صالات عرس و فنادق نبي تجاربكم (حزب الطماشه-متزوجه -عروس حياكم )

[contessa]

قوه بنات شلونكم شخابركم بصراحه انا بحط الموضوع بقسم الزوجه و العروس لانه في ناس من قسم العروس محتارين و اللي بقسم الزوجه متزوجات و عندهم خبره اكثر منا و يقدرون يفيدونه
و بعد اذن المشرفات يخلونه بالمكانين

بنات كلنا نبي الاحسن
في ناس معازيمهم وايد
و في ناس معازيمهم شويه
و في ناس ميزانيتها مفتوحه و فا ميزانيتها مو ذاك الزود و ودها تسوي عرس
و بناء على طلب 3 عرايس اعرفهم قلت حط الموضوع
ف بنات اللي ابي منكم تقولولنا الصاله او الفندق اللي سويتو عرس فيه
زين مز زين ؟
شلون على الاكل؟
يشيل وايد ناس ولا ؟
جم تكلفته؟
و شنو رايكم فيه
و اذا في شي مو زين هم نبهونه
يلا بنات شواء عروس , متزوجه , او حتى عزابيه نبي الكل يشارك و اللي ما تعرف خل ترفع الموضوع عشان الباجي يشوفون


لكم المايك
و دمتم سالمين

 

[English.Teacher]

رد : صالات عرس و فنادق نبي تجاربكم (حزب الطماشه-متزوجه -عروس حياكم )

موضوع مفيد ومرجع حلو

وعندي لسته بالفناادق واسعارها ونظامها

بس لي عودة لاااحقآآ

 

[saasoo]

رد : صالات عرس و فنادق نبي تجاربكم (حزب الطماشه-متزوجه -عروس حياكم )

اي ولله الموضوع حده حلو بنات نبي نستفيد انا ابي اعرف اسعار القاعه الصغيره التكفي ل100شخص الهوليدي ان الدوان تاون بالدسمان بجم على الشخص سالت هل سوأل ميت مره وما احد رد بليييز رودي علي ضروري وشلون اكلهم لذليذ هاذااا اهم شي شلون بوفيهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟_03ba: يلا حبوبات ورونا همتكم

 

[البـنـدري]

رد : صالات عرس و فنادق نبي تجاربكم (حزب الطماشه-متزوجه -عروس حياكم )

موضوع مفيد ومرجع حلو بصراحه

 

[nono-ful]

انا من حزب الطماشه

رفيجيتي سوت عرسها باليوسفي

طبعا الصاله وايد رخيصه بس حدها حلوة

العيب اللي فيها مكان البوفيه تعيس وايد صغير

اهقا لو العرس نظام طاولات تنحل المشكله بس الصاله وايد جميله :>

 

[ojlw_riva]

بنااات انا سمعت ان مجددين الريجنسي اللي عل البدع وهم في صاله بالموفمبيك البدع منوووو مجربه ولا سامعه فيهم ؟؟

 

[قــ القلوب ــوت]

رد : صالات عرس و فنادق نبي تجاربكم (حزب الطماشه-متزوجه -عروس حياكم )

اي ولله الموضوع حده حلو بنات نبي نستفيد انا ابي اعرف اسعار القاعه الصغيره التكفي ل100شخص الهوليدي ان الدوان تاون بالدسمان بجم على الشخص سالت هل سوأل ميت مره وما احد رد بليييز رودي علي ضروري وشلون اكلهم لذليذ هاذااا اهم شي شلون بوفيهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟_03ba: يلا حبوبات ورونا همتكم

اختي انا كله اروح لفندق الداون تاون اتغدى فيه وبوفيهم عجيب بصراحه فلو كان بوفيه العرس نفس بوفيهم فاكيد يسوى واتذكر قبل شهرين جذي حاطين اعلانات انه عروضهم عن العروس انه الشخص يبدا من 7 .. بس تأكدي يكون أفضل

 

[aya faid]

موضوع حلوووو

وينه من زمان


ماعليه،، بنفيد غيرنا



انا سويت حفلة ملجة في قاعة الزمردة


عندهم قاعة كبيرة وقاعة صغيرة


انا خذيت الصغيري ومعازيمي كانو 100 شخص


كلفتني مع البوفيه جنه 600 دينار


وفيها طاولاتها والكبيرة اظن نظام مدرجات

 

[aya faid]

بالنسبة لعرسي


حجزت قاعة السالمية



بس شفت اليوسفي من برة وايد حلوة ويديدة



ناوية اخر الاسبوع اروح انا وريلي نشوفها واذا عجبتني من داخلها بحجزها


واكنسل السالمية



والقاعه اب 100 دينار و100 تامين





وتكفي اظن 250 مو كبيرة

 

[~ غـــيـــر البِشـــر }}]

صاله صباح الاحمد اللي باتحاد الجمعيات روووعه

 

[saasoo]

رد : صالات عرس و فنادق نبي تجاربكم (حزب الطماشه-متزوجه -عروس حياكم )

up.

