شي يحز بالخاطر..قولولي منو الغلطان انا ولا اهيا !

[caramil]

مسآآ الخير بنووؤوتآت

بصرآحه في موضوع واايد حاز بخاطري..وفكرت وايد قبل لا اقولكم عنه
بس اكتبه هني احسن من اني اتكلم بظهر البنت عند ناس يعرفونها..على الاقل
انتوا بتنصحوني وماراح آخذ اثم لأن ماراح يكون حش..لأنكم ماتعرفون البنت نفسها

عموما...عمري 20 سنه..عندي رفيجتي اعرفها من الثنويه علاقتي فيها مو قويه وايد
اهيا معاقه ريلها مفروره وحركتهاا وايد صعبه يعني بإختصار تعري بس بطريقه تلفت النظر

ووبنفس الوقت الله يكافينا الشر..عوره..بعين وحده...وايد بنات ينفرون منها لأن نوعاً ما
شكلها بشع...وضئيله...لكن انا عن نفسي......مو من النوع اللي قلبي اسود على احد

بالعكس ياما طافت علينا ايام اسندها علي وآخذها للقاعه ..واقعد معاها وايد..
وما احسسها بعجزها..ابداً...

وايد قالولي انتي قاعده تتعبين نفسج ع الفاضي وتتأخرين على محاضراتج على ولا شي
هاذي شالت نفسها من ولادتها مهي عيزانه ترقع بعمرها لما كبرت وصارت كبرج

انا نظامي طنش وما احب افكر بهالطريقه ماني ملاك ولا اني كامله ولا

بمثل عليكم دور ما اتقنه...لكن يعلم الله ان كلامي مطابق اميه بالاميه لشخصيتي
وللي صار معاي

عقب فتره تقدم لها واحد مهندس ودارس بالخارج وانا عن نفسي نصحتها
ما تقول لأحد لأن الكل بيتكلم بظهرها..طبعا انا ماقلت لها هالحجي..قلت لها
ديري بالج من غيرة البنات والحسد...وعموما انا كبرها..ويومها وايد استغربت من الموضوع !

وما اخش عليكم..وايد قلت انا شقاصرني ليش كل ما انخطب مايتم شي !!..وما اييني
الشخص الكفو..عموماً استغفرت ربي...

بعد فتره طويله ماشفتها فيها..وانا نظامي اذا تزوجت وحده من رفيجاتي ما ادق عليها
دايما اتخيل انها لاهيه مع زوجها ومو حلوه ادق عليها...

صادفتها بالكليه يتني حطت صبعها على جتفي ونغزتني حيل..

انا صار فيني اهليييييييييين وبستها...

شلونج حبيبتي...جان تقولي البيبي ذبحني...يعني سمعي انا حامل.. قلت لها ع البركه
والله يسهل عليج..مع انه مو باين عليها حامل اتوقع صار لها شهر..

جان تقولي وانتي ماتزوجتي بعدددددددددددددج؟؟؟ شحقه ماتزوجتي؟؟ امبي من صجج !

امبي انا صار فيني قمت اضحك !!..عموما الحمدلله بشهادة الكل انا مو قاصرني شي
فيني حلاا فيني طول جسم..يعني كلش ما نقدتني على روحي..بس استغربت من طريقتها


بس ماحطيت ببالي..قلت يمكن ماتقصد..


بعد فتره..طويله...صادفتها متربعه ..وتهوي على روحها..جان تناديني..وبدفاشه
وبطريقه خايسه..

قلت لها هلا والله سلمت عليها هني كانت بالثامن وبطنها كبير..جان تقولي هااا بعدج؟؟

:s ياجماعه عمري عشرين سنه..وهاذي اللي عطفت عليها بيوم ياي الحين تستهين
وتعاير..

امانه شرايكم بالموضوع مايعور القلب؟؟


ناطره رايكم..قولولي انا الطيبه زيادة عن اللزوم..او انا الحقيره اللي قاعده افكر بهالطريقه
ولا اهي مهي كفوو..ولا شنو بالضبط؟؟!!! يمكن انا ماخذه الموضوع بحساسيه زايده .!!!

