صابون الملابس للمواليد

[اكسبلانكا]

السلام عليكم
بنات حبيت اسالكم اي صابون آفضل لغسل ملابس المواليد
لأن قربت ولادتي وحابه ازهب الجنطه ولازم أغسل ملابس البيبي
*وموعارفه اغسلهم بشنو
يريت تساعدوني لأني رحت الجمعيه وشفت صابون اشكال وألوان واحترت شنو اخذ
فقلت مالي غيركم شرايكم

 

[t.o.o.ot]

بالنسبة لي هذا الأفضل والله بقومك بالسلامة يارب

 

[ريتاج_90]

في صابون لبناني
شكله جيس والكلام ازرق وفيه احمر
مكتوب عليه قنطير او قنطر الوزير
عجيب لملابس البيبي وريحته تجنن
ومايسبب حساسيه ولا شي

 

[M!SS.LOBY]

سمعي كلام البنات العضوة توووت والعضوة ريتاج_90

 

[++صدفة++]

انا استخدم ماركة فيليتي نفس اللي حطت صورتها وحدة من العضوات
بس انا استخدم السائل مو البودر
وايد زين ما يسبب حساسية وريحته حلوة

 

[اكسبلانكا]

بعد عمري تسلمون ماقصرتوا والله ونعم الخوات عسى الله يفتحها عليكم مشكورين

 

[كتالونيه]

الوزير مايسبب حساسيه
وحلو للطفل
انا حاليا استخدم الي حاطه صورته وحده من الخوات
اهم شي غسليهم يدوي انظف واحسن

 

[elegantway]

up up