من قبلج و لما ييت بعضهم يستهبلون بس لي انتي استهبلتي يضبطون روحهم لووووووووووووووووووووووووووووووووووووول مجربتهم :lololoe:

يعني اذا بسكر المحل و انتي كنتي سائلتها عن شي و قالت ما اعرف انجليزي و يات تقولج بنسكر ,, طبعا بالالمانيا , انتي استهبلي جنج مو فاهمه و اهي راح تحاجيج انجليزي اشرايج فيني صايده حركاتهم

 

[krkosha]

بالعكس انا قعدت فيها 3 اشهر حبووووووووووووووبين لابعد درجه وعطوفين وبقلبهم رحمه شيسووون حق امي الله يشافيهااا
ونكلمهم انجليزي عادي مافي اشكال امممم
بس المترجم حق الدكتور لان شلووون يشرح العمليه وسوالف وااايد صعبه يعني بهالاحوال تحتاجون مترجم اما اذا رايحين سياحه عن تجربه ماشفت منهم اي نوع من التكبر ولا التمسك الشديد بلغتهم مثل ماسمعت

ويمكن مدينه لي مدينه يفرق الوضع

 

[MISS_LIZLIZ]

رد : صج إذا بنسافر ألمانيا ما يصير نتكلم إلا ألماني ؟

و عليكم السلام و رحمة الله وبركاته
لا عآدي تتكلمين انجليزي و يفهمون عليك بعد
لغتهم الانجليزية مرة حلوة و شعب جداً رايق

 

[Hope Soon]

مشكورين كويتيات على مروركم الكريم

ومع ان كل وحدة ورايها مختلف عن الثانية بس يلا نحفظ شوية ألماني ومع الإنجليزي بعد يمشي الحال

 

[S E K A R *]

رد : صج إذا بنسافر ألمانيا ما يصير نتكلم إلا ألماني ؟



الشعب الألماني منفس ويعتز حييل بـ لغته .. " يعني تحاجينه أنجليزي يرد عليج الماني حتى لو كآن يعرف "
لكـن المحلات والمستشفيات والمطارات والفنادق .. تحاجينهم يردون عليج غصب ،

شوفي رحناا ألمانيا ، نتحجى أنجليزي ونص ونص فرنسي خخ
طبعاً ما إحتجنا نسأل لأن عارفين الديره من قبل .. يعني ما أتوقع تحتاجين مترجم

حفظي لج الجهات .. أسماء الأماكن والمواصلات .. إي ولا مالتهم .. وجم كلمة عن الأكل "حلال ولاحرام خنزير إلـخ .." والأسئله .. وين ؟ بجم ؟ " عن الأسعار " ..

تمشي الحاال هالكلمات .. المشكله إن الألمانية صعبه ، بس تستاهل لأن مو بس المانيا تتحجى الماني
يعني تستفيدين منها .. عكس الفرنسيه اللي بس فرنسا تعتبرها لغة رسمية ..

 

[*][ Royal N ][*]

انا رايحة ألمانيا واذا كلمتيهم انجليزي اول شي يستغربون واذا شافوج مضطرة يكلمونج انجليزي عادي في بعضهم إينفسون وبعضهم لا انا ولا مرة صارتلي هالسالفة دايم نكلمم انجليزي عادي يردون
واذا بتروحين بتلقين مترجمين وااااااااااااااااايد ينطرونج هناك
موفقه

 

[مزيونة الهيلا]

انتي رايحة علاج ؟؟؟؟؟؟اذا جذي لازم معاكم مترجم اما اذا سياحة فعادي الفنادق والاماكن السياحية يتكلمون انجليزي

 

[Hope Soon]

رد : صج إذا بنسافر ألمانيا ما يصير نتكلم إلا ألماني ؟

لا اختي مزيزنة الهيلا .... انا مابي عشان العلاج عشان السياحة بس

بصراحة شفت مناظر عن ألمانيا واعجبتني طبيعة حلوة في اوروبا :fun:

فعشان جذي حبيت استفسر عنها

مشكورين بنات ما قصرتو على مروركم الكريم

 

[غريبه بين احباب]

رد : صج إذا بنسافر ألمانيا ما يصير نتكلم إلا ألماني ؟

الغاليه اخذي لج جهاز اطلس المترجم الناطق موجود في معضم المكتبات

هالجهاز يعطيج نطق الجمل اللي تحتاجينها بالسفر روعه ومفيد بالسفر

عشان ما تتورطين
\
يفيدج بالالماني وغيره

 

[صآعده تحت}..]

ومنكم نستفيد

​

 

[Hope Soon]

رد : صج إذا بنسافر ألمانيا ما يصير نتكلم إلا ألماني ؟

والله بعد خووش فكرة ناخذ معانا جهاز اطلس عشان الترجمة :hjy5jewf:

شكرا