صباح الخير

[نورعيني أنا]

مرحبا بنات شلونكم بصراحه ودي افضفض واشكيلكم انا خالتي ام زوجي متقلبه يعني مرات ماتحلف الابراسي ومرات حتى السلام يالله تسلم انا من النوع اللي ماارادد واي شي اشوفه اسكت اقول مره كبيره ماله داعي اتمشكل معاها بس حيل تحزبخاطري لما تسوي معاي جذيه اهي عندها4جنات وانا الخامسه بس دايم تسولف تقول محديرحمني غيرها واهي احسنهم مادري انا مرات احس انها تغير وتعصب اذاسافرت احسها ماتبي ولدها يسفرني ودايم تغارني فبنتها ليش بنتها ماتروح ولاتسافر وانا ولدها يسفرني مع اني موظفه بس دايم اتوقع ان اهواللي يوديني على حسابه حيل تعبتني امس واصله من السفر رحت اسلم عليها يالله سلمت وسولفت معاي و انا من النوع اللي اكتم وحيل اتعب بس مابين لاحد:eh_s(16):واسفه طولت عليكم

 

[فوفو22]

معلش طوفي لها لسباب عديده

منها

الكبار مزاجهم دايما متقلب مره جزر ومره مد

المهم تكونين مرتاحه مع زوجج وراضين عن بعض

والخاله تقدرين تطيبين خاطرها بكلمه بهدية .........

فوفو

 

[ToOoT"Q8]

حبيبتي طوفي
لاتشيلين بقلبج عليها
مره كبيره لاتاخذين على كلامها
قولي الله يهديها
بس نصيحه لا تشكين عند ريلج عن أمه
والله يهديها لج أن أشاء الله

 

[دندن_الكويت]

الله يهديها مثل ما قالت الخت الكبار بالعمر جي دايما و هذا طبعها انتي بعد هالعمر تبينه يتغير؟؟



لا تتعبين نفسج و لازم تاخذين هالامر بتقبل و انه يكون عادي لان كل انسان له طبع بس منو يتحمله؟؟؟
لا تحسسينها انج متضايقة منها
ماعليج سهالارت ان شاء الله

 

[انا لحبيبي .]

الله يهدي بالك ، انتي حكيتي بلسانك انو هي مره كبيره

انا معاكي الشي بحز بالخاطر ، خصوصا ازا كانت منيحه مع غيرك ومعك مش منيحه ، ليش كبر السن ما بطلع الا الك؟؟

بس مو مشكله ، اكسبي فيها حسنات وماتزعلي وخليكي مستمره هيك بكره الله بناولك الخير ، الله يريح بالك يارب

ويحننها عليكي حبيبتي​

 

[جلوات]

صج الحريم الكبار حساسين

بس في حريم كبار عندهم حكمه وفن بالتعامل

خو المراه كبيره مو مخرفه(عفوا)

مادامج تعرفين طبعها لا تحطين في بالج ذره لانج راح تتعبين

الله يلين قلبها عليكم <<<<نور عيني انه قالت بفضفض مو محاضره ​

 

[ماركة انثى]

عادي طوفي لاتاخذين على كلام الاكبار


سبحان الله بعد سن الاربعين الانسان يسير عصبي ولاتسيرين حساسة

 

[ورود خذلتها العاصفه]

نفس عمتي بس عااااااادي سهالات ولا ازعل منها

 

[ذكرى الايام]

فعلا زي ماتقول ماركه))) الكبار يصيرون حساسين وعصبين وما يحبون تغلطينهم اسمعي وطنشي ما يتواخذون

 

[نورعيني أنا]

مشكورين على الردود الطيبه وانا والله هذا اللي صج اسويه ماتكلم ولاارادد ولا اشكي لا لزوجي ولا حتى لامي وعلى فكره خالتي موعجوز بالعكس متشببه وتقارن روحها بحريم عيالها وانا مشكلتي كتومه حيل وهذا اللي ماثر فيني والا انا طبعي اللي مزعلني ماابين له انه مزعلني عشان ما احب ازعل احد مني احب الناس كلها تذكرني بالخير والله كريم

 

[FeShinGoOo]

يمكن مشتهيه ولدها يسفرها ويحز بخاطرها .. طيبو خاطرها بسفره صغيره عمره مثلا او دبي 3 ايام

 

[يكفيني حنانك..]

ميخالف اسكتي عنها دامها ماغلطت عليك

 

[نورعيني أنا]

اهي ماشاء الله عمي مومخليها عمي وبنتها تقريبا كل شهرين ياخذون عمره مطربه روحها هههههههه وانا والله ماعمري رديته عن امه واهله

 

[قلبي عبدالله]

حلو انكم تسافرون معاها لو مره تطيبون خاطرها

ترى امهاتنا محتاجين اهتمام ورعايه مثل ماقالت ام ابيها خدوها عمره او دبي

 

[قلبي عبدالله]

اهي ماشاء الله عمي مومخليها عمي وبنتها تقريبا كل شهرين ياخذون عمره مطربه روحها هههههههه وانا والله ماعمري رديته عن امه واهله

طعم السفره من عند ولدها غير صدقيني الام تفرح

 

[ضماي هو وهناي]

عادي كلهم جذي
بس قلوبهم نظيفه اللي مثل خالتج صدقيني

 

[.،:"$الـعـوبــــة$":،.]

حطي فبالك انك مثل ماانتي تعاملينها نفس الطريقه بيعاملونك حريم عيالك ،
فانتي شلون ودك يعاملونك عامليها،
سبحان الله ترى يصير مثل الدين،
ويابختك لو صاروا كل حريم عيالك مثل اخلاقك الحلوة​

،

 

[نورعيني أنا]

مشكوره يالعوبه مع اني ماتوقع انج عوبه هههههه تسلمين على الكلام الحلو

 

[نورعيني أنا]

وان شاء الله بنات انا بروح لها باجر واقولها بصيف بنحجزلج معانا اذا هذا يفرحها بالعكس والله ماعندي مشكله والله هو وحده الشاهد على كلامي ويدري اني مابقلبي شي لو اشوف واسمع ا دايم اقول لنفسي اتركي المخلوق للخالق اهو يدبر امورنا