شي غريب ومحيرني تعالو شوفو معاي وحكمو علي-فقدان الشهيه

[قطاوي]

السلام عليكم يابنات

اتمنى الكل يكون بخير وبصحه وعافيه وان شاءالله دوم فديتكم


ندخل بالموضوع

بنات انا صارلي فوق الاسبوع احس بشي غريب اللي اهو ان تلقيني ميته من اليوع وعوار بطني من اليوع بس فاقده الشهيه يعني تلقيني يوعانه وصارلي ساعات مااكل وحدي يوعانه بس من تطرون علي الاكل تلوع جبدي ومااشته الاكل :eh_s(16):
شي غريب لاتقولون لي الدوره وسوالفها انا خلصت منها صارلي 10 ايام وهالشعور صارلي عقب الدوره وابي حالتي الطبيعيه ترد بس موراضيه وتخيلو بالغصب ااكل نفسي وتلوع جبدي من الاكل استغفرالله تكفو بنات كل يوم اقول باجر يمكن ترد حالتي الطبيعيه تكفون ليش احس بجذي فهموني ​

 

[رقية وسبيجة]

حطي بالج

بنت خالتي عقب ماضعفت صارت فيها حالة نفسية تموت يوع بس تخاف من الاكل وماتاكل

وللحين على هالحالة بس ترى مو زين راجعي طبيب احسن

وماتشوفين شر

 

[$$كويتية$$]

مادري يمكن حاالة نفسية اتوقع!!

انا صارلي جذي انة ما اكل كلش تنسد نفسي مع اني معرووفة كلة يووعاانة!!

وعلى هالشي ضعفت بعد يمكن كيلوين بجم يوووم بعد يليت باسبوووع!!


اانا اتوقع انة يمكن اتحاتين شي او مالج خلق شي يعني عاادي حال نفسية بس مع هذا لاتسكتين عن نفسج!!

رووحي الطبييب مثل ما قالت رقية وسبيجة!!

وموفقة خييتووو!!

بس لاتنسين اتقولين لنا اذا رحتي الطبيب اشصاار!!

 

[أمانيQ8]

يمكن في شي شاغل بالج واتفكرين وامأثر على نفسيتج روحي الطبيب احتياط ولا اتحطين بالج ان ماتقدرين تاكلين ماتشوفين شر حبي

 

[الغرنوق]

اتوقع من النفسيه والتوتر ويمكن عشان تحاتين الوظيفه بس ما يمنع تراجعين الطبيب
انا مريت فيها بس كانت فترة امتحانات الجامعه حتى الماي ما اقدر ابلعه
ماتشوفين شر حبيبتي وحطي في بالج انها فتره وتعدي
وبشرينا عنج عسوله

 

[قطاوي]

:001:

فديتكم وربي انكم صج خواتي والله استانست لماشفت ردودكم واشكثر قلبكم علي تسلمون

انا رحت حق الطبيب وقالي ...

ان انا كنت بحزت الدوره مااشتهي اكل وكنت ايوع ومااكل تخيلو يوم كامل بس اشرب عصير ولابعد بالغصب
فقالي لازم تاكلين ومايصير اتيوعين عمرج بفترة الدوره وطبعا" قالي تشربين اشياء حاره

وثاني شي اللي العن من هاذا كله

النـــــــفــــــســــــيـــــه

اه من هالنفسيه والله مرات من محاتات ومرات متوتره وهذا كله يا انج ماتشتهين الاكل او العكس

والحمدالله مشيت على كلام الطبيب والحين امشي وابلع لووووووووول

وتسلمون على طلتكم ياخواتي​

 

[lolocati]

اقول قطوة ماتبادلي معده...بتلعينين الساعه الي خذيتي بطني:dddds:

روحي الصيدلية وقوليلهم ابي فيتامينات فتح شهية على برتقال وشوفي النتيجه :icon30:

بتاكلين وبتصرين بطوطه مثلي:friends:.......ماتشوفين شر





:aha:

 

[مكنتوشه]

ما اتشوفين شر يا الغالية ..

والحمد لله على سلامتك

 

[أمواج البحر]

عندنا و عندج خييييييييير

عيل انا امس لي اليوووووووووووم بس ماكله توست وجبن متخيله انتي

بس الفرق اني حاااسه بشبع جني ماكله خروف مو توست

جسمي غريب والله ... عادي يمر الاسبوع وانا مو ماكله شي او بس شي خفيف

وطبعا الغدا صارلي فتره لاغيته من القائمه

يا ليت القى حل