صبايا شوروا علي !

[دلوعةمآمآ]

السلام عليكم ورحمة الله وبركاته

بصراحه ترددت كثيير قبل لأطرح الموضوع بس قلت اكييد خواتي ماراح يقصرون ,,لأن حمدلله ماقصرت معاهم بيوم بنصايحي

انا بموضوعي ما اشكي لأن الشكوى لغير الله مذله لكن ابي اعرف كيف اتصرف مع هالانسانه ؟!!

نُبذه بسييطه عني

انا بنت عُمري 20 حمدلله مو ناقصني شيء وبحالي ماني راعية مشاكل واعداء ,وقييل وقال ,,مريحه راسي وحمدلله دايم يثنون علي بشخصيتي وانها اكبر من عُمري بكثيير

لكن انا بعايلتنا وبالمُجتمع اللي حولي صايره لهم شغلهم الشاغل انخطبت او لأ؟! نجحت او لأ؟! شنو قاعده اسوي ؟ احب اولأ؟!

يعني عندهم ماكأن ربي خلق غيري !!

وتعرضت لحسد وعيين وحمدلله ارقييت نفسي بنفسي الحمدلله

وفشلت بدراستي وضغطت على نفسي وصبرت صبرت والحين اموري تمام ماشاءالله

ودائم انخطب وتفشل خطوبتي ,,وتعرضت لخذلان الصديقات .....إلخ واشياء ومواقف صعبه طلعت منها وانا صبوره وقوييه حمدلله تحملتها برووحي

لكن فييه موضوع هزني وحيييل كسرني

اللي اهو قبل 3سنوات خطبتني جارتنا لولدها ورفضته ماما لأنه مو متوظف والحاله الماديه ضعيفه عندهم واصلاً كنت صغيره وبالمتوسط

بعدها احنا نسينا سالفة الخطبه زيه زيي اللي قبله عادي

بس امُه واخته مانسووا وللحييين يطلعوا إشاعات عني انا وماما ويألفوا مُسلسلات عجييبه !!

مرره اني تزوجت ومرره اني تطلقت ! وووووووو ............إلخ

كلها طنشتها إلا وحده قبل اسبوعين او اكثر

قالوا اصلاً انا مو بنت ؟!! يعني طعنوني بعرضي !

بناات انا هِنا انهرت بكيييت حييل مع انو دمعتي صعبه تنزل بس بكتني الكلمه

يعني اهم يبوني اخذ ولدهم ويكفوون عن هاالإشاعات !! يعني ياتأخذين ولدنا يا كل يوم نطلع عليك سالفه !

حسبي الله ونعم الوكييل والله يومياً ادعي عليها اهي وبنتها تخيلوا الأُم عمرها بــ 60 والبنت بـ 40 يعني مابقى بالعمر شيء !! الله المستعان

انا حمدلله مُلتزمه من عمري 15 واخاااف الله مرره واحسب لكل شيء حساب واللي مريحني محد مصدقها لأن يعرفون ميين انا واني متربيه زيين حمدلله

احنا علاقتنا فيهم شبهه مقطوعه ,,ولها شهر يتلزقون فينا على اساس بيزورونا وكِذا

بس اُمي حلفت يميين مايدخلوون البيت زين تسويي فيهم ,بس انا ابي آخذ حقي شلوون ماتعودت اسكت عن حقي

لكن مابي ادخل في مهاترات معهن لأن انا اترفع عن هالأشكال!! وانا مرره مررره عصبيه راح اجيب العييد فيهم

يومياً ابسط سجادتي واصلي الوتر وادعي علييهم وارتااح نفسياً ,لكن اتمنى ربي ياخذ حقي عشان اشفي غليلي

ودي اطنشها زيها زيي اي سالفه مرت بس شسوي السالفه ذي بالذات عجزت اطنشها ؟ عجزت انساها !!

طفح الكييل وربي

شوروا علي الله يجزاكم الجنه

 

[دلوعةمآمآ]

آآب

 

[fatma A]

الدنيا دوراه مثل ما طعنو بشرفج وعرضج باجر بيصير فيهم وبتسمعين عنهم

 

[يستفزني غلاك]

انتي من صجج تبجين! جذي بتبينين انهم هم صح خليج قويه و لاايهزونج بالاشاعات
الله يبيلج الخير لما ابعدج عن زواجج بولدهم
باين من اسسلوبج انج عاقله و خلوقه و اكيد الناس اللي حواليج عارفين انتي شنو و هم شنو




