صبايا تكفون اعطوني حل والله محتاره وبصدري هم

[αℓмαѕα]

صباح الخيررررررررررر /مسار الخير

صبايا انا وصديقتي تهاوشنا مع بعض طبعا بالواتس انا حساسه زعلت عليها من كلمه رمتها علي

وهي مادرت اني زعلت __وجلست تسلم وترسل ومارد عليها

بعدها ارسلت خير ليش ماتردين علي طنشتها ___وارسلت سلام رديت ومالي نفس عليها لاني زعلانه عليها

وكلمه منها وكلمه مني غلطنا على بعض _وتهاوشنا بعدها ماتحملت كلامها لانه زي السكاكين بالقلب

قلت لها الي بيني وبينك انتهى وماتوقع برجع اسامحك عقب هالكلام ___

سويت لها بلوككككككككككك ____ لاني مابي اقراء كلام اقوى من كذا رمت كلام علي وانا نفس الشي

احنا نحب بعض بس الشيطان ________ وانا تعبانه نفسيا من الكلام الي صار

وش الحل معها ارجع علاقتي معها لاني احبها وعلاقتنا دامت ثلاث سنين ولا افارقها والله يعين هالقلب

تكفوووووووووووون انتظر ارائكم اخواتي ___لو يصير معاكم الي صار وش تسون عطوني حل

 

[*E.B.D.A.3*]

وااي حبيبتي والله :**

شووفي ..
الحين اي شي تسوينه راح يكون غلط
لان الوضع حامي لي الحين ...

شوري عليج ، تركيها وقت ..
يعني عطيها شي ثلاث ايام او اربع
وشيلي البلوك
ودزيلها برودكاستات اشعار او شي يوصف حالتكم
وعليها شوفي شنو ردة فعلها

 

[khawla&tito]

اب

اب


اب

 

[αℓмαѕα]

*E.B.D.A.3*<<< تسلمين غلاتي

انا ارسلت لها ماراح اسامحك والي بيني وبينك انتهى صعبه ارجع واكلمها _محتاره

 

[*E.B.D.A.3*]

^^^

هممم
مو عشان جذي انا قلت برودكاست جنج مو قاصده ..

اول اقل شي سويه الحين شيلي البلوك
يمكن اهيه تبي تقولج شي
والا تعتذر

مادري

 

[αℓмαѕα]

لا بتقوم تتغلى اعرفها عنيده ___اشيل البوك اللحين ولا اخليها عقب ايام

 

[αℓмαѕα]

وينككككككككككك بنات ابي رايئكم شوروا علي _محتاره وربي

اتركها ولا محتاره معها وشلون _

 

[مشهوره]

ماودي اشيشج عليها بس
لو كنت مكانج مستحيييل اشيل البلوووك راح اخليييه
لما تتصل بنفسسها وتترجاني واحس انها صج ندمانه ذيج الساعه يمكن ارضى

 

[بـربـوشـآ]

منو اللي بدأ بالغلط ..

اللي بدا بالغلط هو اللي يججي يتسآمح ..

واذا انتي تبينها وحاسه بتأنيب الضمير تأسفي لهآ ..

قولي لها كنت متضآيقه من شغلـه وجذي ..

وان شاء الله ماكو خلاف ..

خلو الرسسسول لناآإ خير قدوه ..
كان يقآبل الإسساءه بالإحسان ..

 

[αℓмαѕα]

مشهوره __الله يعيني ويصبر قليبي عليها

ادري انها هي بعد متضايقه لانها تحبني وانا نفس الشي ولو ادري ان في بنت تعتبرني مثل اختها ونفس قلب صديقتي


مابكيت عليها __لاتلوميني بحبها

 

[بـربـوشـآ]

وشيلي البلوكــ ..

 

[αℓмαѕα]

اشيله اللحين ولا اخليه بعد ايام البلوك

 

[αℓмαѕα]

وينكم

 

[المرتاحة]

شيلي البلوك الحين و بس دزي لها بعد يومين

شوفي اختي اذا اهي وحده تعزج و تغليج لا تتكبرين عليها و تاخذج العزة وتخلين الشيطان يلعب براسج و تنطرين منها تتاسف لج

اذا صج تغلون بعض مثل الخوات راح تردون لبعض وكل وحده بتسامح الثانية و بيني لها الاشياء اللي زعلتج و فهمي منها التصرفات اللي بدرت منج و زعلتها وان شا الله خير

في حديث للرسول صلى الله عليه و سلم : لا يحل لمسلم أن يهجر أخاه فوق ثلاث ليال ، يلتقيان فيعرض هذا ويعرض هذا وخيرهما الذي يبدأ بالسلام

 

[αℓмαѕα]

ابشررررررررررررررررررركم شلت البلوك وارسلت لها اعتذار لاتي شبه غلطانه

تعذرت هي بعدددددد __والحمد الله تصافينا

 

[Tom ♥ Jerry]

,


نطري جم يوم ليه السالفه تطخ بعدها شيلي البلوك عنها و كلميها اذا تبين .،
و اذا قررتي تنسينهآ هاذا شي رآجع لج ,،

 

[NOoOf 305]

الحمد لله الف مبروك ان شاء الله ما تتفرقون مرة ثانية

 

[منبع عبط^_^]

الحمدلله