صالونات صباح السالم

[^^ حنين ^^]

قوة بناااااات

انا ساكنة بالقرين بس رفيجاتي دايما يمدحون صالونات الضاحية

مرة رحت لصالون اسمة فيولا اللي فوق مطعم الراعي واايد نظيفين واللي يشتغلون روسيات واللي يشجعني على هالصالون نظافة العاملات فية تسوين شغلج وانتي مرتاحة والاستشوار عندهم يجنن و سويت بعد بدكير ومنكير رووووووعة بس


بس بس



احس الصالون يخوف ما ادري ليش دايما فاضي وانا حدي خوااافة
ابي تجاربكم مع هذا الصالون اذا تعرفونة وكل وحدة تقول لنا احلى الصالونات بصباح السالم وتكون ثقة

 

[معلمه متميزه]

رد : صالونات صباح السالم

والله انا اخاف اروح هناك المكان شكله مشبوه مع ان اعرف وايد من رفيجاتي يروحون هناك بس انا اخاف اروح ..

واذكر قبل جم سنه كنا نروح لصالون هناك واستانسنا على شغلهم وقلنا قريب وزين فاستمرينا عليه فتره وبعد فتره انقطعنا عنه عقب مافتحو صالونات بالجمعيه فما قمنا نروح له ..

بعد فتره سمعنا ان الصالون تسكر لقو فيه سوالف دعاره وخرابيط ..

عقبها قلت بعد التوبه اوطوط هناك .. عسى الله يستر علينا ..

بس الصالونات الي يم طيبه كلنك رفيجاتي يروحون لهم وانا مره رحت استكشف شفت زحمه وطق اعصي عليهم بس هم تخافين تروحين باليل العماير تخرع وشكلها مشبوهه ..

انا مدحولي صالون كرستال هناك حق مكياج ولما رحت استكشف لقيت شكثر بنات قاعدين حاطين كريم اساس ومبسطين وكل وحده تنطر دورها عشان يكملون لها المكياج ..

باختصار لادخلتي الصالون عادي وزحمه بعد لاكن شكلهم من بره يخرع ..

 

[طمطم]

رد : صالونات صباح السالم

دام انكم تتكلمون عن صباح السالم

بنات منو تعرف رقم الخطابة ام فيصل اللي بصباح السالم


الله يجزاكم خير

 

[لبيه لكن!]

رد : صالونات صباح السالم

انا ما اروح لصباح الناصر والله كلششش

 

[واحشنى موت]

مشاركة: صالونات صباح السالم

انا ماعرف هناك الا صالون لاروج -- له افرع فى السالميه والمهبوله وصباح السالم نظافه وشغل روعه

 

[MaYoOoma]

مشاركة: صالونات صباح السالم

انا على طول اروح صالون فيولا اسوي شسوار
وبعدين العماير مو مشبوهه ولا شي بالعكس هذيل عماير للعايلات بس
يعني ماتحصلين فيها شباب وخرابيط
هذيل اللي صوب مطعم الراعي

بس اللي صوب بقالة الجوارح في عماير للشباب

وبعدين حلو ونظيف شغله وكلا بودينار ونص هههههههههههه
انا ماجربت شي عندهم غير السشوار
وهم اروح اللي جبال فيولا مادري شسمه

ولاروج اللي بصباح السالم بعد حلو حق الحف عند الهنديه فاطمه اسمها اعتقد
طبعا شيره ما انصحكم هناك انا سويت مره عندهم وماشالولي عدل رديت رحت لاروج السالميه

 

[@ دهن العود @]

مشاركة: صالونات صباح السالم

انا اروح صالون شروق وغروب

حلو ونظيف ورخيص بعماير المسيله

 

[جارة القمر]

مشاركة: صالونات صباح السالم

^^ حنين ^^


هلا حبيبتي


مشكوووووووووره علي الموضوع

بس فيولا

فاضي


أنا دايما لم أروحله فيه ناس

وساعت زحمة بس للأمانه شغلهم حل ونظيف

 

[bambena]

مشاركة: صالونات صباح السالم

انا جربت ماهوجني حلو
وصالون اعتقد اسمه مانويلا هم حلو

 

[HoNeY_GirL]

مشاركة: صالونات صباح السالم

صار لي فتره افكر بهالصالونات لما اوصل رفيجتي شقتهم واسألها عن الصالون اللي عندهم

اتقول عمري ماطبيت فيهم بس الاسبوع الفات راحت صالون اللي مجابل شروق وغروب اتقول تسريحاتهم على 5

