شي يتعب

[@mr.nadrh@]

السلام عليكم .. انا بدخل بالموضوع

عمتي عندها مشاكل او نغزات مع امي وتقريبا كل عماتي
الزبده انا شخصيا مو متحيزه لا اي احد فيهم ...
بس عمتي الصغيره مطلقه وقاعده معانا بالبيت .. واحسها
ساعات تتعمد تغثني وتظن فيني سوء .. مع انه وربي انا وياها
حييل كل نقعد مع بعض ناكل نشرب وساعات ننام في غرفه وحده يعني اعتبرها
مثل اختي عمرها 26 وانا 16 .. المهم تقط علي نغزات وربي اني ماارد عليها
واحترمها وارد اضحك معاها ولاجنه صار شي .. بقولكم موقف ماصارله شهر
ا
- مره اقترحت علي بنت خالتي نسوي حساب بتويتر رفضت بالبدايه بس اغصبتني
سوينا حساب وكل شي المهم انه اهلنا مايدرون واحنا عايلتنا تخاف علينا بزياده خصوصا
من هالموقع .. المهم عمتي هذي درت عن حساباتنا .. حاسبت بنت عمتي لدرجت انه عمتي هذي
بجت قدام بنت عمتي تقول انتي ليش بتضرين نفسج ... ولما جت تحاسبني اقسسم لكم بالله تزفني
وغير جذي تقول انتي اللي علمتيهم على هالمواقع انا بطلت حلجي منصدمه .. والله قعت ابجي ليش هي تعاملني انا جذي كل شي انا تظن فيني سوء
مثلا اذا نادتني واكون انا مو سامعتها تقول ليش حاقرتني انتي شتسوين بالغرفه انتي وانتي
بنات وربي ليومكم هذا اعاملها مثل اختي و اساعدها بكل شي تبيه واي شي تحتاجه مني سويت لها
حتى هي ساعات تصير طييييييبه حيئئئئل وساعات تقلب مدري ليش ><"
انا اسفه على الاطاله بس جد شي يتعب

 

[Tom ♥ Jerry]

,


حياتي اهيه عمتج و على قولتج مثل آختج
اكيد اهيه خايفه عليج ..
حسيت من طريقتها و اسلوبها انه خايفه عليج
مو انه تبي تغثج مثل ما انتي فهمتي !

 

[Patcholli]

حبيبتي ميخالف شتسوين ساعات الواحد يبالغ بخوفه وحرصه عليج

 

[عيوني شقااقيه..]

اب اب اب اب

 

[rose2012]

اكيد تحبج مدام تاكل و تتنام وياج
بس تخاف عليج و تبي تخرعج برده فعل قوية عشان حتى ماتفكرين بهالسوالف

 

[el.mlkaa]

آمبيه انا بهاالمواقف ماعرف اواسي لاني بقره حيييل :/ وظانين فيني بعد ظن السوء

 

[granted]

مااشوفها تعاملها مو حلو بالعكس احسها حليوة

 

[نُوف~]

بالعكسسس مرآ تعآملها مو سيء
آحس عادي وذي الموآقف تسير بين الاخوات حتى


لآتضيعين حبها لكي وخوفها عليك وقربها منك ع الفاضي
ولآتخسرين علاقتكم
بسسبب انك فاهمه تعاملها غلط

من نظري ما اشوف في اي شيء
يمكن انتي مكبرتها لانك انقهرتي وقت ماصرخت عليك
بس وربي ذي المواقف تصير بين الاخوات و الصديقات ~​

 

[M!SS.LOBY]

خايفه عليج عمتج ما تبي تغثج

 

[@mr.nadrh@]

 

[هناء - Hana]

مآقالت جذي الا تبي لج آلخير آهي يعني خإيفه آنه آخوج آو إبوج يدرون وعآد شوفي شيسون فيج مآعليه اذا تمونين عليهآ قولي لهآ آنه آتضآيق شوي من تصرفآتج بس مو بطريقه عصبيه او شي

 

[*E.B.D.A.3*]

الصراحة الصراحة الصراحة ....
ما اصدق ان كل هالدراما يايه بسبة " تويتر" !!!!!
اشدعوه "بجي" اشدعوه اشدعوه !!!!!!!!!!!!!!!!!!!!
الله يعينج على جذي عقليات الصراحة !!!

المهم ...
عمتج هاذي ، عطيها الباسورد مال حسابج
وقوليلها عشان ترتاحين دشي وقت الي تبين !!
وعشان هم تتطمن اكثر واكثر ، الحين انتي اذا سويتي حساب، وهم فتحتي حساب ثاني
راح يبين بصفحه البروفايل شي اسمه Switch profiles يعني حتى لو تسوين واحد ثاني ، هم راح يبين
يعني ماكو مفررر كلش !!!


هذا وخلصنا منه ..
اما من ناحية الشك فيج ..
ماكو حل غير انج تقوليلها الصراحة
اسلوبج جذي يا عمتي ياحبيبتي قاعد يضايقني لانه حطي نفسج بمكاني وتخيلي احد يقولج جذي باستمرار !!
شبيصير فيج ..؟؟
بتقولج من خوفي عليج ، قوليلها بهالاسلوب قاعده تبنين جدار بيني وبينج ، وبتكرار هالاسلوب راح تزرعين الكره بقلبي تجاهج ..

كوني صريحه وكوني شجاعة ..
اذا تبين هالتعب النفسي يروح ،، ماله حل غير جذي !!!
وعشان تكسبين ثقتها اكثر ، عطيها باسورد التويتر وقوليلها خله يصير تحت مراقبتج عشان ترتاحين
وتأكدين ان مالي اي نية سيئة !!!

 

[M!SS.LOBY]

الله يهديه ويسخره لكم