صارلي شهر عند اهلي ولا حس ولا خبر

[صابرة الحمدلله]

السلام عليكم خواتي

انا صارلي اكثر من شهر زعلانه ببيت اهلي وزوجي هو السبب

ولين الحين ما سال عني كلش بس ارسل رساله لتلفوني يطلب رقم حسابي

عشان يرسل مصروفي ومصروف ولدي وعلى قولته عشان يبري الذمه

وارسلت له الرقم بس بدون اي كلام وهذا كان اخر تواصل معاه

وقبل جم يوم كلمت خالتي وعمي وباركت لهم بالشهر

خالتي لا سالت شفيني ولا تكلمت

بس عمي سالني انا بالديرة ولا لا وقلت انا عند اهلي وسالني اذا بجيهم اتفطر عندهم

قلت ان شالله وبس

وهذا رابط موضوعي وسبب المشكله

http://www.q8yat.com/t901721.html


ابي استشارتكم شنو اسوي ​

 

[صابرة الحمدلله]

ليييييييييييييييييش محد رد حتى لو دعوه هذا موطبع كويتيات

بلييييييييييييييييييز احنا بشهر فضيل لو ماكو شي تقولينه ادعيلي

ان الله يهديه لي ويرد لي ردا جميلا​

 

[ام دليار]

حبيبتي ليش رحتى على بيت أهلك أذا ناوية تردي ترجعي
لزوجك
بحياتك ماتتطلعي من بيتك أذا ماكنتي ناوية على الطلاق

لأنه المرا الحردانة بتروح قملة وبترجع صيبانة

أسفة حبيبتي أني قلتك هيك
بس أنا بدي مصلحتك لأنه يلي فيه عادة مابيغيرها حتى لو زعلتي
بلحكمة كنتي بتقدري تغيري كل حياتك

 

[ام دليار]

ورابط موضوعك القديم غلط

 

[ماني من الناس]

حبيبتي ليش رحتى على بيت أهلك أذا ناوية تردي ترجعي
لزوجك
بحياتك ماتتطلعي من بيتك أذا ماكنتي ناوية على الطلاق

لأنه المرا الحردانة بتروح قملة وبترجع صيبانة

أسفة حبيبتي أني قلتك هيك
بس أنا بدي مصلحتك لأنه يلي فيه عادة مابيغيرها حتى لو زعلتي
بلحكمة كنتي بتقدري تغيري كل حياتك

ام دليار ارجو توضيح المثل بالعربي خخخ

 

[الغاليه ام احمد]

حبيبتي الرابط ما يفتح

بس الله يهديكم ويجمع بينكم بالفرح

 

[Freakya]

اي عرفتج

الحمدلله انه قام يعطي مصروف حق ولدج

انا اقول خلج قاعدة ببيت اهلج مادام اهو يطقج و يغلط عليج

 

[Freakya]

بنات الرابط يفتح معاي

http://www.q8yat.com/t901721.html

 

[زوجة عزيز]

ردي له حبيبتي والله احسن والله والله يوفقج ان شاء الله

 

[الغاليه نونو]

اقول يمه ترا موعدله قعدتج بين اهلج شهالحاله ماتبون الريال يقول لكم ادنوا علي وراكم الا شلتوا شلايلكم ورحتوا لاهلكم موصح هاللي تسوينه حتي لو اهو غلطااان اكو شي اسمه تفاهم اكو شي اسمه نقاش اكو شس اسمه العشره بين المره والريال حتي لووو اسبوع دام المره حلت عالريال ونامت معاه علي سرير واحد ومخده وحده المفروض المره تصون هالفتره وماتخلي لابليس طريج يدش بينها وبينه ويعفسهم

احنا بشهر فضيل الحين بدال ماتعطينه رقم حسابج جان قلتي له فلوس الدنيا ماتغنيني عن شوفتك يالغالي حسك بالدنيا كل غلط بالدنيا يزول ويتصلح وانا ماده ايدي لك وناطرتك تمر تاخذني ونكمل هالشهر الفضيل والعيد يصير عيدين

هذا اللي ينبغا منج تسوينه يمه تدحرين الشر وماتتركين مجال لبنات ابليس ياخذونه منج الله يهداج انتي وكل اللي يطنقرون علي ادنات الدون مسسسسسسسرع طاروا بيوت اهاليهم يدافع البلا

تبين شوري ونصيحتي ردي بيتج يمه وخلي عنج الربربه ريل وحمق وغلط خير ياطير ماااانكسر لج ضلع ولا ايد ولا ريل واذا تقولين مابيه وماني راده له هذا شي ثاني

 

[الأميرة جوري]

الله يهديج ياقلبي تونى اقرا موضوعج لو شنو المره ماتطع من بيتها الا لاسمح الله بحالة الطلاق.....ليش طلعتى من بيتج جان قعدتى وزعلتى عليه وانتى بيتج راح يراضيج مهما طالت المده بعدج عنه يسبب تدخل الناس وتغير رايه ولاسمح الله يمكن ييبون له زوجه غيرج خصوصا ان امه عادي ولاسالت غريبه منها ....حاولي باي طريقه يردج تعذري بولدج باي شيء الله يعينج ويهديه

 

[mayoo]

انا مااشوفج غلطانه اهو اللي غلط عليج لمامد ايدة ,,, لاااااا وعشان شي المفروض ان من واجباته مو من واجباتج

 

[Freakya]

امبي انتو ردودكم مو طبيعية

اقول خل رياييلكم يطقونكم و خنشوف شبتسون

اللي مو مجرب الطق عمره ما راح يعرف شكثر الطق يهين

 

[أغلى أمنياته]

الله يهديه ويسخره لج //
الله يجمعكم ولا يفرقكم//
يا اختي دخل الشيطان بينكم الله يهديه​

 

[ام دليار]

ام دليار ارجو توضيح المثل بالعربي خخخ

كيفك ياحلوة وين هل الغيبة
:eh_s(10):

 

[سكوتي بذوقي]

الله يسخره لك ويهديه

وتردون لبعض

 

[الغنج والدلع]

الله يفرج همج ياقلبي الرابط مايفتح

 

[أنفاسي دخون]

الله يهديه ويسخره لش يا رب

 

[ام شيخون]

الصراحه الله يعينج بساسمحيلي مدام انك كتبتي القصه عشان نعرفها لازم نعرف بعض الاشياء زواجكم تقليدي او عن حب ؟
واول ايام زواجكم كان جذي بعد ولا تغير ؟
وهل كان يطقج وانتي حامل ولا لا ؟

 

[مسك وطيب]

عسى الله يهديكم لبعض ويجمعكم عن قريييب يارب

كثري من الدعااااء بهالشهر الفضيل

والرجال مهما كان غلطان مو بالسهوله يعترف عسى الله يلين قلبه ويهديه لج يارب