صارت صارت هذي فرصتكم يامعلمات

[نونا**]

هاااااي

طبعا انا قاهرني الدوام وقاهرني خضوع بعض المدرسات للقرارات الفاشله

مدرسة تكرف من 7 ونص لي وحده ونص ووسائل وتصحيح واوراق عمل اخرتها معاشها 858 دينار

تدرون ان الدبلوم معاشهم بهيئة الصناعه والرعاية السكنية 850 دينار

والجامعي يوصل 900 وشي!

واحنا نكرف اكثر منهم ولا بكل وقاحه مطولين الدوام

لي متى واحنا تحت رحمتهم!

جمعية المعلمين تحركت واخيرا وتبي تسوي اعتصام من الساعه عشر

وكل المعلمين الذكور قاعدين ينادون وينشرون هذا الخبر للتضامن

يا دورنا يامعلمات

ولاتخافون ماراح يسوون لكم شي

ولا راح يفصلونكم ويحطون وافدات لان التكويت فرض على المؤسسات الحكومية والخاصة

بس الاعتصام راح يبين صوتنا للعالم السدراوي مصرحة انه يوم الثلاثاء سار وفق المخططات

واحنا ندري انه كان عفيسه

لازم نبين للعالم صوتنا

عشان يوقفون معانا ويحاسبون وزارة التربيه

ترا الحمله هالمرة قوية اغتنموا الفرصه

هذا نص الاعلان

نداء لجميع المعلمين.....

نعم للأعتصام والمقاطعة....

أعلنت جمعية المعلمين الكويتية....البيان التالي.....

أعلنت الجمعية تأييدها ومؤازرتها للقضية المطروحة ...

شكرا على القرار الشجاع والجرىء ....من الجمعية.....

وأعلنت أنها ستقوم بنشر الاعتصام بالصحف المحلية...


وكذلك الأعلان بالقنوات المحلية والعالمية..

.لكي تصل الرسالة بوضوح......

وقد أعلنت الجمعية التأييد الكامل والدعم المطلق.....



فشكرا من القلب للجمعية على هذا الموقف .....

لنصرة أخوانهم المعلمين....

ملاحظة ....الأعتصام والمقاطعة سوف تكون يوم الثلاثاء القادم .......

في تمام الساعة العاشرة صباح......والتواجد مبكرا ....ضروري.........

حضوركم هو النجاح لقضيتنا.....

المطالب .... هدفنا....والحضور... والرسالة.......وسيلتنا.......والنجاح .... هو ..... غايتنا.....

يوم الثلاثاء القادم.....يوم المقاطعة للمعلمين جميعا......لكي تصل رسالتنا...

لكي تصل الرسالة للقيادة التربوية والسياسية بالبلد.....وبوضوح ....

تنبيه .....تم الاعلان عن المقاطعة والأعتصام ....استمروا بالنشر والتواصل....

للتواصل معنا دائما......55214663//66471733

 

[معلمه متميزه]

رد : صارت صارت هذي فرصتكم يامعلمات

المقاطعه شلون يعني مو واضح شنو المطلوب منا كمعلمين ما نداوم يعني ولا شنو ؟؟؟؟؟؟؟؟؟؟؟؟؟؟؟

وشكرا على النقل

 

[emohema]

رد : صارت صارت هذي فرصتكم يامعلمات

اظن ان ماندوام وكمان نسوى اعتصام امام وزارة التربية والله هدى فرصتنا يا بنات ولازم كلنا نتحد حتى الوافدات منهم كتير بيغبون بعد

 

[نونا**]

رد: رد : صارت صارت هذي فرصتكم يامعلمات

المقاطعه شلون يعني مو واضح شنو المطلوب منا كمعلمين ما نداوم يعني ولا شنو ؟؟؟؟؟؟؟؟؟؟؟؟؟؟؟

وشكرا على النقل

المطلوب الاعتصام اما مبنى وزارة التربيه

اضعف الايمان غيبوا يوم الثلاث

بس ترا الحضور وايد مهم

وترا الاعتصام مخططين له صح جمعية المعلمين

وراح يكون فيه مطالبات زيادة الراتب بعد

 

[نونا**]

رد: رد : صارت صارت هذي فرصتكم يامعلمات

اظن ان ماندوام وكمان نسوى اعتصام امام وزارة التربية والله هدى فرصتنا يا بنات ولازم كلنا نتحد حتى الوافدات منهم كتير بيغبون بعد

عدل كلامج والله

 

[البندري22]

انا قريت هالكلام اللي بكتبه بمنتدى من معلمين ذكور


((( نعم للمقاطعة الجماعية للمعلمين ...والأعتصام الكلي...

وذلك يوم الثلاثاء القادم وكل ثلاثاء ....حتى يتحقق هدفنا...

أحسنت وبارك الله فيك....وكثر الله أمثالك .....

سيكون هناك مطالبات أخرى.....

ولكن الأساس ....والأهم حتى لايتم التشتيت....

الألغاء الفوري .....للقرار الجائر ...

وهو أطالة اليوم الدراسي......

حتى نقضي معا على رأس الأفعى ....

للتواصل الدائم 55214663//66471733

مع تحيات الحملة الوطنية للمعلمين))

منقول

 

[نونا**]

يعطيج العافيه البندري عالنقل

 

[زيـטּ عَبْس]

بدزه برودكاست لكل الاعضاء بالقروب عندي


وصااجين


لازم نوقفهم عند حدهم




غياب ان شاء الله

 

[جنى الجنتين888]

أنا بعد وياكم بغيب واذا قدرت حضرت الاعتصام 

 

[sdn chocolate]

أنا معاكم وبحضر الاعتصام

يالله يامعلمات خلونا مره وحده نتحد ونوقف صف واحد.....

