شوووفوو وزيركم الهمااام شنو يخطط لكم

[جيتك تعال]

:bbbiu: في الوقت الي اعلن فيه حين استلم حقيبتناا الوزاارية انه بيخلي الكل يتكااالب

على وظيفة المعلم ... نلاااقيه الحيين نااوي ينحش الكل من وظيفة المعلم

شووفو اخر قطاااته وتقديره لكم

المصدر جريدة الرااى " مسااحة اون لاااين "

مجلس الأمة يوافق علي تأجيل قانون التعاونيات الى دور الانعقاد المقبل بأغلبية 28 نائبا مقابل 25
11:08
المجلس يوافق على اقتراح بقانون بشأن زيادة مكافأة الطلبة والاستعجال بصدور مرسومه خلال اسبوع.
11:00 مجلس الأمة يوافق على اقتراح صدور مرسوم قانون منح بدلات ومكافآت أعضاء الهيئة التعليمية الكويتيين بوزارة التربية بصفة الاستعجال أي خلال اسبوع من اقراره
10:45 مجلس الأمة: اقرار كادر المعلمين في مداولته الثانية بموافقة 47 نائب ورفض الحكومة
10:20 المليفي : نطلب من المجلس تأجيل كادر المعلمين من اجل الاتفاق مع جمعية المعلمين على صيغة مقبولة على ان نقدمه بعد اجازة الصيف


شرااايكم ..... ؟

وطبعا الهدف وااضح من طلب التاجيل

حتى يعطي الحكومة فرصة لسرعة صرف كادر الخدمة المدنية " كااادر موضي "
خلال شهر يوليو وهذا الي اعلنته السديرااوي في جرايد اول امس " الحكوومة في سبااق مع الزمن لصرف الكادر الفاااشل واذا انصرف هالكاادر ... خلااص لا تحلمون باى كادر ثاني لمدة 15 سنة
اذا مو اكثر ....

 

[أورااااااد]

متى هالحجي

من صجه ههههه

للحين ما اتفقوا مع جمعية المعلمين على صيغة ؟؟؟؟؟

 

[جيتك تعال]

اى صيغة .... اى ....

الحكي في جريدة الرااى ... فتحيهااا الحين وشووفي خطها الساخن

لاااا وازيدك بعد د- البصيري اعلن انه الحكومة مو معترضه عالكادر
ولكن مشترطة انه يكون مرتبط بظوابط معينة " بونص المليفي "

للاسف كل شهادات البكالوريوس اقرولها كوادر وما ربطوهاا بالاداء
بس المعلم الي لازم يخلونه تحت رحمة مدير مريض بكل العقد الي بالدنيااا " 200 وحسرة علينا "

والغريب ... والمثير للضحك انه الوزراء لهم مكافأة سنوية مقدارها " 100 الف دينار " سامعيين 100 الف دينار

ليش ما يربطونها باداء الوزير وانجازااته ؟ ماشفنا ولا وزير ولا نائب للحين سوو لنا او للكويت شي

وين ادااءهم ... وين انجازااتهم " الا اذا اعتبرنا قلة الادب والمكاافخ انجااز ؟ "

وقبل يوميين وصلت سيارات المرسيدس اليديدة الي تشاابه سيااير الوزرااء للنواب

واحنا منشفيين ريجنا على كادرنا ... وهم بلع وزرط بفلوووسنا عسااهم للغصة بحييل الله

 

[so salt so sweet]

لاحول الله
هالوزير متناقض
ربج اذا كاتب زياده للمعلمين بتصير غصبن عالكل انشالله
ودام عطوا الحكومه مهله اسبوع بشارة خير انشالله يستعجلون فيه قبل الاجازه

 

[حب من طرف واحد]

والله انا اييد بونص المليفي حرا م الكل يتساوى الي تغيب على طول نفس الي شادة حيلها مو عدل

 

[ساندريلا]

والله انا اييد بونص المليفي حرا م الكل يتساوى الي تغيب على طول نفس الي شادة حيلها مو عدل

حبيبتي لايمكن تتساوى الي تغيب مع الي ماتغيب
لان الي تغيب ماراح تاخذ امتياز وراح تتوقف ترقيتها
تدرين في معلمات صارلهم 13 سنه وليلحينهم على معلم ج ومعلمات صارلهم 6 سنين صاروا معلم ب
لانهم مايغيبون ويشتغلون عكس الفئه الاولى
بس اذا اقروا الكادر مال الجمعيه الكل راح يشتغل وراح يصير تنافس لان الطمره بين معلم والثاني قويه مو مثل قبل 10 و15

 

[يامطوله صبري]

والله انا اييد بونص المليفي حرا م الكل يتساوى الي تغيب على طول نفس الي شادة حيلها مو عدل

هذا في حال ان كان اللي بيقيمج انسان عادل

او في حالة ان البونص يرتبط بس بالغياب فقط

والمليفي مابين الضوابط

ومن غير مايبين اساسا باااينة وواضحة

الضوابط راح تكون بيد الحريم

يعني لاطبنا ولا غدا الشر

شراح تفرق عن الاعمال الممتازة؟!

