السلام عليكم
اشلونكم بنات عساكم بخير
اليوم مريت صالون لمسة فن اللي في بو حليفة لأنه قريب من بيتنا
وشفت المكياج عندهم وأغلب البنات اللي مروا علي حاطين مكياج ثقيييل والأساس فااتح
يعني ملامح البنت ما تبين خير شر
المهم كلمت اللي عند الرسبشين قلت لها أبي مكياج حلو ومرتب وناعم ويايبه معاي صورة شاقتها من مجلة أبي نفسها ..
قالتلي عيل ماكو الا فلانة اهي اللي تفهم طلبج , ودتني عندها وقلت لها أبي جذي وجذي
المكياج اللي أبيه نفس مكياج الستينات .. شادو لونه بني أو لحمي وكحل تمده على جفني وتعرضه من عالجنب
تقريبا مثل مكياج أليسا
وعيني من تحت ما تحط فيها ولا شي
عاد افهمت علي وقالتلي هالمكياج سهل
وحجزت عندهم
بس وايد خايفه واحاتي اشلون بتطلع النتيجة لأنه أغلب زبوناتهم ما يبون الا المكياج القوي الثقيل واحاتي عسى ما يخورونها معاي
بس الفاونديش والحمره انا بييب من عندي وماني حاطه كريم جسم ولا رموش
اللي أبيه منكم يا بنات تعطوني تجاربكم اذا مجربين الصالون
قواكم الله