 

[sdn chocolate]

لن تصل الرسالة إلاّ في حالة واحدة

( عقد العزم والنية ) على الاعتصام الفعلي ,,

اختي المعلمة لن تطير رقبتك بواسطة سيف الناظرة إن حضرتِ الاعتصام

أفْهِميها بحضورك إيّاه أنكِ موظفة معها في نفس الدائرة ولستِ بتلميذة مستكينة




أخي المعلم راتبك ولو نقص دينار لن ينقص بالمستقبل أعينوا بعض فإنّ بعد رد قانون اطالة اليوم الدراسي ستتوالى مطالبكم بالتحقيق مع

امكانية اعلان رغبة برفع راتب المعلم

فأنت تمارس أعظم المِهن ولا تقُل شأناً عن الطبيب أو المهندس

 

[نونا**]

لن تصل الرسالة إلاّ في حالة واحدة

( عقد العزم والنية ) على الاعتصام الفعلي ,,

اختي المعلمة لن تطير رقبتك بواسطة سيف الناظرة إن حضرتِ الاعتصام

أفْهِميها بحضورك إيّاه أنكِ موظفة معها في نفس الدائرة ولستِ بتلميذة مستكينة




أخي المعلم راتبك ولو نقص دينار لن ينقص بالمستقبل أعينوا بعض فإنّ بعد رد قانون اطالة اليوم الدراسي ستتوالى مطالبكم بالتحقيق مع

امكانية اعلان رغبة برفع راتب المعلم

فأنت تمارس أعظم المِهن ولا تقُل شأناً عن الطبيب أو المهندس

يسلم بووئك

كلامج عدل امية بالامية :eh_s(7):

 

[@الخياله@]

نغيب يمكن بس نروح مبنى الوزارة ونزاحم الرجاجيل نو وي

 

[رضاهم جنه]

المفروض حتى اولياء الامور يعتصمون معانا

انا بصراحه ماراح اروح بس زوجي وربعه يبون يروحون >>> زوجي ربعه مدرسين ويبون ياخذونه غصب خخخخخخخخخ

 

[conan-89]

رد : صارت صارت هذي فرصتكم يامعلمات

وياكم وياكم لا لإطالة اليوم الدراسي

 

[sdn chocolate]

يسلم بووئك

كلامج عدل امية بالامية :eh_s(7):

الله يسلمح ويسلم بوء اللى كتبها في الشبكة الوطنية الكويتية

 

[In pinK]

رد : صارت صارت هذي فرصتكم يامعلمات

إن شاء الله أكيـــــــــــــد غياااب :icon30:

بس فشلة اروح اوقف مع الرياجيل احس راح يكوون زحمة

والله صعبة

 

[أميره بطلتي]

ابلات شدو حيلكم تكفووون


علشانكم


علشان عيالكم


علشان ازواجكم وبيوتكم



لازم نخليهم يهابونه ويحترمون مطالبنا





اللي ماتقدر تروح تكفين خل تغيب تكفين مرضي يوم واحد ارتاحي بالبيت او تريقي ويا رفيجاتج اوغيبي عيالج بعد تكفين



والله معاش مايتاثر


تقريرج مايتاثر




غيبووووووووو








غيبوا عيالكم





اعتصموووو




لاتترددون اذا بيوم صرحت وقالت راح يتعاقب اللي يغيب ومادري شنوو


اذا الطلاب والطالبات بعد العطل معطين تصريحاتها طاااااف وغايبين


شنو بيسوو يعني خصم ..لفت نظر .. شكوو .. عندنا مرضياتنا رسميه







متحمسه حدي ابي يكون لنا موقف



ونبي يوصل صوتنا



مادة مهارات الحياة مالها داعي ابد



حصة النشاط اان كانت نص ساعه راح يحبونها البنات ويبدعون مو ساعه طفشششش وملل




الابلات فراشات الابلات مناوبات االابلات يدفعون من جيوبهم البلات كل شي خلاص لي متى خوف وسكوت​

:lkmnkl:

 

[English.Teacher]

رد : صارت صارت هذي فرصتكم يامعلمات

البنات ترا السالفة مو سالفة بس 25 دقيقة كل ثلاثا

السالفة اكبر واكبر

لا تتهاونون

اذا عرفت الوزيرة ان 25 دقيقة سوت هالضجة وهالاعتصام

صدقوني ماراح تتجرأ وتوصلها الى ال 3 طول الاسبوع مثل ماهي مخططة للسنين الجاية

اذا ماوقفتوا الحين عمركم ماراح تاخذون حقكم

هذي حزتها وهذي فعلا مثل ماقالت صاحبة الموضوع فرصتكم

<< معلمة مستقبل في الكورس الجاي

 

[&الماس&]

انتم احسبوها صح اهيه قالت بتجس نبضكم هالسنه وبتجربها بيوم واحد اهو الثلاثاء واذا محد سوى شي بتخليها السنه الجايه كل الايام والمصيبه الكبيره موحاسبه حساب الاطفال او المعلمات اللي حالتهم خاصه يعني مرضي السرطان ومرضى السكري وغيرهم من الحالات الله يشافيهم ومن الغباء جدا من الاستاذه الوزيره انها تقارن بين دولتنا الحبيبه الكويت وجوها الحار وجو الدول اللي تقارنا فيها وغير هذا شمعنى هذا القرار طبقته بسرعه مع العلم انها قالت اول شي راح ترجع المطعم اساس ان الاطفال ياكلون اكل صحي وغيره من الكلام مع العلم ان فيه مدارس تبيع الايس كريم والوجبات السريعه وبالاخص وجبات بابايز وغيرهم وينها الحبيبه عن هالسوالف ويومممممممممممم الثلاثااااااااااااااااااء غيااااااااااااااااااااااااااااااااااااااااااااااااب