صارت الصرااحه نقمه ....

[كيوت قطر]

السلام عليكم ورحمة الله وبركـــاته

اشلونكم حبايبي , ان شـــاء الله بخير
فديتكم ابي اقول لكم سالفتي ...

مشكلتي مع رفجتي الروح بالروح اللي اعتبرها اختي اللي ماجبته امي ,,

المهم رفجتي حبت وااحد وتموووووووت عليه ,تعرفت عليه عن طريق النت من 4 سنين ,
في البدايه ماكانت تحبه بس اللحين حبيته من كثر ماهو يلحقهاااا
ويبها بالحلال

مالكم بطويله , الوالد صادق وكلم اهله ووافقوو بس وهي كلمت اهلها بس ماقالت انه هالشخص تعرفت
عليه عن طريق المسن , قالت انوو كان يلحقهااا من الشغل وجي
وقااامت ام رفجتي تسال وتقول من منه , وشنو اصله , وووين يشتغل

وقالت لامها انه الولد قبيلته ......... المهم الام انصدمت وارفضت
وقالت نوووي اوافق الولد من قبيله وحنا من قبيله...

المهم اهل الولد اتصلوو على ام البنت , وردة امي رفجتي عليهم حنا حاليا مشغولين وجي وبنحدد لكم الوقت المناسب

وســـالفه اطولت , ورفجتي كل مالها ووتتتعلق فيه .. وتحبه زياده


وانا رحت قلت لامي سالفه بس الفت الاسم وجي عشااان امي ماتعرفها ,, لانه امي تعرف رفجتي الروح بروح

قلت لها يوومه في وااحد من رفجاتي خطبها واحد مب من قبيله البنت,, وو اصغر منه بشهور
وو هوو مب دااارس .. وامهاا مب موافقه .. ياايمه شانصح رفجتي
قالت لي انصحيها وقولي لها يابنتي ابتعدي عنه , تراج توج صغيره وسمعي كلام امج ..
اللي هي جنتج ونارج



وانــــا رحت قلت حق رفجتي كلام امي ,, ورفجتي من يوم قلت لها ولااا تكلمني
اتصل فيها ولااا ترد , اطرش لها مسج ولااا ترد
بالعاده كانت ترد وجي ووتتصل ..:eh_s(16):





تكفوون بنات قولولي , شاسوي معهاا شتصرف معهااا ..

 

[NEW WOMEN]

ما ادري شقول اتمنى البنات يفيدونج و مايجوز التعارف جذي شرعا وربي يسهلأمورج

 

[كيوت قطر]

^^^
اي والله ادري ,, وقـــلت لهااا , وهـــي وااايد متعلقه فيه
تسلمييييين حبيبتي

واتمنى صج البنـــــــااات يفيدوووني ,
لانه ابي نصيحتهم
وبشنووو اتصرف , انـــا مابي اخسرها هي مثل اختي
واللي يضرها يضرني واللي يفرحهااا بعد يفرحني
وما ابيها تزعل مني

العموو تسلمين للمره الثانيه ..

 

[قموشه21]

بدايه تعرفهم غلـط بغلـط .. بس دامه دخل بابهم وطلبـها الحمدلله الدنيـأ للحينها ابـخيـر والولد ماجذب عليها ..

هذا مو موضوعنــأأأ ..

الحين البنت ووين ابــوههــأ وشنو رايه بالموضوـــع..

خل تفهم امهـا ان موضوع قبيله وماقبيله خلاص انتهــي الحين العالم ادور الستر لبناتهــا بريال زين ويخاف ربه ويخاف علي عرضة وشرفة شخباري هالسسوالف..!!!

خل تحاول دام الولد شاريها ويبيها تكلم اختها العوده ابوها عمها الكبيــر يدتها اي شخص يقدر يأثر علي امهــا لان الواقع اشوفه ان لو رفضت الام الكل رافض والعكس..

الله يوفقهم ويستر عليهم ..

 

[قموشه21]

وبالنسسبه لموضوعج معاها فهميها وشوفيها فيس تو فيس قوليلها انا بنصحج ومن خوفي عليج قلت جذي

والمفروض بما انكم الروح بالروح تتقبل منج لو شتيمه.. بس شكلها حساسة والموضوع مأثر عليها لاتلومينهــأأأ

 

[Queen N]

خل تحاول دام الولد شاريها ويبيها تكلم اختها العوده ابوها عمها الكبيــر يدتها اي شخص يقدر يأثر علي امهــا لان الواقع اشوفه ان لو رفضت الام الكل رافض والعكس..

الله يوفقهم ويستر عليهم ..

