صارت خواره مو حمال ؟؟؟؟؟؟؟؟

[فله]

شلونكم بناااات
تقبل الله صيامكم وقيامكم
وان شالله مايمر رمضان الا ومغفور لنا يارب

بنات انا تقريبا بالاسبوع ال19 ربي يثبته لي يعني باول الخامس تقريبا
وعندي اجهاضات قبل المشكله حملي هذا بدايته كان دم عالمشيمة ومن اول شهر ليم الحين على طول اسوي كل اسبوع سونار

تقريبا وصلت 11 سونار خارجي ليم الحين عشاان اتأكد من نبض الجنين من الخوف والتجارب القديمة
والله بديت اخاف مادري بنات مو جنه خطر ووايد كثرة السونارات احس خرتها حيل
والمشكلة نادية اسوي رباعي بعد شهر عشان اتأكد من سلامة البيبي
تكفون اللي سوت مثلي تقولي ؟؟ وتطمني ؟؟

 

[المميزه84]

حبيبتي عادي لاتحاتين الله يثبت البيبي ان شالله انا بحمالي الاول كنت مريضه وتقريبا يوميا يسوون لي سونار لاعت جبدي وطبعا العدان اتوقع افتحوا بنك للدم مني كل جم ساعه ساحبين دم وقالوا البيبي راح يموت والحمدلله ولدت صج بالثامن بس الحمدلله

كل شي الله كاتبه راح يصير ادعي ربج حبيبتي والله يسهل عليج يارب وعلى كل حامل

 

[آهات الليل]

هلا حبيبتي منا ومنج صالح الاعمال ان شالله
انا عن نفسي ماضن السونار في خطوره الصراحه
بس انتي سويه كل اسبوعين مره احسن او بالشهر مره عرفتي وادعي ربج يتمم عليج ان شالله حملج ويثبت جنينج ووخري عنج الوسواس هذا اهم شي
وشغلي سورة البقره يوميا ابيتج لاتقطعينها وان شالله تشوفين ضناج بحضنج
الرباعي راو الثالثي افضل وقت بال6او بنص السابع

 

[آهات الليل]

ايه صج نسيت اقولج بحمالي الثاني قعدت بالفروانيه 10ايام بين يوم وترك يسولي سونار عشان يشوفون بنوتي كانت بخطر يعني لاتخافين ماياثر ان شالله

 

[فله]

حبيبتي المميزة تسلمين ربي يطمنج والله جم سونار سويتي ؟وشلون بيبيج ؟
وعلى طاري بنك العدان جان سميتيه باسمج خخخخخخخخخخخخخ

 

[فله]

اهاااات الليل فديتج والله ماقصرتي وربي يطمنج

 

[المميزه84]

فله البيبي بنوته كاهي يمي اسم الله عليها ميننتني شيطانه وتوها قامت تمشي الفال لج يارب يوم الي تشوفين البيبي يمشي يمج يااااااااااارب والعدان هذا قصته قصة الاعدام ههههههههههههههههه

 

[آهات الليل]

تسلمين ياعمري والله يطمن قلبج ان شالله على ضناج وتفرحين فيه بحضنج

والله يرزقني بالولد الصالحيكون سند لخواته

 

[_Pure_]

عادي السونار كثرته ما تضر لا تخافين انا سائله الدكتوره و بعدين انتي مضطره عشان تتطمنين عالبيبي

الله يثبت حملج يا رب

 

[يا عيون سمي]

عسى اللللللللللللللللللله يثبته فديتج ياقلبي لا تحاتين وارتاحي

 

[~ الــــزيــــن ~]

حبوبه عادي لاتحاتين اختي اجهضت مره وحملت عقبها تقول تقريبا يوميا سونار مايمر اسبوع الا وهي مسويه وخالصه الدكتور قايل لها لو كل يوم سونار مايضر
وعادي كاهي بنوتتها مافيها شي الله يثبت حملج ويرزقج باللي يفرحج غلاتي

 

[AVE.NJ]

انه نفس حالتج بس كل سوناراتي داخلي
لانه السونار الخارجي كله اشعاعات ترا مو زين والحافظ الله
في فرنسا عندهم قانون طول فترة الحمال بس 3مرات
واسال الله العلي العظيم ان يحفظ مافي بطنج من كل شر وبلاء

 

[زينة الزين]

ماله داعي سونار كل أسبوع
أساسا الطب لي الحين مو عارف تأثير السونار على الجنين على شان جذيه يتجنبون يسوون سونار أكثر من مرة بالشهر

على أي حال آنا حاسة فيج لأني كنت حامل والطبيبة بالسونار أكتشفت أن البيبي ميت بالشهر الرابع وتحطمت نفسيا
وفي حمالي الحين أحاتي وااااااااااايد وطول الحمل نفسيتي مو شي لين حسيت بحركة البيبي يا الله خفيت الحمدلله عسى الله يتمم على خير

كنت دايما أقنع نفسي لما كنت أحاتي أني حتى لو أكتشف انه مافيه نبض يعني شنو بسوي؟؟؟ ولا أي طبيب ممكن يرد عني قضاء الله وقدره مو عدل؟؟؟؟؟
سلمي أمرج لله وعسى الله يتمم عليج بالصحة والعافية ويرزقج الخلقة الزينة

 

[خيشة شكر@]

رد : صارت خواره مو حمال ؟؟؟؟؟؟؟؟

ياحلوج يا فله الله يثبه لج ويرزقج بالذريه الصالحه انشا الله وادعيلي الله يرزقني

 

[Om 3zo0oz_2011]

الله يثبته لج وثبت جنيني يارب
انا تقريبا مثلج كل اسبوعين سونار يتاكدون من سلامه البيبي لان عندي من قبل اجهاضات
وميخالف حبيبتي الي الله كاتبه بصير لا تحاتين ربج كريم وبعوضنا يارب

وادعي ربج ليل ونهار ان يكتبه لج

 

[دمثة]

انا نفسج كنت اجهاضات والله لا يرجعهااا ياربي ...

كنت نفسج كل اسبوع سوناااار وعادى جبت بنتي عادي

صرت ام السونارات مافي مستشفى ولاعيادة الا فاتحة ملف وسونار


حسبي الله ونعم الوكيل في الي كان السبب

 

[فله]

ماقصرتم خواتي طمنتوني الله يطمنكم

 

[فله]

ماله داعي سونار كل أسبوع
أساسا الطب لي الحين مو عارف تأثير السونار على الجنين على شان جذيه يتجنبون يسوون سونار أكثر من مرة بالشهر

على أي حال آنا حاسة فيج لأني كنت حامل والطبيبة بالسونار أكتشفت أن البيبي ميت بالشهر الرابع وتحطمت نفسيا
وفي حمالي الحين أحاتي وااااااااااايد وطول الحمل نفسيتي مو شي لين حسيت بحركة البيبي يا الله خفيت الحمدلله عسى الله يتمم على خير

كنت دايما أقنع نفسي لما كنت أحاتي أني حتى لو أكتشف انه مافيه نبض يعني شنو بسوي؟؟؟ ولا أي طبيب ممكن يرد عني قضاء الله وقدره مو عدل؟؟؟؟؟
سلمي أمرج لله وعسى الله يتمم عليج بالصحة والعافية ويرزقج الخلقة الزينة

الله يعوضج حبيبتي والنعم بالله بس مادريتي شنو سبب الوفاة ؟؟
ونزل عليج دم ولا فجاة وقف النبض

 

[& الذاهبه &]

الله يسهل عليج حمالج

 

[ساندريلا]

الله يثبته لج انشالله