سالفه انخذلتي من الصديقات اغلبنا جذي نخسر صداقات في حياتنا




بس ي اختي الناس تعرف منو الصالح و انتي خليج وااثقه من عمرج و من الحره يبون يخربون سمعتج ادعي و قولي حسبي الله ونعم الوكيل و انشالله ربي ما يترك حق عبده

 

[هدوووشه]

الحل الطناش وريحي راسك يقولون اللي يقولونه حقران

 

[أعشقه]

مدري شقولك والله
انتي قلتيها مثل هالناس نترفع عنهم
ومهما قلنا محد بيعرف قدر اﻻلم الي تحسين بوه والكﻻااام سهل والتنفيذ صعب مو بالسهوله
خليها تولي وكﻻمها مردود عليها
الله يسهل امورك

 

[ماكواسم2]

من صجج تهتمين فيهم ...... حبيبتي مبين انج خوش وحده ومتميزة عن اللي في عمرج علشان جذيه طول عمرج راح تتعرضين للاشاعات من هالنوع وازيد فاختاري يا انج تقعدين اتفكرين فيها ولا بايدج شئ او انج اطنشينها وتنتصرين عليهم .
والناس ما اتصدق الا اللي يبون يصدقونه يعني حطي في بالج في ناس راح تصدق وتتكلم مو يعني مصدقينهم لأ بس لان الكلام عاجبهم ويمشي على هواهم ............... واقولج امشي عدل يحتار عدوج فيج

 

[hbenc]

حسبي الله عليهم سبع تحاسيب انا اقول دخلو ريال من اهلكم بالموضوع خل يوصلها مخفر كتخريعة ولاتسوون قضية بس جذي جووود ينطرمون مادري حلي اوك ولا لا بس حريتيني

 

[Shinexo]

مع آللي فوقي

عسى مآشر سمعة آبوج و آخوج وآنتي صآينتهآ و آيون هم بآرده مبرده يتكلمون عنج !!

دخلي آبوج و آخوآنج خل يقولون حق ريلهآ و عيآلهآ جعلهآ تتصفق جدآمج لين مآتقول بس

قلة آدب من زين ولدهم آلمنتف عآد

دآئمآ آلشجره آلمثمره هي آللي تنقذف

بس لآتسكتين آلآ عن آلشرف هآي تآج آلرآس يآحلوه , من هني آلبنت تنخطب حسبي آلله عليه عسى مآتدور سنه عليهم آلآ وصآيرلهم شي

 

[مدمنة كوفي]

اتوقع اذا وصلتوها المخفر بتكبر السالفة وبتتعقد اكثر ويمكن يحلفون على جذب اللي يطلعون اشاعات على اعراض الناس توقعي كل شي منهم
ويمكن يؤلفون ويقولون انهم ما قالوا هالشي ومو بعيدة يقولونهم يدرون شنو بنتهم ويطلعون حجي ان احنا نقول عنها اكيد فاهمة قصدي

الحل طنشيهم اعرف بنات طلعوا عليهم حجي مثلج وازيد حتى في وحدة تغار من وحدة قامت تقول هذا ولدها غير شرعي مو من زوجها تخيلي يا كبرها

ووصل الحجي للبنية ولا صاحت ولا ضايقت ولا اهتمت قالت لو زوجي شكى مستعدة اروح المستشفى ونحلل

حتى الخاطب اذا صدق هالكلام وراح مو ثقة ولا رجال الرجال لازم يثق فيج مو اي شي يقولونه وصدق اذا في البداية هو جذي شلون بعدين

والمفروض صديقاتج ما يخذلونج ويتخلون عنج هاذي تصير في اغلب البيوت

جنج تحسسين الناس ان هالكلام صج ما يخاف الا في شي وانتي ليش خايفة ما فيج شي نصيبج بيجج يعني بيجج لو شنو طلعوا عليج حجي خلج واثقة من نفسج وقوية مثل الجبل
ورب العالمين بيحاسبها حساب عسير خصوصا اللي يطلعون حجي على اعراض الناس ويكفي ان بنتها وصلت 40 ما تزوجت

 

[muhrat uboha.]

الله يرد كيدهم في نحرهم

 

[انا لها شمس]

حبيبتي شلونج عمرج ٢٠ وقبل ٣ سنوات كنتي بالمتوسط
وتنخطبين ماشالله عليج من متى!!

انا اقول اهتمي بنفسج ودراستج ولاحقين ع الزواج
وبعدين منو قالج انهم طاعنين بشرفج؟؟؟؟

واجهيهم باللي نقلت لج السالفه


وخلي اهلج يوقفونهم عند حدهم ليش تسكتون لهم

 

[عـيّــآره]

دلوعه لاتسكتين هالنوعيه المريضه مايفهمون الا بنفس لغتهم يفسرون اخلاقج انتي وامج وسكوتكم عنهم خوف

منهم

دخلي احد من اهلج وهاذي سمعه اذا انتو تعرفون انه جذب فغيركم لا بيصدقون كبروا الموضوع واشتكو عليهم

كلشي ممكن نعديه ونصغره ونكبر عقولنا ونطنش الا عند السمعه والشرف خط احمر كبير خربي الدنيا عشان

سمعتج ووقفيهم عند حدهم


والله يرد كيدهم في نحرهم​

 

[دلوله 111]

بس قولي حسبي الله ونعم الوكيل
والله ياخذ حقج منهم
الدنيا دوارة وكما تدين تدان
وخلي احد من اخوانج يتدخلون
السمعة مو لعبة

 

[دلوعةمآمآ]

الدنيا دوراه مثل ما طعنو بشرفج وعرضج باجر بيصير فيهم وبتسمعين عنهم

هذا اللي مريحني ان الدنيا دواره

قبل لما اسمعهم يتكلمون بأعراض الناس في مجالس الحرييم على طول اغير السالفه

وكنت اقول اكييد يوم من الايام راح يتكلمون فيني

حسبي الله ونعم الوكييل

مشكووره الله يسعدك

 

[دلوعةمآمآ]

انتي من صجج تبجين! جذي بتبينين انهم هم صح خليج قويه و لاايهزونج بالاشاعات
الله يبيلج الخير لما ابعدج عن زواجج بولدهم
باين من اسسلوبج انج عاقله و خلوقه و اكيد الناس اللي حواليج عارفين انتي شنو و هم شنو




سالفه انخذلتي من الصديقات اغلبنا جذي نخسر صداقات في حياتنا




بس ي اختي الناس تعرف منو الصالح و انتي خليج وااثقه من عمرج و من الحره يبون يخربون سمعتج ادعي و قولي حسبي الله ونعم الوكيل و انشالله ربي ما يترك حق عبده

بكييت قهر ,

انا قويه حمدلله وكثيير يطلعوا علي إشاعات واعطي طااف بس هاالاشاعه كسسرتني ساعتها
اييه الحمدلله ربي فكني من ولدهم وابعده عن طريقي

الحمدلله عاقله وخلوقه وسمعتي جداً حلووه الحمدلله

واللي مريحني محد مصدقهم لأن يعرفون هُم كذابيين

موضوع خذلان الصديقات حمدلله تعديت هالمرحله وانا قوويه وثابته

الحمدلله وااثقه من نفسسي حيييل بس انا انصدمت من هالبشر سمعة بنات الناس عندهم ولا شيء !

حسبي الله ونعم الوكييل

مشكوووره الله يسعدك

 

[دلوعةمآمآ]

الحل الطناش وريحي راسك يقولون اللي يقولونه حقران

حاولت اطنش زيها زيي اي سالفه

يومين ثلاث وارجع اذكرها وانقههر

حسبي الله ونعم الوكيييل

مشكوووره الله يسعدك

 

[تواضع انثى]

حسبي الله ونعم الوكيل صار عراض الناس لعبه تكفيك كلمة حسبي الله عليهم ودعوة مظلوم مابينها وبين الله ححاب وحقك بتاخذينه غصب ولاتنسين الدنيا دواره

 

[أحلى البشر]

انتي سمعتيهم بأذنج يقولون هالكلام والا احد موصل لج الكلام؟؟
ممكن اللي موصل لج الكلام يبي يقهرج وهم ماقالو شي!
قبل لاتفرشين سجاتج وتدعين عليهم ارفعي السماعه وكلميهم قولي انا سمعت كذا كذا هالكلام صحيح او لا؟ وشوفي شنو يقولون
الله تعالى قال اذا جاءكم فاسق بنبأ فتبينوا
لاتكونين انتي اللي ظلمتيهم ودعواتج ترجع لج اختي
والله يفرج همج

 

[دلوعةمآمآ]

مدري شقولك والله
انتي قلتيها مثل هالناس نترفع عنهم
ومهما قلنا محد بيعرف قدر اﻻلم الي تحسين بوه والكﻻااام سهل والتنفيذ صعب مو بالسهوله
خليها تولي وكﻻمها مردود عليها
الله يسهل امورك

فعلاً مثل هالأشكال الواحد يترفع عنهم ولا ينزل نفسه لمستواهم

اللهُم آمييين


مشكووره الله يسعدك