بطه فيها نطه
New member
العجينه نفسها الصاج العاديه ... بس الاضافات مني لتغير اللون :
الاصفر
كركم ... الكميه حسب ذوقك ... ممكن 3م او 2م كبار
الحشوه المناسبه ...
( بطاط مربعات مسلوقه + لحم مفروم مزهبته من قبل مطبوخ مع بهاراته مثل حشوة السمبوسه + بقدونس ناعم
+ كمون حب + فلفل حار ناعم = خلطيهم مع بعض ... ممكن تزيدين 1م لبنه او
روب علشان يتماسك الخليط ... )
او ..
( بطاط مسلوق ومهروس + اجار مانجا مهروس + فلفل حار + كزبره مفرومه )
الاحمر
عندك خيارين الاول سماق ... الكميه اللي تبينها
او شمندر معلب تضربينه بالخلاط مع شوية ماي عدل وتضيفينه خلال العجن ...
الحشوه امناسبه لها ..
( دياي مسحب مطبوخ خالص او زايد عندك من المجبوس + خس مقطع + ذره + مايونيز + خردل
دارسين شوي + ثوم مدقوق ناعم + ملح وفلفل )
او...
( مشروم + بصل ناعم + جبن شيدر + كريما + فلفل اسود = كلهم على النار لما يتماسك الخليط وحشيه )
او ...
( خلطة الخضار المثلجه ( الجزر والبزاليا ...الخ ) + باشميل مسويته وخالص + جبن بيتزا + فلفل اسود
خلطيهم مع بعض بعد تسخين الخضار وحشي )
الاخضر
الخيارات كثيره ... اي نوع خضره تحبينه .. بقدونس او شبنت او كرفس او زعتر طري
بنفس طريقة الشمندر ...
الحشوه المناسبه ...
( تونه + فلفل اخضر ملون قطع صغيره + بصل ابيض مفروم + بقدونس ناعم + مايونيز + فلفل اسود وملح
وعصرة ليمون )
او ...
( ربيان صغير مسلوق + خس ناعم + مربعات افوكادو صغيره + مايونيز + فص ثوم + عصرة ليمون
باربيكيا + فلفل اسود وملح )
او ...
( زعتر + لبنه + زيتون اخضر + سماق )
او ...
( جبن ابيض + فلفل ملون مقطع صغار + فلفل اخضر حار مقطع ناعم + زيتون مقطع ناعم )
ملاحظه :
ممكن تلفينها رول وترطينها بسيقان البقدونس او بشرايط الجز ... او رول عادي مثبت بعود خشب
او تلزقين الرول بجبن قلاص من الطرف علشان مايتبطل وتطيح الحشوة ..
وعليكم بالعافيه ... وبخاطري اشوف تجاركم ... اذا سويتوا الطريقه
للامانه ... الصور فقط منقوله ...
والحشوه من اعدادي ...
التعديل الأخير:
