صالون يفتح من 7 الصبح ؟؟تعرفوووون

[zgirtia]

صالون يفتح من 7 الصبح او كوافيره تيي البيت ؟؟تعرفوووون

ابي صالون يفتح الساعه 7 الصبح لان بملج الصبح ولازم اكون جاهزه مبجر:ggdw:
بسوي ستشوار وبف خفيف
تكفون الي تعرف صالون يفتح مبجر تقولي وابيه قريب مو بعيد لان بيتنا بالاندلس

او اذا تعرفون وحده تيي ليل بيت تسويلي شعري بدال ما اطلع وارد ويخترب بالطريج

احس بالبيت وايد احسن ويضبط الشعر بس ماعرف احد مضمون الي تعرف لا تبخل علي

ناطرتكم

 

[Pettita]

حبوبه في دليل الصالونات مثبت بالقسم تلاقين وايد كوافيرات اييون البيت بس الساعه 7 مادري انتي تتفقين معاها و تقولين لها انج اتزيدينها على هالعنوه ..

و ألف مبروك مقدما

 

[zgirtia]

الله يبارك فيج ياقلبي
دورت ومالقيت وحده تيي مبجر بس مو كلهم دورت صراحه

ناطره باجي البنات

 

[NoNoFeTa]

انتي تتفقين معاها كلش كلش سويه من الليل ولاتنامين لوول

 

[zgirtia]

هههههههههههههههههههههههه

عشان عيوني تطلع لي بره... مو المشكله بليل عندي حفله لازم انام

 

[NoNoFeTa]

الله يعينج جنج كسرتي خاطري

 

[bint_looda]

الله يعينج وراج حفله وبتفزعين من الصبح نامي امبجر تعويض لووول
والله ماعرف لو اعرف جان فدتج بشي عالاقل

 

[zgirtia]

يكفي ردودكم هذه .. تواسوني شوي ههههههههههه

يلا بعد شنسوي كله يوم واحد لازم يعدي على خير انشالله

انا لو القى صالون يفتح مبجر او وحده تيي البيت كل اموري تنحل

الله كريم دعواتكم بس

 

[softlady]

حياتي قولي لها اعطيج زياده تييج

عطيها 10 زياده وخلصي امورج

وشوفي لج وحده هنديه والا فلبينيه ال10 تفرق معاها

 

[Queen of love]

يارب ان شاءالله تلقين وحده تمرج الصبح
جربي الجرايد اللي يحطون اعلانات صالونات متنقله

 

[zgirtia]

الله كريم يحنن قلوبهم علي

 

[روزالكويت]

عندج حفلة تخرج؟؟
مادري بس روحي حق صالون المنطقه واتفقي مع وحده وادفعي لها التكسي وزيديها وتييج..

 

[zgirtia]

مشكوره ياقلبي ع الرد

 

[zgirtia]

بنات منو تعرف صالون بقرطبه تشتغل فيه وحده اسمها ربيعه؟؟؟ اعتقد الصالون يم المسيد وتصعدينله فوق ابي رقمهم الي تعرف يليت تقولي

 

[موزة ام فارس]

ماعرف والله

ومبروك حبيبتي مقدما

 

[ام عفاف الكويت]

ماعرف والله ومبروك مقدما ياقلبي

 

[nanushi]

بنات منو تعرف صالون بقرطبه تشتغل فيه وحده اسمها ربيعه؟؟؟ اعتقد الصالون يم المسيد وتصعدينله فوق ابي رقمهم الي تعرف يليت تقولي

أعتقد انج تقصدين لامود قرطبة ، عندهم وحده اسمها ربيعه طق مطاقق عليها تحجزين من فتره و بالغصب تحصليين ..
اذا قصدج لامود عندي رقمهم بس الحين مو عندي لي رديت اكتبه لج

 

[Na77olah]

22643802

دقي وطلبي المدام وساليها تيي الساعه 7

او قوليلها اعطيها فلوووس التكسي

سشوارهم حلوو انا مجربته


والله يوفقج يهنيج انشالله

 

[hmama]

ربيعه بقرطبه يم بنك وطني

 

[zgirtia]

22643802

دقي وطلبي المدام وساليها تيي الساعه 7

او قوليلها اعطيها فلوووس التكسي

سشوارهم حلوو انا مجربته


والله يوفقج يهنيج انشالله

انزين حبيبتي هذا اي صالون شسمه؟؟وشسمها المدام عشان ابي ادق عليهم