شي غريب قاعد يصيرلي ... توني عروس

[لاتكابر غلطتي]

مرحبا صبايا كيفكون
بنات
انا توني عروس
وكل شهر تجيني الدوره بانتطام
الا اخر شهر جت قبل موعدها ب 8 ايام
وحزت يوم 12 من الدوره عقب غسيلي منها
نزل معاي دم خفيف .. ما طول بس مره وخلاص عقب الجماع
اول مره يصبر معاي جذي
وهالشهر هذاااا كلش مانزلت علي افرازات
مع انها دايم تنزل معااااي

شرايكم ؟

 

[Memeq85]

عادي حبيبتي هرمونات تغيرت

وان شالله ماتجيج الا بعد 9 شهور قولي امين

 

[لاتكابر غلطتي]

يعني هذي بوادر حمل ؟؟

 

[Banota22]

لا مو حمل بس ان شاء الله يرزقج الذرية الصالحة

 

[ام_حورية]

طبيعي يا قلبي . . لان هرموناتج مع الزواج تتغير

والدم الخفيف عادي الي بعد الجماع نزل مره وحده ( ذكرتيني بنفسي يوم اخترع ) ههههههههههههه وامي فهمتني

 

[لاتكابر غلطتي]

نزل عقب ساعتين من الجماااع ..
ولما اقرا هالاعراض الكل يقول
ع قولتهم تلقيح بويضه او شي جذي

 

[@سيدة نفسي@]

يمكن يكون بداية حمل ويمكن لا .. الله يرزقج بالذرية الصالحة

ياارب

 

[ام_حورية]

نطري وحسبي اذا تأخرت عليج دورتج بعدها بأسبوع سوي تحليل

يمكن تكونين حامل والله يرزقج الذرية الصالحه ان شاء الله​

 

[لاتكابر غلطتي]

مشكوره حبي

 

[حبي وحياتي]

​

احيانا انفجار البويضه ينزل بعدها دم
فإذا اراد الله وتلقحت راح تبشرينا بعد اسبوعين ان شاءالله

 

[لاتكابر غلطتي]

حبي وشلون اعرف انها تلقحت ؟؟
عاد دورتي بضبط بعد اسبوعين
تجيني 22 الشهر

 

[انتيكا]

نطري اذا تاخرت الدوره سوي تحليل يمكن حمل ويمكن لخبطه هرمونات الله يرزقج يارب

 

[الفوز حلو]

عادي تغير بالهرموناات
الافرازات انا نفسج قبل الزواج تنزل لي عقب مااخلص دوره
عقب مااتزوجت ماتنزل فعادي الحين نطري للموعد الدوره الجايه اذا تاخرت حللي منزلي وراح يبين اذا حمل

 

[لاتكابر غلطتي]

حتي وانا متزوجه
الشهوور اللي طافت تنزل افرازات حيل ودايم
هالشهر ماكووووو شي كلش
من عقب مانزل قطرات الدم
ومشكورين يالغاليات

 

[حمووشه المطيري]

حبيبتي لا تخافين انا كنت جذي نفسج تنزل مني افرازات دمويه بنيه وقالتلي الدكتوره هذا معناه تبويض ممتاز ماشاءالله وان شاء الله يكون حمل بس نصيحه لا تفكرين بالحمل ترا ياثررر خليج عادي اتكلي ع الله ولا تهتمين

 

[ام عبو_د]

ان شالله تحملين شهر جاي
وايد جذي ينزل دم خفيف استعداد رحم للحمل

 

[Joury86]

انا اللي اعرفه ان قطره الدم شهادة حمل،،،لكن مابي اعلقج بشي ممكن يكون مو موجود،،،لكن ان شاءالله يكون تقديري صح وتكونين حامل،،،عاد بشرينا بنفس الموضوع لاهنتي،،موفقه

 

[لاتكابر غلطتي]

ماقصرتوا فديتكم
باذن الله راح ابشركم اذا فيه حمل

 

[أم حسوون]

الله يرزقج بالذرية الصالحه .

 

[لاتكابر غلطتي]

جزاج الله خير