شيش طاااوووووق عجيب

[Bnoota toota]

:rerrerek:السّلامُ عَليكمُ ورحمَةُ الله وَبرَكاتُه


بخليكم مع الطريقه..والحكم لكم..



المقادير:
صحن صدور دجاج
2 بصلة كبيرة
2 طماطم كبيرة
2 فلفل رومي أخضر



مقادير التتبيلة :
نص ليمونة كبيرة
علبة زبادي
2 ملعقة خل أبيض
3 فصوص ثوم مهروس
ملعقة صغيرة ملح
ملعقة صغيرة بهارات الكاري ( أو أي بهارات )
2 ملعقة زيت
نص ملعقة صغيره فلفل أسود
ملعقة صغيرة كركم





لاني ما أحب آكله عالناشف كذا سويت معه سلطة طحينة .. وبتاتس مشوية
سلطة الطحينة :
علبة زبادي + 4 ملاعق طحينه + ملح + ليمون + شوية كزبرة مفرومة..
البطاطس المشوية :
2 حبة بطاطس كبيرة .. تقطع لأنصاف و تنقع في موية وملح وخل لمدة ساعة .. بعدها نصفيها ونحطها في صينية ونرشها بالزيت + الملح + الفلفل + الاوريغانو ..



بعدها نشويها في الفرن لمدة نص ساعة أو ( حسب الحاجة ).. وهذا شكلها قبل أدخلها الفرن








الطريقة:
1/ نخلط مقادير التتبيلة مع بعضها ونقطع الصدور مكعبات كبيرة وننقعها في التتبيلة لمدة ساعة على الأقل ( أنا أسويها من اليوم اللي قبله واخليها في الثلاجة )






2/ بعدها نقطع البصل والفلفل الرومي والطماطم مكعبات بحجم قطع الدجاج ..





ونبدا نشكهم مع قطع الدجاج في أعواد الشوي ( الخشب ) وترشينها بشوية زيت بهالشكل :








الكمية هذي تسوي لك ( 8 أسياخ ) .. أنا قسمتها على صينيتين ...


3/ بعدها تحطين الصواني في الفرن تقريباً من نص ساعة لساعة الاربع .. مع التقليب المستمر ( عشان يتحمر الدجاج من الجهتين ) ..


4/ اول ماتطلعينها من الفرن .. تجيبين 2 فناجيل قهوة ( (لان أنا استخدمت صينيتين ثنتين ) .. تغلفينهم بقصدير وتحطين في كل واحد منهم شوية زيت .. وتحطين كل فنجان في صينية ..





5/ تولعين النارعلى ( فحمتين ) .. بعدها تحطين كل فحمة في فنجال وتكتمين الصواني بسرعة بقصدير .. عشان الدجاج ياخذ ريحة الفحم من الدخان اللي يتصاعد ..


6/ خليها عشر دقايق عشان تاخذ النكهة بعدها قدميها مع الرز الأبيض أو البطاطس ( على راحتك ) ..
وهذا شكلها النهائي ..











ان شاء الله يعجبكم

 

[جارة القمر]

حبيبتي الصور مو طالعه

 

[ABEER FLOWER]

يعطيج ألف عافيه

بس الصور مو موجوده

 

[Bnoota toota]

سوري مااادري ليش مو طاااالعه

 

[أحلى همبه كويتية]

يعطيك العافية
مشكوووووووووووووووووورة


حسافة ماكو صور

دزيهم لي على الخاص انا اضبطهم

 

[زَهر تِشرينْ]

.. }





​

​

تسلم الايادي حبيبتي
​

​

​

​

{ :eh_s(17):​

​

 

[زوجة عزيز]

تسلم يدج مو طالعين الصور حبيبتي !

 

[التواقه]

يم يم شكلها لذيذه يعطيك العافيه

 

[أم*سلمان]

تسلم الايادي

 

[أنـــفال]

تسسلم الايادي

بس حساافه الصور مو طالعه

 

[صابرة رغم الجروح]

تسلم يمينج حبيبتي

 

[قمر الكويتية]

الله يعطيج العافيه ،، و تسلم إيدك

****************************************************
سبحان الله و بحمده ،، سبحان الله العظيم

 

[كريستال]

يعطيج العافيه