صار لج الي صار لي

[smore!!]

السلام عليكم يا بنات


انا توني متزوجه و الحمدلله خذيت حبيبي , اهوا الحمدالله ايد زين و ماتغير بس انا مادري شفيني بس ابجي

اولا ابي اهلي مابي اطلع بشقة بروحي و يعدين كاسره خاطري اختي الي حيل معاي , مومستوعبه شلون بخليها تقعد بروحها شسوي...؟؟؟؟


و المشكله الثانيه بنت خالت ريلي كانت تسوي لي مشاااكل قبل الزواج و الحين توه مس مطلعه حجي عني و خالتي دايم تكلمها شسوي فيها؟




كله ابجيييييييييييييييي:eh_s(11): مادري احس عيييين:eh_s(11):

شسوي؟

 

[زوجة عزيز]

تعوذي من ابليس مافيج الا العافيه ان شاء الله وهاذي سنة الحياة باجر اختج تتزوج وبتترك البيت وبتروح بيت زوجها وبنت خالة زوجج ماعليج منها ولا تعطينها اي اهمية ربها فوقها واذا زودتها علمي ام زوجج اذا كانت واقفه معاج

 

[ام الحلوااات]

اللــــه يـــفــــرج هـــمــج

 

[ديانا سبنسر]

ايه صارلي اللي صارلج شي طبيعي يتغير عليج الوضع وتشتاقين لاهلج يبيلج وقت تعودين
وبالنسبة لبنت خاله طنشيها ولاتردين عليها مهما قالت

 

[على مودك]

الف مبروك ياعروس استانسي هذي احلى ايامك ..
طبيعي انك تشتاقين لاهلك واختك بس بحدود يعني لاتفكرين باختك واذا اشتقتي لها دقي عليها وسولفي ومع الايام تتاقلمين وتحسين بمتعة الاستقرار بس انتبهي لاياثر شوقك ع علاقتك بزوجك لانه بيتحمل مره مرتين بعدين بيزعل منك ويحس انك مو مرتاحه معه

بنت خالته طنشيها اذا شفتيها بس سلام من بعيد وانتبهي لاتتقرب منك او تعرف اسرارك ولاتبينين لها اي شي عن علاقتك بزوجك ودايم ادعي ان ربي يفكك من شرها واذا جت ببالك استغفري ولاتسترسلين بالتفكير
وقدام ام زوجك لاتبينين حقدك عليها او تسبينها عشان لو بنت خالته نقلت عنك كلام مااحد يصدقها

بالتوفيق .. لدعي لي بالستر​

 

[انثى عاشقة]

محد بجى كثري لما تزوجت
خخخخخخخخخخخخ
صعبة في البداية تفارقين اهلج وكل دنيتج وتعيشين مع ريال غريب
لكن من تتعودين ع خشته
يصير فرقاه هو الصعب
وبالنسبة للي تطلع عليج الحجي طنشششششي
اهم شي زوجك زين معاج
​

 

[طير يحب سجانه]

اللــــه يـــفــــرج هـــمــج

 

[am faisal]

عادى
شوى شوى تعودين على حياتج الجديدة

 

[حبيبي مالكني]

الي صايدج انه الوضع تغير عليج
وانتي داخله مرحلة يديده
وحاسه انج مضغوطه
تعوذي من ابليس ولا تعيشين روحج بجو كله كآبه

 

[latkt7as]

الف مبروك حبيبتي

عادي هذا شي طبيعي الي تمرين فيه

اغلبنا مرينا فيه


ارقي نفسسج دايم


تقبلي مروري

 

[Um Tuki]

عادي حبيبتي شي جديد عليج وماتعودتي عليه ليلحين
عاد مو كل ماطلعتي مع ريلج طقيتيهاصيحة ترى يمل و لا تحسسينه انج متضايقة وايد

سيطري على روحج

هذي سنة الحياة
حتى اختج بييها نصيبها و بتروح ترى انتي معاهم بنفس الديرة ما بتهاجرين

اما عن بنت خالته كلمي ام زوجج و ريلج خل يوقفونها عند حدها اخاف تسكتين و باجر تمشكلج

حلي الموضوع بذكاء و بكون صراخ و مشاكل

شكلها غيرانة منج او كانت تتمنى زوجج و الله اعلم


ربي يسخر لج زوجج يارب

 

[زبــــــــدة]

عادي كلنا جذي اول شي بعدين تتعودين ...

 

[رنيم الروح]

ههههههههه عادي حبيبتي صارلي هالشي خاصه انه انا بمدينه واهلي بمدينه ثانيه بداية الزواج كله:eh_s(11): بسبب وبدون سبب:eh_s(16):
بس مع الوقت تعودت
وعلى بنت خالة زوجك طنشيها :eh_s(15):ماعليك منها مصيرها بتمل اهم ماعليك زوجك

 

[ضحكتي ماركة ]

ارقي نفسج وقيام الليل

وكلنا مرينا بهالحال

 

[~ ام خالد ~]

ياحلوك ذكرتيني باللذي مضى خخخخخ
عادي حبيبتي هذا شي طبيعي بأول سنه
واختك الله يسهل امورها ويجيها نصيبها ويجمعكم على خير

ونصيحتي لك رددي (اللهم من اراد بي سوء فاشغله في نفسة ورد كيدة في نحرة واجعل تدبيرة تدميرا عليه)

وموفقه ياقلبي

 

[modern]

الف مبروك و الله يديم المحبة بيناتكم
اختك باكر تتعود عادي و بنت خالته طنشيها

 

[جوري 2007]

عادي البجي والضيقه اول الزواج لانج فارقتي بيتكم واهلج وبتستقبلين حياة يديده ومسؤليه

 

[al-musk]

هذي سنه الحياة..
أهم شي إلتزمي بأذكار الصباح والمساء تحفظج من كل عين وشر وسورة البقرة هم لازم كل يوم تقرينها ..
أصلحي علاقتج بربج ووكلي أمرج عليه وكل شي ينفتح بوجهج وتذكري ان كل شي بيد رب العالمين وهو الي بيده قلوبنا كلها ويحركها كيفما يشاء .. وخالتج تقربي منها ودايم خلج معاها وجنبها وخصوصا انج عروس وباجر بتعزمون مع بعض كثير فدايم كشخي وارتزي وبيضي الوجه معاها واشتطي وعديها حسبة أمج .. ولاتخلين بنت خالته تدخل بينكم ابد .. ودقي عليها وشوفيها اذا عندها مشوار ولا شي وتأكدي انج من تكسبين أمه خلاص فهو راح يحبج أكثر وأكثر ومايفرط فيج ويوقف معاج ضد اي أحد يتكلم عنج .. وخالتج حتى لو في أحد يصدها عنج كل ماقربتي منها هالحاجز بينكسر شوي شوي .. وأهم شي بهذا كله أحتسبي الأجر وإنه لمرضاة زوجج وإن رضاته من رضا رب العالمين .. وهالكلام الي فوق مايمنع ان شخصيتج اتم قوية واي احد يدوسلج على طرف توقفينه عند حده بس اهم شي باحترام وأدب .. عشان محد يحط عليج ولا علامه إستفهام ..

والله يوفقج ويتمم عليج