{شو اسوي بشعري ارتبه واصبغه } New Hair Look

[kawai]

بنات ساااااعدوني
خاطري اسوي لوك يديد بشعري ومو عارفة اظبطه وقلت بسوي اشقر لان عندي عرس قريب
وطلعتلي اشلي تيسديل

حلو الاشقر والبلاتين

الحين ماري كيت اللي شعرها غامق شوي وعليه هايلات من قدام عجبني

شعري نفس طول هالممثلة سونام كابور

ساعدوني باختيار لوك لان عندي عرس قريب ومفاجيء ومو عارف شو اسوي بشعري ارتبه واصبغه مادري:krkrkr:
متوترة وايد ممكن ساعدوني تحطون صور ماعليكم امر

 

[kawai]

رد: New Hair Look

وهاي ممثلة مكسيكسة

 

[ChocoLaTe Pie]

رد: New Hair Look

شوفي حبيتي الشقار الي نقيته اينن بس اهني بالكويت ولا مره بحياتي شفت شقار حلو نفس الي حاطتهم ياثلجي يلوع الجبد يا على برتقالي اخاف تجازفين ويلعبون فيه الا اذا عندج احد يضبط اللون هذا شي ثاني شقار اشلي تسدايل احلاهم*

 

[kawai]

رد: New Hair Look

انا اول وحدة هف قلبي عليها
ماشالله اعرف ايرانية سوتلي بعرس اختي شعري قص وصبغ
يوم رحت اتمكيج عند لبنانية تسوي حق نانسي عجرم يوم كانت بلبنان كله تسالني منو سوالج واستحي اقولها اللي ورا بيتنا بيوم قلتلها قالتلي هذي اظبط صبغة سويتيها
شو ماشالله القص والصبغ تظبطه الا الماكياج لا صراحة...
وجربت اغلى الصالونات ولا يظبطون الا هذي الايرانية ماشالله محترفة وقلت برد عليها صارلي مدة ماظبطت شكلي من ضغط الامتحانات
فخاطري نفس اشلي اول وحدة احلاهم

 

[miss abrar]

رد: New Hair Look

ما اصحج بالأشقر الحين الموضه كله غوامج درجات البني والكستائي وافتح شي الاشقر الغامج

 

[● ● MisS P!nK ● ●]

رد : New Hair Look

مادري انا ما اشوفه بيطلع حلو على وحده مثل طول شعرج مشاء الله
شعرج طويل واذا تبين تصبغينه قصيه احسن
لانه انا رايي انه ما يطلع حلو على وحده شعرها طويل
مادري انا اشوف جذي

 

[دايم شيك]

رد : New Hair Look

كلهم حلووين انتي شوفي اي لون يصلح لج يعني ع بشرتج وطريقه ويهج لان اللون يلعب حياتي

 

[ftana]

رد : New Hair Look

لحس ماكو على لون الاسود
والله
شوفي هبو بلون الاسود بعدين الكل صار اشقر
بس الحين البني العسلي الفاتح
والموضه الي راح تطلع اهيه الاحمر
بس احمر عن احمر يفرق
يعني في لون احمر يلوع الجبد وفي احمر حلو

 

[miss galaxy]

رد : New Hair Look

الله رووووووووووعه صبغة شعرها عجيبه
توكلي ع الله واصبغي غيري من شكلج

 

[$حبيبة عبودي$]

رد : New Hair Look

اصبغي اشقر روووعه موشرط موضه يعني احنا نكشخ لنفسنا بالاول ..ناويه ع الاشقر

 

[KOKO_284I]

رد : New Hair Look

انشالله البنات يفيدونج

 

[نينا ريتشية]

رد : New Hair Look

اول لوك حلوووو

 

[Red Lip]

رد : New Hair Look

صرآحه ما انصحج بالاشقر ابد وخصوصا شعرج طويل

وحرآم تقصينه عشان لون بس

الموهيم يمعتلج صبغات حلوه واهم شي الصالون اللي بتروحيله يضبط اللون

هاذا نفس لون شعري بس على اغمج بدرجه وحييل بيضني

والصراحه انا كنت ابغى مثل هاللون

لكن هم اللون اللي صبغته حلو علي

هاللوون بعد حلو

هم اللي على اليسار نفس لون شعري

وانا شعري طويل

هاذا رآي ونحن فالخدمــه =)

 

[kawai]

رد: New Hair Look

تسلمن عالردود الغالية المشكلة ان اكثر البنات مقصصات شعورهن ويصبغن وانا كله غامق اصبغ وخاطري اغير
Red Lip
اقنعتيني والله خايفة اقص شعري وحتى اصبغه

اللي عاليمين حلوة ضبغتها

بستشير اللي تصبغ وبشوف بس اشلي ميننتني والله

 

[++The DuchesS++]

رد: New Hair Look

الاشقر يتلف الشعر ويحرقه ويطيحه
اشوف الالوان الغامجه احلى وتخفي عيوب الشعر

 

[فروحه روح امها]

رد : New Hair Look

تبين صبغه روعه وقص اروع ما لج الا صالون لابلوبيل عند صفاء صج شغلهم يبرد القلب واي استفسار تبين راسليني على الخاص

 

[kawai]

رد: New Hair Look

The Duches
صح كلامج تصدقون توني ياية من الصالون قالت بصبغلياه على مرتين
اونه علشان اللون يطلع
حسيتها بتسحب وعقب بتصبغ هذا وانا طالبة شوكليت
فهونت عن الصبغ كلج

 

[kawai]

رد: New Hair Look

ابشركم صبغت هالدرجة شوكليت حلو وبدون امونيا بعد روحتي لكم صالون شفت هذي امينة لا سحب ولا بطيخ ورحت العرس ولله الحمد ظبطت معاي حشرتكم عالفاض ونصيحة لو شو لون شعرج خربان لا تستعجلين وتصبغين من ياسج لا دوري عدل حتى لو مالقيتي لا تصبغين شعرج الا يوم تتاكدين وتسلمون عالردود الحلوة مثلكم