نفس الرأي
الله يجمع بينها و بين الي تحبه على خير :yaaaaaarb:
و انتي دزي لها مسج كتبي فيه كل اللي بخاطرج وانج تحبينها وايد و اهي حسبة اختج و جذي ..وذكريها بالمواقف الحلوة لي بيتكم و العشرة جود يلين قلبها شوي
او روحي لها البيت .. درعمي و خليها جدام الامر الواقع و صدقيني مراح تقدر تردج

 

[عاشقة هواك]

بدايه تعرفهم غلـط بغلـط .. بس دامه دخل بابهم وطلبـها الحمدلله الدنيـأ للحينها ابـخيـر والولد ماجذب عليها ..

هذا مو موضوعنــأأأ ..

الحين البنت ووين ابــوههــأ وشنو رايه بالموضوـــع..

خل تفهم امهـا ان موضوع قبيله وماقبيله خلاص انتهــي الحين العالم ادور الستر لبناتهــا بريال زين ويخاف ربه ويخاف علي عرضة وشرفة شخباري هالسسوالف..!!!

خل تحاول دام الولد شاريها ويبيها تكلم اختها العوده ابوها عمها الكبيــر يدتها اي شخص يقدر يأثر علي امهــا لان الواقع اشوفه ان لو رفضت الام الكل رافض والعكس..

الله يوفقهم ويستر عليهم ..

انا وياج بكل كلمة قلتيها

للحين الناس تفكيرهم سطحي اصيل مو اصيل

شخباري هالسوالف بالعكس الحين وايد الناس اتفتحت قاموا

يأخذون من قبيله ثانيه خل يحاول الولد يدخل احد بالموضوع

دام يحبها وشاريها يكلم عمها او خالها

شنو هالتفكير المتحجر ما ناخذ من قبيلة ثانية

 

[فيونكه..~!]

،'

ـــــــ
هالحين سالفه ان مانزوج بنتناْ من قبيله ثانيهْ احسهإْ قديمه ومحد يفكر بهالشي هالحين ..
يَ كثر اللي متزوجين من قبإيل ثانيهْ ..

المهم انتي الله يهديتسْ البنت مقهورهْ عششإن امها ماوافقت عْ الولد وانتي تزيدينهاْ
لاتزعلين .. بس اكيد هي متضايقهْ من امهإَ وانتي زدتيها

الله ة يوفقهإٌ وان شاء الله تتزوجه ْ ة
،'

 

[Tom ♥ Jerry]

,


شي طبيعي انه مآترد عليكم لآنه مآ تبي تسمع اي شي بخصوص هالموضوع !
4 سنين تكلم وآحد صعب جددآ تخليه بيوم و ليله !

اكيد الي قاعد تسويه غلط غلط كبير و محد ينكر هالشي
انتي الي عليج دزيلها مسج قوليلها انتي كبيره و عاقله و انا مآ رآح افتح معأج هالموضوع مره ثانيه و الله يهديج و بس !
و صج لا تفتحين معاها و لا موضوع ،، لآنهآ مآ رآح تتقبل وجهه نظرج ..

رآح ايي يوم و بيفترقون ! الله يعينها : ) !

 

[nono93]

مع البنات

 

[لمى الهاجري]

تراه تحبه وليش تتركه عشان اهلها هاي حبيبها وكل عمرها ويصير تزوج بالمحكمة بوكالة القاضي

 

[قمر20]

تجري الرياح بما لاتشتهي السفن ' امها اهم ورضاها واجب والحب مع الايام ينسي صدقيني

 

[ليه الجفآ]

بدايه تعرفهم غلـط بغلـط .. بس دامه دخل بابهم وطلبـها الحمدلله الدنيـأ للحينها ابـخيـر والولد ماجذب عليها ..

هذا مو موضوعنــأأأ ..

الحين البنت ووين ابــوههــأ وشنو رايه بالموضوـــع..

خل تفهم امهـا ان موضوع قبيله وماقبيله خلاص انتهــي الحين العالم ادور الستر لبناتهــا بريال زين ويخاف ربه ويخاف علي عرضة وشرفة شخباري هالسسوالف..!!!

خل تحاول دام الولد شاريها ويبيها تكلم اختها العوده ابوها عمها الكبيــر يدتها اي شخص يقدر يأثر علي امهــا لان الواقع اشوفه ان لو رفضت الام الكل رافض والعكس..

الله يوفقهم ويستر عليهم ..

معاج بكل كلمه ...

الله يستر عليهم ويوفقهم ..

والرسول عليه افضل الصلاة والسلام قال .: (لاارى للمتاحبين الا النكاح )



مادامهم صادقين النيه الله يوفقهم​