ناطره رايكم

 

[وردة النرجس111]

يسعدني اني اكون اول وحده ارد عليج

بصراحه انا اشوف مافيها شي وانتي لمن كنتي تساعدينه كل هاذا لله سبحانه وان شاء الله اجرج عند الله وانتي قلبج طيب الله يحفظج

وسالفة انج ما تزوجتي هاذا النصيب وعلى فكره توج اصغيره على الزواج مو المهم انج تزوجتي المهم انج تاخذين اللي يستحق اخلاقج الراقيه

وبنهايه الله يوفقني واياج لصالح الاعمال اللي ترضي الله اولا واخيراااا

والسلام عليكم ورحمة الله

 

[((نبض الغلا))]

هلا حببتي ,,, خلي نيتج انج مساعدتها لوجه الله وتبين الثواب من الله مو منها او من غيرها
وانتي بسم الله عليج توج صغيرة بيجيج نصيبج متى ما ربي كاتبه
وترى اهيا يمكن مو قصدها تجرحج ,, عادي والله شكثر بنات اعرفهم يسالون مثل هالاسئلة >> اخذي الموضوع على حسن نية


وربي يوفقج يا عسل ويكتب لج الخير والصالح

 

[UNICORNA]

هذى حدها سخيفه وهى عشان معاقه حرام تكسرى خاطرها وجبر الخواطر

على الله

ولكن لمن تناديك او شى لا تردى عليها او كلميها سريع وقوليلها مانى فاضيه

ومنها تحقريها ومنها مايحصل مشاده بينكم

 

[caramil]

رد : رد: شي يحز بالخاطر..قولولي منو الغلطان انا ولا اهيا !

بعد عمري والله ماقصرتوا كافي طلعت اللي بقلبي لأني وايد انغثيت منها..:s

 

[فاهييه]

اللي رزقها يرزقني :eh_s(2):


واذا كلمتج مره ثانيه >> قوليلها اللي رزقج يرزقني و امشي عنها :eh_s(8):

 

[كتكوته امي]

رد : شي يحز بالخاطر..قولولي منو الغلطان انا ولا اهيا !

لا والله انتي مافيج شي وبنت حلال واهي اللي مو كفو صج قهرتني ليش تسوي جذي مو قصة انها عاجزه

بالعكس بس اللي يبط الجبد انج كنتي تعاملينا عدل وبطيبه قلب ترد لج الاحسان جذي مع انج ماادورين من وراها

مصلحه ولا حتى كلمه شكر بس مثل مايقولون سو خير وقطه بحر وما يكسر فيج الا اللي تمدين له ايدج

حبيبتي اسفهيها ولا عاد تكلمينها طنشيها هذي مو كفو تماشينها والبنات واجد في غيرها واحسن منها بعد

 

[caramil]

رد : شي يحز بالخاطر..قولولي منو الغلطان انا ولا اهيا !

كتكوتة مشكوره حبيبتي كافي حسيتي باللي انا اقصده واعنيه..الاغلبيه عبالهم حسد..
مع ان والله مو حسد بس هاذا جزا الاحسان !
هذا اللي حاز بخاطري لاني ادور ريل ولا شي بس وايد منكم فهم غلط :s
يعني جذي صارت الدنيا...لا والمشكله قامت تماشي البنات اللي ياما كلوا بلحمها وشبعوا..
صاروا اهما العزيزين والغاليين..ماني متحسفه عليها ولا شي اصلا وجودها مثل عدمه..
بس جذي صرنا !! جذي الدنيا صارت !

 

[amoona89]

مااعليج منهاا اذا شافتج مره ثانيه وقالت لج للحينج ما تزوجتي
ابتسمي وقوولي اللي رزقج يرزقني ورووحي عنهاا
ما احب هالنووعيه اذا كنتوو من عمر بعض وتزوجت قبلج تقووم كل ماتشووف البنت تحرجهاا للحين ماتزوجتي ليش؟جنج صكيتي الثلاثين :eh_s(4):
على العموووم عسى ربي يرزقج ويرزق جمييييييييييييييع بنات المسلمين​

 

[caramil]

رد : رد: شي يحز بالخاطر..قولولي منو الغلطان انا ولا اهيا !

