صباح الخير

[نورعيني أنا]

مادري شلون ببدا بس والله انا متضايقه من نفسي حيل لدرجة اني موقادره انام وارتاح انا مشكلتي اني حيل طيبه مع الناس اوضعيفة شخصيه وماعرف سوالف الحريم ومجاكرهم ولااعرف اذا غلط علي احد ارد عليه ولا عرف مثل الحريم اللي اتفشخر وتسولف اذا سافرت اوجابلها زوجها هديه احس دايم واقول لنفسي اللي تسولف هذي عندها نقص ومستحدثة نعمه وانا شبعانه وشايفه خير ليش اسولف مثلهم وماني اجتماعيه وبنفس الوقت مااحب كثرت الرفايج اللي عندي ثنتين وارتاحلهم واحسهم يحبوني وماحب اتعرف على احد اهم شي بيتي وزوجي وعيالي ومتضايقه من ام زوجي وحماتي وحده ماتحبني اهي نوعيتها غيوره ماتحب احد احسن منها وخالتي تحبني بس بمزاجها يعني اليوم اللي ازورها واصادف مرت حماي تقلب المرا علي وماتشوفني شي مع اني اواصلها ومرت حماي قاطعه وماتعبرهم شي بس سبحان الله يغلونها خالتي لاسالوها منو اقرب وحده من حريم عيالج تقول عني احسن وحده ومحترمه وماتراددني مثلهم بس انا بيني وبين نفسي اتضايق اقول ليش مااحس بالحب اسمع من الناس المدح واهي لاجت مرت ولدها ماتعبرني ترفعها لي السمامع ان مرت ولدها علاقتنا انا وياها حيل حلوه بس اهي اللي تفرق وانا فيني طبع يمكن حلو بالنسبه لي جدام الناس اني ماابين شي عادي يعني اللي يشوفني واهومتعمديغثني يقول هذي ياخبله اوماتحس وانا ميته من القهر ومواقف حماتي وخالتي كثيييره بعطيكم مثال السالفه هذي اول يوم رمضان للحين بقلبي ومتعبتني اقول ليش ماارد اواسوي ردت فعل تبين لهم اني متضايقه بس ماعرف ومااحب اجازي الردى بالردى دايم احب اصير احسن واقول ياربي ابي الاجر منك انت وهم انت اتولاهم مادري انا مليت من شخصيتي البايخه مع اني ومابي امدح كشيخه وحلوه وسنعه وكل ماقلت لاهلي موقف صايرلي يقولون والله من الحره والغيره منج انتي مسالمه تنغثين وماتحبين تغثين احد بس على قولتهم مافيه حظ واسفه على الاطواله احس ارتحت اني فضفضت لان طبعي كتومه مااشكي لاحد ورفيجاتي عكس شخصيتي قويات ومااحب اشكيلهم لانهم يحسسوني بضعف شخصيتي:eh_s(2):

 

[دلع العتبان]

المشكله فيج حبوبه ودامج حاسه بالنقص من اللي حواليج معناتها مو شخصيتج هاذي

عفوا الخبل مايحس بنفسه والطيب عايش حياته ولا يحس ومستانس بحياته انتي اشوفج مو جذي انتي موراضيه على عيشتج يعني معناتها ودج ماتكونين طيبه وراسمه صوره الطيب بانها سذاجه


كلن على شاكلته حبيبتي والله خلقج لغايه انتي مو عارفتها جايز لو كنتي عصبيه ومثل رفيجاتج نسرات جان تطلقتي من زمان الله خلقج جذي طيبه وين المشكله وبخصوص العلاقات الاجتماعيه مالها شغل بطيبه حبوبه الطيبه بصوب والعلاقات الاجتماعيه بصوب شكثر طيبين واجتماعيات الغلط فيج ماعندج ثقه بالنفس بس

راجعي امورج ووزني السوالف عدل وبتلقين شي ناقص وبتحلينه انتي وموفقه ​

 

[بـربـوشـآ]

واللـه هذا يدل على تربيتج وأهلج ..

ما شاء الله عليج تسوين الخير وما تنطرين مديح ..

خليهم عنج اهم ماعليج رضآ ربج والوالدين وبيتج ..

واللي يبي يجآكر ويسولف ويحش ويقص ظهر الوآحد هذا يدل على النقص اللي فيـه والغيرهـ ..

لا تضآيقين ولا تسوين سآلفـه خليهم عنج ..

 

[بنت عطا]

انتي نفسي بالظبط

مافي الا التطنيش شنسوي بعد لانه المرادد والمجاكر ماوراه الا البلاوي والمشاكل اللي ماتخلص ومردهم يعرفون قيمتج

 

[NEW WOMEN]

ربي يبدل حالج من حال الى حال

 

[رهــKSAــــف]

كوني واثقه من نفسك بالعكس تعجبني شخصيتك مااافي احسن من ان الواحد يكون
طيب وعاملي الناس بأخلاقك مو بأخلاقهم
وإذا على انك تكونين اجتماعيه سولفي وامزحي وخليك بشوشه
ونصيحه في هالزمن ان الواحد مايختلط بالنااااس كثير خليك مع خواتك وامك وبنااات قرايبك احسن لك

 

[نورعيني أنا]

مشكورين بنات اللي رديتو علي فديتكم

 

[سنيوريتآ]

: )