صارلي اجهاض

[.Nihal.]

السلام عليكم بنات انا كنت حامل بالشهر الاول وللاسف صارلي اجهاض .. سبحان الله ما كنت مقتنعه فيه لانه يا بوقت غلط ولما رضيت فيه طاح .. الحمدلله على كل حال

المهم خواتي بغيت اسأل انا الاجهاض ما يالي دم غزير لا دم دوره عادي ومع قطع صغيره على شكل لحم تكرمون او دم متجلط وما كانوا وايد

واستمر معاي كأنه دوره عاديه لمدة يومين والثالث بدا يخف والدم يصير غامج حيل بني او اسود

هل معقوله نظف الرحم ؟ انا خبري خواتي تموا 10 ايام عالاقل

واليوم احس بشوي حراره وعوار ظهر شنو سببه هذا ؟ هل لازم اروح الدكتوره ولا يبيلي مجرد تنظيف ممكن تفيدوني

 

[3aly mstway]

حبيبتي الله يعوضج

والحمدالله على السلامه


اقل شي 18 يوم انا اجهضت بوشهر

نفسي عمرج لي الحين مانظفتي بيرد ينزل الدم الاحمر والبني لين ينزل تكرمين الافرازات البيضه بعد 18 يوم تكرمين

 

[Mrs.H]

الله يعوضج خيير يارب وحمدلله على سلامتج.. خيرة لج ان شاء الله

على جم اسبوع تعورتي؟ وجم صارلج من تعورتي؟

 

[.Nihal.]

عالي مستواي الله يسلمج ويخليج ..

msr.h على الاسبوع الرابع او الخامس .. وما حسيت بعوار وايد اول ما نزل بس انقباضات تحت السره ونزل مثل دوره عاديه

 

[أأأميرة الورد]

الله يعوضج

يمكن ماشربتي سوائل دافيه

واكلتي حسووو واعشاب علشان تنظفج وينزل الدم

 

[ScarletteO'Hara]

انا تقريبا نفسج من جم شهر سقطت على الاسبوع الخامس
نزل علي نفس الدورة و اكثر بشوي خلال 10 ايام نظفت
و كنت متابعة مع الدكتورة الي اكدت لي انه رحمي نظيف و ما احتاج تنظيفات
كله بين بالسونار
لازم تجيكين بالسونار عشان تتأكدين
و الله يعوضج ان شاء الله

 

[مشتطـه]

لا 18 يوم وايد رفيجتي مثلج بالضبط بس الاسبوع السادس

ما طول الدم وياها

ونفسج ما كانت تبي الحمال ويه بوقت غلط

ولما اقتنعت فيه وحبته طاح

سبحان الله

 

[Potato]

حبيبتي راجعي الدكتوره عشان تتأكدين ان رحمج نظيف و اكلي ادويه و شربي دارسين ..

والله يعوضج قريب ان شاء الله

 

[Mrs.H]

عالي مستواي الله يسلمج ويخليج ..

Msr.h على الاسبوع الرابع او الخامس .. وما حسيت بعوار وايد اول ما نزل بس انقباضات تحت السره ونزل مثل دوره عاديه

مايعتبر عوار يعتبرونه دورة متأخرة صارلي نفسج.. تنفسي وتدفي ومافيج الا العافية ان شاء الله

 

[akadenia]

ماجوورة حبيبتي -- الله يعوضكم ويجعله في ميزان حسناتكم --

عليج بالرشاد مع التمر يقوي الظهر - و الدارسين علشان ينظف و شوي شوي بالحركة

 

[يوم وليلة]

الله يعوضج حبيبتي
الحمد لله ع سلامتج
انا اجهضت بالشهر الثاني نزل علي دم غزير وقطعت لحم وماطول وايد تقريبا 9 ايام وانقطع

 

[M!SS.LOBY]

الله يعوضج قريب يارب