شيب بشعري و انا عمري 14 ~~

[daloolah77]

السلام عليكم بنات

اليوم رفيجتي شافت شعري لفت انتباهها الشيب اللي بشعري

بنات انا من النوع اللي واااااايد افكر شلون اتخلص من الشيب :eh_s(2): المفروض انا عمري 14 ما ادخل هذا القسم و الله تعبت من التفكير خصوصا لما هدوني رفيجاتي :eh_s(11): بليز قوليلي اي شي يساعدني عشان اتخلص من هذا التفكير

و مشكورين :eh_s(8):

 

[Tulips]

بعض الناس تكون عندهم وراثه هالشغله .. اعرف وحده عمرها بالعشرينات ويطلع لها شيب فعلى طول تلاقينها تصبغ

وليش يهدونج رفيجاتج خو الشيب مايعدي لووول .. عادي حبيبتي هونيها وتهون وقولي الحمدالله انها يات على جذي .. حلها هين

 

[daloolah77]

اهم ما هدوني عشان الشيب صارت مشكله بينا و هدوني بس اشوه في وحده ليم الحين ما هدتني ^^ و بس انا وايد افكر احنا عندنا مشااااكل و انا كلله افكر

 

[daloolah77]

و طبعا كله اقمت بقلبي ما اقول حق احد ~~

 

[نونو العصله]

تفكرين وايد او انج تصبغين وايد

حتى انا فيني شيب
بس انا شيبي من الهموم و التفكير

الله يشيل عنج كل هم
ولا تفكرين بلي هدوج
ورافجي بنات غيرهم

 

[سويت فانيلا]

انامن يوم ماانولدت عندي شعره فيها شيب وللحين موجوده

 

[راتشيل]

حاولي تشغيلين نفسيج عشين ما تفكرين واجد

 

[شاي ونعناع]

لاتفكرين تري الشيب ماله شغل بالعمر انا بعد ذبحني الشيب وكله اصبغ شعري كله من النفسيه والتفكير الزااايد بس لاتوسوسين تري يزيد عليج واي صراحه متعب الشيب

 

[اسينات]

لاتفكرين ولاتهتمين لان بيزيد الشيب انا في راسي شيب من الهم والغم والنكد حبوبه اذا بتفكرين او جاتج الافكار النكديه لهي عمرج لعبي سبحي سوي رياضه اقري قران صيحي لان بالصياح ترتاااااااحين عن تجربه الله يشرح صدرج

 

[نور خانوم]

الشيب عادي يطلع للبنات الي وايد يفكرون او اعصابهم حاره

وانتي حاولي انج ماتعصبين او تفكرين وايد

 

[Vdieta]

يمكن انج تصبغين شعرج عشان جذي طلع شيب

او تفكيرين او تكون وراثه بالعايله


الحل انج تصبغين شعرج

 

[daloolah77]

بالنسبة للصبغ انا ما اصبغ شعري ما احب اصبغه ان شاء الله بحاول اشغل نفسي بالقرآن او افتح لي كتاب بس انا بعض المرات اسررررح و افكر

مشكووورين وايد

 

[Nmnoum]

من الصرآآآآخ ., لا تصرخين
لا تفكرين و حاتين

 

[Fara]

انا من المشاكل والبلاوي والصدماااات اللي صارت لي صاار يطلع واايد شيب بشعررري

مع ان عمري 22

 

[فدوووو]

عادي حبيبيتي من التفكير والعين بعد والعصبيه

وبعدين حتى انا فيني شيب شكثرة والحين صايرة على الحنه احطه معها ليمون اسود عشان يسود الحنه والبدايه حلوة وان شاء الله احط الكتم لانه يسود الشعر

ورفيجتي تحط مع الحنه شاي اسود مغلي وماشاء الله لون شعرها يهبل اسود على محمر

وبعدين خلاص عاادي كلن فيه شيب يعني مو انتي لحالك

 

[سكوتي بذوقي]

عادي اختي اصبغي شعرك

العصبيه تأثر عليكِ والتفكير

 

[RmRom]

ابتعدي عن الصدمات

الصدمات تطلع الشيب بشكل يخرع

وخليج على طول ريلاكس

وترى الوراثه تلعب دور كبير

ونصيحة لا تحاتين الشيب .. قولي الحمدلله ..لان فيه حديث للنبي عليه الصلاة والسلام كل ما تذكرته قلت الحمدلله على الشيب

عن حديث أبي هريرة رضي الله عنه : ولفظه :

( لا تنتفوا الشيب ، فإنه نور يوم القيامة ، ومن شاب شيبة في الاسلام ، كتب له بها حسنة ، و حط عنه بها خطيئة ، و رفع له بها درجة )

وعلى فكرة الشيب كثر في شباب هالجيل .. وانا منهم ^_^

 

[عادت ذكرياتي]

يمكن وراثة !!!

 

[7lawah]

عآدي شىء طبيعي ،
شكثر بنآت جذي ..

من آلتفكير ، و آلآرق و إنج تحآتين ..
و تصآرخين ،

آلحل / تحآولين تبتعدين عن آلتفكير ، خصوصآ وقت آلنوم ..
آقري آلآذكآر و آقري قرآن لي مآ تحسين نفسج تدورين آلمخده و ع طول تنآميين ،

و آلله يبعد عنج آلهم و آلغم و آلسهر ،
و آلله يوفقج إن شآء آلله ،


’

 

[بيتي بوب بس كويتيه]

أنا عمري 24 والشيب تارس راسي
الله يخلي الصبغ يخفي الشيب
والشيب حاله وراثيه