صاكة فيني الدنيا ..

[ياربي الجنة]

السلام عليكم كيف حالكم انا مطلقة بدون اولاد من فترة طويلة واحد الحين محد تقدملي مع اني جميلة جدا الموضوع ان اخواني وخواتي يسافرون محد ياخذني معه استانس يعني اخوي بيسافر وبتلحقه زوجته وقلت بروح استانس معاها الا انصدم باخوي يقول لا ماتسافرين معانا تبين تفشليننا قلت ليه وشسويت مع العلم ان خواتي لما بيسافرون يلبسون بنطلونات اما اخوي عذره اني البس بنطلون قتله طيب كل خواتي يلبسون قال انا مابيك تروحين معاي ولا عمره ونسني واخوي الثاني نفس الشي قال بسافر وباخذ زوجتي وكم وحدة من خواتي وقلتله انا بروح قال لا ماتروحين معانا طيب ليه قال مابيك تروحين اقعدي ليه بتسافررين ياربي كل هذا لاني مطلقة وشذنبي طيب ..احس امي متضايقة حيل لما تشوفني اتضايق وتقولي خلي يوللون ماعليك منهم يابنات ورب الكعبة ماسوي شي غلط حالي حال البنات انبسط واستانس ليه يحسبون اني رايحة فيها ..اسالكم بنات كل وحدة تقرا موضوعي تدعيلي يفرج همي ارحم الراحمين عاجلا غير اجلا

 

[black rose BH]

اهلين حبي
عادي ياقلبي ومطلقة مافيها شي
الله بيعوضج ان شاء الله وبيرزقج بالي يسعدج

ثاني شي الوناسة بس بالسفر ؟
انتي موضوعج كله تبين تسافرين بس مايبونج
اوكي خلهم يسافرون يستانسون
وانتي تقدرين تستانسين بطرق ثانية
مثلاُ تطلعين مع امج وخواتج مجمعات او مطاعم وتغييرين جو
او تعزمين رفيجاتج او تروحين تزورينهم
تقرين كتب
في اشياء وايد تخليج تستانسين لا تدققين وتمين على شي واحد وتقولين مطلقة محد يبيني
حتى لو صج مايبونج انتي ابتكري لروحج شي يخليج تستانسين لو شي بسيط !

بالتوفيق حبوبة

 

[αησмα]

//


حياتي ي قلبي لا تتضايقين ع اخوانج وحريمهم

لا تشوفينهم وتهتمين فيهم بيقولون انتي محتره لانج مطلقه وجذي


هذي نظرات الاغلبيه

ولو الطلاق موعيب ولا حراااام

اهتمي بنفسج امج صلاتج ذاتج وكل شي يسعدج بالدنيا والاخره


ولو جت على السفر طنشي ماتدرين ربي بيرزقج بزوج يحب السفر ويحب السفر اكثر معااااج


تفائلي اذكري الله سبحانه ولا تشيلين هم شي

اطلعي استانسي سينما كافيهات مع اقرب الناس لج وسعي صدرج


واللزه يوفقج ادعيلي بظهر الغيب باللي اتمنااااه ولج بالمثل

 

[BnoGa 911]

الله يعععينچ يآ رب و يفرج همچ و همـيّ و هم گل مهـموووم

 

[نونه المنكوشه]

ياعمري الله يرزقج بالزوج الصالح اللي يغنييييج عن كل البشر واخوانج ش هالتفكيير الله يهديهم وماعليج منهم اخذي امج وسافري اي مكان يعني لامن خيرهم ولاكفاية شرهم

 

[ام فواازي]

الله يرزقج بالزوج الصالح

 

[جامعيه كويتيه]

الله يعوضج خير يالغاليه ويرزقج بالزوج الصالح الحنون الطيب يارب

 

[جذابه بنت ذيابه]

الله يعوضج يارب و يرزقج باللي تتمنين

 

[عسل سل]

استانسي بأشياء ثانيه

 

[sh_mashael]

الله يعيينج حبيبتي

ليش يسوون جذي ؟؟

انزين ترا في اشياء وايد تونس غير السفر

روحي حفلات و عروس و استانسي و تعرفي على بنات

و اذا مو مكمله دراستج الجامعيه كملي

و خلي امج اتقول لهم انج تسافرين معاهم


و شوفي عروض الأزياء وناسه ترا

و روحي السوق و مو شرط تشترين شي

بس شوفي احدث الموديلات

الله يرزقج باللي يعزج و يرزج

بلا منة اخو و إلا اخت