صارلي 9 شهور من طرحت وما حملت

[wardia]

السلام عليكم بنات

انا ضايق خلقي وايد وصايرة نفسيتي تعبانة لان حملي تأخر

انا تزوجت تقريبا صارلي سنة وشهر ، وحملت في اخر شهر 12 الي طاف
واجهضت في الاسبوع السادس، ومن حملتي هذي وانا احاول احمل بس الله ما يكتب

سويت تحاليل هرمونات كل شي زين وهم ريلي سوا فحص عددي وهم زين طلع

والحين قاع اخذ فولك أسيد ..

بس مادري شسالفة تأخر حملي

ادعولي بنات ان الله يرزقني الذرية الصالحة​

 

[معنـى الحنـان]

حبيبتي الدعاء الدعاء الدعاء خصوصا بثلث الليل الاخير
والاستغفار
والصدقه
والرقيه الشرعيه كتبي بقوقل الرقيه للحمل وشوفي في ايات وادعيه تقرينها وتنفثين بماي وتشربين منه
وداومي عالاذكار وقراءة القران
وشوفي بعد باليوتيوب مقطع للشيخ المغامسي يقول تصلين ركعتين وتدعين بالسجود ربي لاتذرني فردا وانت خير الوارثين .. اربعين مره والله يستجيب ان شاء الله

الحمل رزق من الله يعني لايكون بس تفكيرج بالدكاتره وعلاج ومادري شنو احسني الظن بالله واطلبي منه يرزقج

انا قلت لج هالكلام عن تجربه شخصيا قعدت فتره شهور من غير حمل وزوجي دوخني وراجعت دكاتره وكل واحد يقول كلام غير اللي يقول هرمون حليب مرتفع لدرجه تخوف بالالاف واللي غده ومادري شنو وكل يوم كلام والحمدلله الحين انا حامل من غير علاااج والله بس مثل ماقلت لج كنت ادعي واتصدق تقريبا يوميا واحيانا اتصدق ببقايا الاكل للحمام والطيور اوكل الحمام بنية الصدقه واحيانا فلوس بسيطه يعني الصدقه مو بس بالفلوس وحتى لو شي بسيط
والرقيه الشرعيه كنت اقرا ايات وادعيه على ماي تقريبا 3 او 4 لترات واقعد 3 ايام اشرب منه وارجع اقرا ومره قريت على زيت زيتون ودهنت رحمي وصدري لان قالوا هرمون الحليب مرتفع
وكنت احط ملعقة عسل على كوب ماي واشرب عالريق بس احيانا مو دايما
وكنت اشرب زنجبيل ومرقدوش تقريبا شربت اسبوع ومليت
يعني سويت تجارب ههههه بس حبيت اقولج تجربتي الحمدلله حملت من غير علاج الحمدلله الله يتمم لي على خير ويرزقج بالذريه الصالحه

 

[توحه1]

الله يرزقج ان شالله
ويطعم كل محروم
وسبحانه كل تاخيره فيها خيره واحنا الناس طبعنا ماعندنا الصبر ونبي الشي بوقته
وان شالله ربي يعوضج خير يارب وافضل من ماتتمنين

 

["*آآآنؤؤؤقهـ*"]

الله يرزقج بالولد الصالح

عليج بعسل صافي كامل حطي فيه قفشه حبه البركه
وقفشه رشاد
ويوميا اكلي منه لمده ٣ شهور وشوفي النتيجه من بعد الله

 

[@سيدة نفسي@]

التفكير بالحمل يمنعه حاولي تلهين بأي شي وبتحملين علطووول ان شاءالله دام ماعندج موانع للحمل لا انتي ولا زوجج

 

[نـعـومـه]

راجعي دكتوره تعطيج مواعيد التبويض

ولاتفكرين توج عيشي انه توج عروس وادعي أهم شي والله يرزقج

 

[wardia]

مشكورين حبيباتي ❤