صبفتي بالشيقوور والصابون الرقي

[ماآاريا]

السلام عليكم ورحمة الله وبركاته

مرحبا بنات

انا الحمدالله خخخ

ندخل بالموضوع

جايبتلكم طريقة صبغة يمكن البعض يعرفها ويمكن محد سمع فيها

انا بشهر رمضان صبغت شعري بطريقة بشيقوور وصابون رقي وطلع لوونه بني شوكولاته بس حلوو والله لاني احط حنه

واختي ماتحط حنه طلع كبتشينو او كستنائي << والله ما افهم بالالوان

المهم حلووو

ومرة اخووي طلع لها لون واختي الصغيره هم لون ثاني


وهذي الطريقه

صابونة رقي

2 شيقوور

تبشرين الصابونه بالمبشاره << ثلاث ارباع صابون تكفي

وتحطين 2 شيقوور

لين تحسين انتفخ وصار رغوة عاد تحطينه بس الرغوة لازم تصيررطبه مو جافه

تخلينه لين ياخذ لون


ممكن تقللون الكميه للي شعرها قصير

ةالكميه اللي فاتت تكفي لاثنين وزوود



وشكرا

 

[ماآاريا]

للعلم بنات رفيجتي مرة قالت انها تسبحت بصابون رقي وطاح شعرها

يعني حبيت انقل تجربه

ورفيجتي الثانيه سوتها لخواتها وقالت حلوة بس اطلع من النفاس اسويها

 

[ام شريفه]

اشلون نحطها من الجذور إلى الأطراف؟ و اشكثر انخليها بالشعر؟

و عقب نغسل شعرنا ابشامبو؟

انا احط حنه بعد و ابي فاتح بس اخاف الشيقور يحرق شعري

 

[سالم الروح]

يعطيج العافيه

 

[الأميرة جوري]

يعطيج العافيه

 

[ماآاريا]

اشلون نحطها من الجذور إلى الأطراف؟ و اشكثر انخليها بالشعر؟

و عقب نغسل شعرنا ابشامبو؟

انا احط حنه بعد و ابي فاتح بس اخاف الشيقور يحرق شعري

ايه انا حطيته مثل مااحط الحنه

والله كاهوو شعري ما صار فيه شي


وغسليه بمااي بس
تدرين انا سويته وحطيته 12 بالليل وغسلته ثاني يوم الساعه 4 العصر ههه كان مالي خلق
عاد اكيد شخص عن شخص تفرق

 

[ذوق بوتيك]

الشيقور ينشف الشعر وهم صابون الرقي
اخاف اغامر ويتنتف شعري
ومشكوره حبيبتي على نقل تجربتج

 

[&موناليزا&]

مشكورة حبيبتي

 

[MiSS B.K]

يسلموووووووووووو

 

[جروح ودموع]

طريقه غرييبه اول مره اسمع فيها بس حسافه ما تصلح لي لاني اصبغ شعري اسود فااااحم