عدل كلامج والله ان لم تستحي افعل ماشئت..
وحده من البنات صادفت اختي الكبيره قبل سنتين هالسالفه..وتتفلسف عرسي شهر سته
وانا سويت وحطيت وتتفلسف حدددها اختي قالتلها الله يتمم على خير وع البركه انشالله ..
وقامت اختي ولا مشالله اختي كانت بالـسابع وبطنها كبير..بس اهيا مالاحظتها واهيا قاعده

اختي متزوجه قبلها ب3 سنين ولا تفلسفت ولا قالت شي..بس لما قامت بتكلم امي وبيّن بطنها
البنت طلعت عييييييييييينها..مستغربه انها ساعه تتفلسف واختي ساكته وتبتسم وبالاخير طلعت متزوجه من زمان

وحامل وعلى وشك تولد ..

انا اكره ما عندي البنات اللي جذي

 

[miss_ano0oma]

رد: رد : رد: شي يحز بالخاطر..قولولي منو الغلطان انا ولا اهيا !

يمكن ماتقصد

 

[ولعتني وصديت]

رد: رد : رد: شي يحز بالخاطر..قولولي منو الغلطان انا ولا اهيا !

يــــآإحبيبتــــي (طنشش تعشش) ولاتأخذين الموضوع بـ/جـد ونفكرين وتتعبيـن نفسج عآإدي طآإفـ
قولي آللـه يسآإمحهآإ وحطي ببالج انتي مساعدتهآإ لله

 

[caramil]

رد : رد: رد : رد: شي يحز بالخاطر..قولولي منو الغلطان انا ولا اهيا !

مستحيل ماتقصد اللي مايقصد مايكرر الكلمه ألف مره ! يعني اذا ماقصد اول مره
مستحيل ثاني وثالث ورابع وخامس..وحتى لو مو قاصده كافي انها تقولها بطريقه مقززه حيل

اهي من البنات اللي كانت 24 تقول انا منو ياخذني..ولما تزوجت جحدت ! ماتحمدت ربها
اصلا طلعت عليها كلام وايد اعوذ بالله بس ماله داعي بموضوعي علشان جذي مايصير اذكره

زبدة الحجي احنا في زمن "خلك بنفسك ومالك شغل بأحد" الطيبه والاحسان ماعاد ينفع

 

[Tutti-Frutti]

رد: رد : رد: رد : رد: شي يحز بالخاطر..قولولي منو الغلطان انا ولا اهيا !



ما عليج منها
سوي خير وقطيه بحر والاجر عند الله


والحمدلله لا انتي ناقصه ولا غيرج ناقص السالفه كلها نصيب

واللي رزقها ما ينساج
وانتي تووج صغيره لا يحز بخاطرج هالكلام ..

 

[Tutti-Frutti]

رد: رد : رد: رد : رد: شي يحز بالخاطر..قولولي منو الغلطان انا ولا اهيا !



تووه قريت بتوقيع وحده جمله عجبتني ورديت موضوعج عشان اكتبها لج

( ♥♥ لآ تحزن على من آشعرك بأن طيبتك غبآء آمآم وقآحته !! )

 

[Lourdez]

رد : رد: رد : رد: شي يحز بالخاطر..قولولي منو الغلطان انا ولا اهيا !

اهي مو كفو

 

[DeCToOoRa]

عادي حبيبتي
وااايد بنات اعرفهم من تزوجوا شافوا نفسهم جنه محد تزوج غيرهم
ومن يطالعونا عبالهم طايحين ابجبد نفسنا
الريال مو كل شي بالدنيا وخاصه ابزمنا ... اهم شي الوحده ماتستعيل

 

[المستغفرة 74]

الله يرزقج بالزوج الصالح

 

[Tulips]

لا محشومه انتي لا حقيره ولا فيج شي من هالصفات بس اهي اللي مريضه نفسيا

بغض النظر عن اعاقتها الجسمانيه .. ما اظن مخها وتفكيرها معاق فالغلط راكبها شلون تكلمج بهالطريقه الاستفزازيه وانتي اللي وقفتي معاها بعز ما الناس كانت تقولج بعدي عنها !!

عموما طنشي حبيبتي انا اسمي هالنوعيه النكاره واللي موشايفه خير .. وتزوجت وخير يعني .. دخلت الجنه !!

 

[هيبة فتاه]

والله العظيم اني حزينة اكثر منج فقدت صديقتي وانا حتى الخبز اقسمه بيني وبينها
فقدتها بسبب غرورها ودلعها الزايد بعد الزواج مباشرهـ
واليوم اكثر وحدة حاقدة علي اهي على بالها باخذ نصيب احسن منها شوفي نوايا الناس وين وصلت :eh_s(2):