 

[هيزار*]

في صالات حلوه وسمعت بعد عن قصر حولي يمدحونها اهيا والجيعان جنوب السره بس ما شفتهم

انا افضل الفنادق واحب الرايه لان مضمونه كحجم نقدر نتحكم فيه على حسب عدد المعازيم وبوفيهم كله حلوووو مضمون وخدمتهم حلوه ومرتبه

 

[مدام زيزو]

رد : صالات عرس و فنادق نبي تجاربكم (حزب الطماشه-متزوجه -عروس حياكم )

صالة صباح الاحمد ظريفة والشخص ب5

 

[Om Ghalia]

مارينا وفندق النخيل مسويين عروض للعرايس................

 

[bent3rb]

رد : صالات عرس و فنادق نبي تجاربكم (حزب الطماشه-متزوجه -عروس حياكم )

احلى صالة وافخم وارقى صالة مرت علي :
القاعة الملكية
المكان : ارض المعارض _ مشرف
السعر : للشخص 25 دينار
البوفيه : حلو ومنوع وسلطات انواع كأنها شغل بيت وله قاعه كامله كبيرة مستقله مع طاولات وسيرفس داخل البوفيه حلو
التقديم : حلو بس مو كثير ويكون من الصالة نفسها موالح و حلو <<<< انا بصراحه مااتعجبني كثرة الخبايص هع هع
الاستقبال : في حراس امن و خدمة ايقاف سيارات مجاناً
شكل الصالة : اول ماتدخلين صالة متوسطة فخمة وفيها قعده ومرايا // شكل الصالة من داخل مربعه وكبيرة جداً
شكل الكراسي : مدرجات ثابتة بكل زاوية من زوايا المربع
الديكور : كله رسم ومذهب والوانه بني وبيج
مكان الرقص : كبير وحلو
الحمامات : لا تستغربون ااذا وصفت الحمامات لانها بروحها قصة لونها ذهبي وراقية ونظيفه جدا وسيرفس موجود فيها على طول

اتعس صالة شفتها بحياتي:
اصغر صالة موجودة بفندق رمادا الرقعي
المكان : الرقعي
السعر : 2000
شكل الصالة : مربعه وضيقة و ماتقدرين تتنفسين
تنفع لحفلة صغيرة او عيد ميلاد
مكان البوفية : متوسط واصغر من الصالة طبعا
الحمام : صغير جداً
المدخل : من باب الفندق الرئيسي

صالة مناسبة :
المكان : حولي بارك
السعر : مااعرف بس ارخص من القاعة الملكية
شكل الصالة : تقريبا مستطيلة
مكان البوفية : حلو واكبر مساحة من الصالة الرئيسية والاكل متنوع وفيه طاولات
الحمامات : مساحة كبيرة ونظيفة بس مو فخمة
الاستقبال : حلو مساحته متوسطه وفيه مرايا
مكان الرقص : مناسب جداً متوسط الحجم
شكل الكراسي : مدرجات

اتمنى يكون الشرح واضح

 

[bent3rb]

رد : صالات عرس و فنادق نبي تجاربكم (حزب الطماشه-متزوجه -عروس حياكم )

لقيت للقاعة الملكية صور بالنت

 

[English.Teacher]

رد : صالات عرس و فنادق نبي تجاربكم (حزب الطماشه-متزوجه -عروس حياكم )

احلى قاعة شفتها الهاشمي بفندق راديسون بلو (ساس)

اللي على شكل سفينة

صراحة احس برهبة اذا دخلتها

سعر الشخص 15+15%=17.25 للشخص

تشيل تقريبا 500 مدرجات

واذا نظام طاولات تشيل 350



موفنبيك الفري زووون تهببل وسعر الشخص اذا كاسرتيهم تقدرين توصلينه لاقل من 12 ويعطونك زيادة حدود ال50 شخص مجانا

وشرحه وكبيرة وبوفيههم يهههبل

وقاعة البوفية رااهية كبر القاعة الاساسية بس مايفتحونها لك الا اذا حجزتي فوق ال250 او 300 شخص


الريجنسي نفس سعر الهاشمي بس اقل عدد يقبلونه 300 شخص

الهلتون ارخص يوصل ل 12 دينار ويعطون زيادة

بس الهلتون راحت عليهم ديكوراتها احس صارت قديمة وبااالية

حتى الموكيت صار بااهت

اممممممم بعد بعد

وان شاء الله اذا فضيت رجعت لكم بتقسيمة او تصنيف

يعني القاعات الكبيرة واسعارها

والقاعات الصغيرة للمناسبات الصغيرة او اللي معازيمهم شوي

بس افضى ارجع لكم

 

[وآحشنــي زمآنـك]

رد : صالات عرس و فنادق نبي تجاربكم (حزب الطماشه-متزوجه -عروس حياكم )

أمممممم عجبتني صــآله فندق الهلتوون ..


كبيره والبووفيه مكــآنه حلووو ..

 

[noura85]

السلام عليكم
بنات انا امس رحت صالة اليوسفي روعه بس صغيره وتصلح حق ملجه اوو استقبال
ومثل ماقالت الاخت انه حجز الصالة ب100 دينار والتامين 100 بس راح يردون التامين طبعا

ومثل ماقلت لكم الصاله روووووووووووعه

وابي اعرف صالة الموفنمبيك بجم والريجنسي ياريت لو تفيدوني حبايبي :**

وتقبلوا تحياتي

 

[Dr.Nouf]

رحت وايد عروس

بس افشل واحد كان بالنخيل !

الصاله حلوة ، بس البوفية ماكان فيه مكان حق الطاولات والكراسي !؟



,