صاكه فيني الدنيا يا بنات ادعولي بهالشهر الفضيل

[ليتني ألمحك]

السلام عليكم



بنات انا تطلقت مرتين وسالفتني دشوا ملفي تعرفونها :eh_s(11)::eh_s(11):


للاسف بعد 10 سنوات عرفت زوجي الاول هو الانسب لي وكان يحبني موت وانا مابيه لاني ابي ولد عمي وللاسف طلع كلب وجحتني حسبي الله عليه وخليت هالرجال الزين والعايله الزينه اللي والنعم فيهاااا اااااه ياقلبي

والله اني ندمانه حييييييييييييييل تزوجت زوجي الثاني اقشر وووووووو احس حوبته بعد ثمان سنوات تزوجت طلقت طلاقي الثاني




ليش حضي جذي لو عندي حض جان كليت تبن وقعدت عند الاولي :eh_s(11)::eh_s(11):*

 

[خالف تعرف]

حبيبتي كل شي قسمه ونصيب عادي وايد يتزوجون اكثر من مره
بس انتي دايما قولي حق نفسج لا مو انا مقروده يمكن العيب فيني
يمكن في شي ناقصني مثلا انح ما تتكشخين ما تتسنعين ما تلبسين او في عيب صدقيني فكري يمكن تراددين او صوتج عالي
مجرد ماتنقدين نفسج راح تعدلين كل شي غلطتي فيه

 

[Gifts&Occaions]

الله يريح قلبج انشالله ويهدي زوجج

 

[اللهم رحمتك]

ردي للاول اذا ممكن عادي تمسكني لين تتمكنين

 

[فلنتينو]

الله يهدي بالج
ويزقج بالزوج اللي يسعدج
ويكتبلج الخيره

 

[السيده الصغيره]

الله يرزقج ويعوضج خير وهذا نصيب اولا واخيرا والله يريح بالج وقلبج

 

[ملينا البعد]

حبيبتي وااي عورتي قلبي

لاتندمين على شي راح وانتهى حياتج جدامج عيشيها بكل لحظه والعمر واحد لاتخلينه يروح على الحسايف ...

قولي الحمدالله وضعج الحين الي انتي فيه يمكن احسن من غيرج ...

وادعي ربج اذا فيه خير زووجج الاولي يردج او يرزقج بنصيب احسن منه...

ماتدرين انتي شنو يصير بعدين وكثري من الدعاء الدعاء يرد القضاء وربي فوقج ماينسى عباده :***

 

[الشموخ~~]

حبيبتي لا تقارنين بين الاول والثاني لان انتي اللي بتتعبين صدقيني

انتي تزوجتي وخلاص حاولي تغيرين زوجج هذا النصيب شتسوين بعد مو كل يوم لج زوج انتي والله يهدي سركم يا رب

 

[مولاي الفرج]

قوليله يسامحج

يمكن يرتاح ضميرج

والله يعوضج خير​

 

[q6aiwa]

الله يحنن قلب الاولي عليج ويرد لج

 

[انثى عاشقة]

الله يعوووووضك كل خير يارب ​

 

[فوفو22]

اللوم حاليا لا ينفع ولا يفيد ولا يضيف شي جديد بالموضوع

ولكن ما يريّح القلب هو ان الزواج

قسمه ونصيب من الله

لا دخل للانسان في الاختيار والطلاق

مع ملاحظه ان موضوعك ممكن يكون عبره وعظه لكثير من البنات

وهو ان النعمه زوّاله....(نعمه الزوج الصالح)

والشكر الرب فرض علينا بكل واي شي

وجايز الله يزيد اجرج مع انسان ظالمج بالدنيا

ولكي منا الدعوه والله المستجاب

فوفو

 

[ورده عنابيه]

الله يعوضج ويرزقج باللي تتمنين

 

[ليتني ألمحك]

بنات انا مو متزوجه الحين فهمتكم غلط انا انا تطلقت من الثاني الرجال الاقشر اخترته بالغلط وع شكاك وخايس

والحين تطلقت للمره الثانيه


واللي تقول ردي لزوجج الاول خلااااص تزوج وعيل صارله عشر سنوات


الحمدالله على كل حال

ادعولي يا بنات ادعولي بالتوفييييييق والعووووووووض

ابي ربي يرضى علي واتوفق مابي اخذ رجال ردي مابي والله

 

[є 3 τ и α q]

يَ حياتي ليه الحزن ؟!
نصيبك لسى مَ جآء .. صدقيني
ولا تزعلين ولا شي .. مَ عليهم حسوفه
بكره ان شاء الله يجي اللي يحطك بعيونه ..
وينسيك كل شي ..

ابدآ لآ تضيقين عمرك ولا شي ..
لسى العمر قدآمك ..


بس من اختك رددي ..
[ رَبِّ لَا تَذَرْنِي فَرْداً و! َأَنتَ خَيْرُ الْوَارِثِينَ ]

الله يوفقك لكل خير ويرزقك الزوج الصآألح [ اللهم امين ]

 

[ليتني ألمحك]

اهذريبك

جزاج الله خير ياقلبي ماقصرتي

انا للاسف خالعت مرتين

 

[مدرسة طفشانة]

الله يصلح حالج ويهدي بالج

 

[زوجة عزيز]

الله يعوضج خير حبيبتي ويوفقج ان شاء الله

 

[قل علها خيره]

,, حبيبتي لاتقعدين تلومين بروحج وتحطين كل الغلط عليج وتزودين همج هم ~ تأكدي إنها قسمه مقدر ومكتوووب !!
وفوضي أمرج لله 000 الله يجبر بخآطرج ويعطيج لين يرضيج يآآآآرب ,,,

 

[الزيـــــ^^ـــــن]

ادعي لربج انه يعوضج بأحسن منه
وصفي نيتج مع الله عز وجل
وان شاءالله ربي مايخيب ضنج وبيرزقج كل شي تتمنينه