دنانير قلت اكيد بوطقه اتقول اي والله يلوع الجبذ وابسرعه اخترب

ورحت مره صالون شروق وغروب الصبح فاضي وحته الموجودين كانو نايمين وبعدين طلعت ماسويت شيء

وانا سامعه انه في صالونات مشبوهه

وبعدين عادي العمايير مو مشبوهه انا اعرف بنات ساكنين اهناك اقصد مع اهلهم واروح لهم وعمري ماشفت

شيء

 

[سحيله_الحلوه]

مشاركة: صالونات صباح السالم

والله انا وخواتي نروح عبير ماهوجني اللي يم طيبه كلينك حق قص الشهر وحده اسمها روز فلبينيه اتيننننن
وكله فيه ناس

واكو واحد مادري شسمه حق الشيره والله نظيف مافيه شي وصاحبته كله موجوده كويتيه

 

[حبيب قلبي]

مشاركة: صالونات صباح السالم

عندكم صالون لاروج حق الحف والشيرة الهندية عند الس وايد زينة والباجى اخاف اروح لهم
بالنسبة لصالون جمعية صباح السالم وع اشوية عليهم ذاك اليوم احتديت وشفت زحمة على الاستشوار قلت اكيد شغلهم زين لم استلمتنى اهيى تستشور واقول بقلبى شغلى احسن منها بس الفاس طاح بالراس لا وعقب كل هذا تحاسبج على غسال الشعر اكدعها صالون يغسلون الشعر free

 

[kuwaitya_20]

مشاركة: صالونات صباح السالم

والله صالون فيولا حلو وماكنهم نظيف وكبير وشغلهم كله حلو لا مشبوه ولا شي وبعدين اهوا على الشارع العام وصاحبة الصالون كويتيه بنت ناس

 

[Harmony]

مشاركة: صالونات صباح السالم

والله ما اعرف شئ عن صباح السالم لو ارح هناك اظيع خارج حدود التغطية عندي لووول بس انا دايما اروح صالون لامود باليرمك الصبغ و القص و كل شئ روعة و وايد نظاف و ترتاحين من المكان

 

[Q8tya_GirL]

مشاركة: صالونات صباح السالم

انا والله ما اروح الا صالون مانويلا اللى فوق مطعم الراعي وحلو شغلهم

 

[رمانه كويتيه]

مشاركة: صالونات صباح السالم

انا اروح صالون الملكه ستايل الصراحه مكياجها ايهبل اللى اتسوى اهناك منال روعه روعه كل من يسالنى عن مكياجها ولا فيه كريم اساس وايد مثل الجص ماروح الا عندها اعرف ناس اييونها من كيفان والنزهه ومشرف وجنوب السره بس علشان مكياجها طبعا المكياج الخفيف 20 دينار والثقيل اعتقد 35 والاستشوار يبدى من 3 دنانير اتهبل منال طبعا لازم تحجزون اول شيى قبل يوم الحفله جربوها ودعولى

 

[قماشه]

مشاركة: صالونات صباح السالم

اي صوب سما الملكة ستايل

 

[ترتر وزري]

مشاركة: صالونات صباح السالم

صالونات صباح السالم حلوه
عن نفسي اروح المزركشه انظف حواجبي شغلها يعجبني وماغيره

صالون الجمعيه كلش ما عجبتني شيرتهم ولا حمامهم المغربي مو ذاك الزود

فيولا هم حلو والكل يمدحه

 

[Brounzi_girlly]

مشاركة: صالونات صباح السالم

أحسن صالون بصباح السالم صالون الملكة ستايل طبعا ىنا جربت صبغهم عجيب حده وهاليومين بروح أصبغ عندهم وجنه إسمها منال
مع تحيااااااااااااااااتي...............

 

[al7noona]

مشاركة: صالونات صباح السالم

انا كله اروح لاروج الي بصباح السالم شغلهم نظيف وهذيك المره رحت افراح المزركشه وااااي نرفزووووني على كل شي دفعي دفعي قتلها بغسل شعري قالتلي دفعي قتلها ابيج تسويلي عقب الاستشوار بف جان تقولي دفعي دينارين شدعوه عليج كشت فيها ماسويت انقهرت قلت اول مره واخر مره بطوووو جبدي