صالتي بسطح بيت حمولتي --بصور

[التوت الأبيض]

السلام عليكم ورحمة اللله وبركاته..
شلونكم يا حلوات المنتدى وشخباركم..حبيت أوريكم صور صالتي بشقتي اللي صممناها وبنيناها أنا وزوجي بــســـطــــح بيت حمولتي الحمدلله كل شي أوكي بس لظروف المنزل انه قديم ومايتحمل بنيان أكثر سقفنا من بره كيربي ومن داخل ديكور مربعات مثل الفلين (ما أعرف اسمه.).
المهم ..أنا صارلي فيها سنة كنا بأجار ومليت ألوان الأثاث دخلت الأخضر علأزرق كنوع من التغيير لأن الكنب من بنتا وصار له سنتين بالضبط ونص من أجار بيتي القديم..أنا بعرض لكم الصور( وودي أعرض لكم الشقة كاملة كل من يدخلها تعجبه ويقول ولا كأنكم بنيتوا هالسطح؟؟؟بس مالي خلق على تنزيل الصور وماعندي وقت من عيالي)أمبيه قلت قصة حياتي:gathering:
المهم المهم نرجع للصور وبسألكم بعد الصور أبي تعطوني الحل..
اتفقنا..
نبدأ ونقول: بسم الله ...
ماشاء الله لا قوة إلا بالله ..تبارك الرحمن..
مو عن شي .. بس ذكر الله زين وخصوصا في وقت انتشرت فيه العين:dddds:




تشوفون الصورة اللي فوق هالقوس اللي عاليسار مدخل غرفة المعيشة وليس الشقة..والصندوق حق البطانيات الخيفة حق اللي ينام بالصالة:dddds:والصورة اللي تحت جهة التلفزيون ووالمكتبة وزينت الطوفة بورق لزق من ايكيا وباقي الصالة..



وهذا القوس الثاني يدخلنا على الموزع مثل الممر عريض شوي في غرفة الأولاد وتكرمون حمامهم وجناحي الخاص
حطيت عالقوس ستارة من ايكيا الدوائر قش ودخلت معاها ليتات نجوم من ايكيا حلوة بالظلمة بس للأسف مابينت بالتصوير


ونسيت أقولكم إن عندي مطبخين (عاد مو من حبي للطبخ:dddds واحد مكشوف تحضيري مع مغسلته وتوني أتذكره وأصوره والكبتات الزجاج فيها ليتات بس محترقة:0bee2e8d89:حسافة وإلا شكلها حلو معطي جو بالصالة..
وباب المطبخ الثاني اللي هو بالصورة مقصوص نصين عشان سيفتي لأن عيالي صغار سنتين وسنة وأخاف يدخلون وهذا هو المطبخ الفعلي أطبخ فيه وثلاجتي فيه وباقي أجهزة المطبخ بس صغير أصغر من اللي برة..



السؤال ياحلوات : أنا محتارة جدا جدا ..بغير صالتي إن شاء الله بعد شهرين ..بس ماني عارفة شنو لون أحط..أحب كل الألوان ..بحط ورق جدران وأبي أغير الكنب ..ودي ودي بلون الأصفر الليموني الهادي مع الرمادي ..وودي بلون المانجا والبيج وألأصفر وودي وودي بكثير ألوان بس لاتقولون أحمر أنا وزوجي مانحبه..

ادعوا لعيالي بالصحة والعافية وإنهم يبطلون لقافة الصبيان وتخريب كل شي أحطه وأسويه ..

هذا الرابط لمشاهدة غرفة النوم وفكرتي في تغيير ستارة ايكيا
http://www.q8yat.net/showthread.php?t=440908​

وهذا الرابط لمشاهدة فكرتي بالديكور باستخدام المرايا القديمة:
http://www.q8yat.net/showthread.php?t=410617

 

[د.شريفة]

منزل مبارك ان شاءالله

 

[bent ahlha95]

ma sha2allah wayeed 7elwa

 

[درقاء]

ما شاء الله واااااابد حلو الله يهنيكم
وذوق حلو ..

بسإلج عن اللزق اللي عالطوف .. بجم ومن وين ؟

 

[ام سعود ديكسون]

ما شاء الله الله يهنيج فيبيت العمر وتتفنتقين عدل

 

[عهد الامل]

ماشاءالله تبارك الرحمن
منزل مبارك بدكرالله
وربي يهنيك ان شاءالله
يعطيك الف عافية حبيبتي

 

[@ام ضاري@]

مشاءلله حلو اتهنين فيه ياارب حلو المطبخ التحضيري بس يبلج صغ لصاله غيريه

 

[أسـيـل]

مشاءالله تبارك الرحمن عليكم بالعافيه

 

[PoP^Diva]

بعد عمرييي
خوووووش شقه و الله عجبتني منسسسسسسسسسقه عدل

يعلها شقه الهنا يااااااااااااا رب
حبيت فيها بساطتها احسها فعلا مكان حلو للاسترخاء

كل ما اعصب شكلي بسترخي فيها ....>>>>> لووووول
عليج بالعافيه

 

[sugar&spice]

حلوه ماشالله

بس يبيلج صبغ الوان او ورق جدران مقلم ,,,,,,,,,, وتحطين قنفااات مودرن وتزين ارفف علا الطوفه وابجورات تطلع روعه

 

[نيــلــوفــر]

روووعة ما شاء الله بس مادري جنه البردة مو مرتبه ولا يتهيألي

 

[نيــلــوفــر]

روووعة ما شاء الله بس مادري جنه البردة مو مرتبه ولا يتهيألي

 

[فداك ياخلي]

روعه ماشاءالله تبارك الرحمن

 

[مضيعة طريقها]

ياحلوها عليكم بالعافية

بغيت اسال الجلسة من وين

 

[butterscotch]

ما شالله
واااايد ناعمة ومجكنمة
تتهنون فيها انشالله

 

[Zaina Al-Zain]

ما شاء الله

علللللللليج بالعافية

 

[النـجـلآ]

عليكم بالعافيه تتهنون فيها

 

[رقي]

وايد حلوة
ناعمه ومرتبه

 

[التوت الأبيض]

مشكورين عالردود الحلوة..
والستارة كلما رتبتها الحلوين يعفسونها وشغلي هذا كله مؤقت للظروف المادية المعسرة:0bee2e8d89: والحمدلله عن قريب التغيير:ada: بس محد عطاني لون أحطه لايق على سيراميك مطبخي البني والبيج؟​

_03BA: يالله يا حلوين همتكم بالآقتراحات والأفكار

 

[حلا القادسية]

الله يهنيكم وايد حلوين ماشاء الله