شو يسوي الحب بالزوج ؟؟

[قلبي ماركه]

دائماً الزوج يدور على الحب والحنان وينقاد لهم تلقائيا



شو طريقتج بإرضاء زوجج وكيف تعطينه الحب الي ما يخليه يستغنى عنج ويلبيلج كل طلباتج.


نحتاج لتبادل أفكار ونصايح. عشان الكل يستفيد



انا عن نفسي طريقتي المسايس يعني أكون جدامه مبتسمه والبي طلباته. ولو عندي شي اطلبه منه أو اطرش له مسج



يا ريت الكل يشارك

​

​

 

[قلبي ماركه]

٢٧ مشاهده بدن مشاركه ليش جيه أبيكم تشاركون نبي نكون فعالات


الي عندها فكره وإلا نصيحه تسدحها. هنيه.

 

[Aloe Vera]

مثل ماتقولين الابتسامة علطول و الكلام و الحلو و المدح اهم شي

 

[همي رضى خالقي]

التقاضي عن الزلات وانج انتي تبتدرين بكلام الحب

 

[om 7amoodi]

تحفظين أسراره ودايما تمدحينه وتشكرينه على اي شي حتى لو بسيط

 

[جامعيه طموحه]

ماتزوجت بس الي اعرفه من امي الكلمه الطيبه والابتسامه الريال يحب المره السنعه النظيفه الي تهتم بنفسها وتشيل بيته وتهتم فيه بأكله ونظافة ملابسه وتحفظ سره وتخلي جوه سعاده

وما تثقل عليه بطلباتها خصوصآ اذا كان يواجه ازمه ماديه او حالتهم على القد

الي تسمع كلامه واذا حبت تناقش تناقش بأدب وما ترفع صوتها عليه

الي تمدحه جدام الناس ولا تذم فيه حتى لو مضايقها

والي تبينله انه هو حاميها وانها عايشه بكنفه ووجوده كرب اسره وريال البيت وايد مهم وبدونه ماتكتمل الحياه الزوجيه

تحسسه برجولته وماتبخل عليه بعواطفها

تجابل عيالها وتهتم فيهم وتعكس تربية اهلها لها فيهم ( يعني اكتسبت الخبره والتربيه من اهلها وطبقت على عيالها)

الي تشاركه همومه وحياته العمليه واذا كان تعبان من الدوام تخلي البيت بمثابة الجنه الي يهرب لها الزوج من مشاكله ويلجأ لزوجته وبيته عشان يرتاح وينسى همه

تسانده وترفع من شانه جدامه وبغيبته

 

[اميرة بكلامي]

الابتساااامه والكلام الحلووو

 

[ha11]

اهم شي ماتكون نكديه تحاول قد ماتقدر تكون على طول مبتسمه
وشنو بعدد ايي لا تنطرين منه شي لازم انتي تبادرين عشان تحصلين

وبش هاي الي في بالي

 

[نـعـومـه]

ممممم اشوف على حسب نوعيه الريال

اولا لازم كلشي وسط

لا طيبه طيبه ولا كريهه

خلج مبتسمه مطيعه بلي يرضى ربج لاتغثينه بالحنه الريال مايحب الحنه ومايحب المرا القويه المتسلطه ولا المرا الضعيفه خلي كلشي وسط

 

[Patcholli]

ابتعدي عن الحنه والنفسيه القشره والصوت العالي واستبدليهم بكلام دلع وحب وابتسامه
واعطيه حقوقه واهتمي بلبسه واكله

 

[أم حسوون]

السلام عليكم ، أتوقع المرة المرنة واللي بالها وسيع واللي ما تزعل على اي شي ، اللي تطيعه وتحب أهله وتحفظ أسراره ، اللي ما تحن عليه واجد ، اللي لها شخصيه وفكر بروحها ، اللي تعطيه مساحه من الحرية مو كل شوي تدق عليه أنت وين ؟؟ واللي لها عالم يشغلها واهتمامات ، الثقيلة واللي تقوم بواجبه ، المسؤولة اللي يقدر يأتمنها على عياله وبيته وبنفس الوقت أنثويه صوتها واطي وبسمتها ما تفارقها اللي تدخله معاها بمسؤوليه البيت وما تشيل عنه .

 

[حرم سي السيد]

الابتسامه وطوله البال والابتعاد عن الحنه والنفسيه تكون عسل

 

[قلبي ماركه]

مشاركاتكم حلوه ومفيده. يعطيكم. العافيه. أبي مشاركات. بعد افيدونا. حبيباتي.