يعني بينحرم منها الكثير من المعلمات المبدعات المجتهدات

وبيصير هالبونص نغمة ع المعلمة

وراح يلزمونها بشغل فشخرة وقط فلووس عشان تكسب رضاهم وينزل لها البونص

 

[PuPa^^SWeeT]

البونص راح يظلمنا ظلم


لأنه الناظرة بتعطيي التقييم السنع حق اهلها و ربعها و بتخلي اللي صج تشتغل

 

[بناتي سكر نباتي]

انا مع حب من طرف واحد برايها مااايد الكل يتساوى واللي تقول اللي يغيبون مايترقون والله يبعضهم ورغم انها غيابه وصلت فوق الشهر متقطع ومع هذا ترقت وتعدت غيرها ............والامور طيبة
خليهم يمكن اذا فيه بونص يصير فيه تنافس وحرص

 

[ساندريلا]

الي مأيدين البونص ترى قيمه السنويه للبونص اهي نفسها قيمة كادر المعلمين
طبعا اذا كان بونص معناته كل موظف كويتي ياخذ 8000 بونص بالسنه على حسب قيمة الميزانيه الي راح تنصرف طبعا الي راح ياخذون هالمبلغ قليليين جدا
انزين مافكرتوا الفايض من الميزانيه وين راح يروح؟؟؟ علبالكم يردونه للدوله؟؟؟

 

[أورااااااد]

انا راي ما اؤيد البونص المفروض الزيادة للكل والجميع كون المعلم معلم

وفي ضوابط للي تغيب واللي ما تشتغل يعني معاشها بتاخذه وهذا شي بينها وبين ربها

يعني اللي ما تراعي ربها بشغلها ماراح تراعي الناس

يعني هي مسالة ضمير .. واكيد ربي ما يبارك لها لو شنو كان معاشها قوي

بس سؤال يوم زادوا كوادر المهندسين والاطباء زادوهم للجميع ولا بونص لناس وناس ؟؟؟؟؟

نبي العدل وبس

 

[PuPa^^SWeeT]

الحين الكل كادرهم اقروه بسنع

ليش كادرنا اللي لازم بونص و نرفع ناس و اننزل ناس


اشوف المهندسييين في ناس منهم يكرفون كرف و ناس منهم يهف المهفة عن ويها


اشوف ماقالو بونص

ماقالو انشوف جم عمارة بنييت و جم عمارة طاحت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟


خليكم منطقيين

شمعنة المدرسات اللي تحت رحمة حريم ظلام اللي لازم ياخذون الكادر بونص



شمعنى

الحيين وعى ضميرهم
يووم يت عالمدرسة


شوفو بتقولون مدرسات مايخافون ربهم و يغيبون و حالتهم


انا مرة قلت اهنيي انه في ابلة خذت اعمال ممتازة و اهيا تطلع الساعة 11


انا ارد و اقوولهم موقفها

هذي عندها من بيتها حالة صحية تعبااااااااااااااااااااانة

اذا اهيا شايلة بيتها من . الى .


ومع هذا صفوفها دايمن مو متاخرة بس انها ماتقدر تاخذ اكثر من صفين و احتياط لأنه المرة فيها ضغط وساعات اترد من حصصها ترجف من الاعصاب واشوي واتطييييح



احنا ممكن نتضايق وانقول ليش ماشالت حصصي ليش ماساعدتني بهاليوم بس عالاقل و ممكن نزعل


بس انرد البيت و انفكر بظروفها صرااحة اقول الله يعيينها


و بالاخيير بناتها صورووها عالفيس بوك

بناتها = طالباتها


قولولي الحييين بالذمة يعني

احنا مو بشر ترا احنا مثلكم لنا ظروفنا الاسرية و الزوجية والاجتماعية


فيه منا المتزوجة اللي شايلة البيت كله واللي اتعاني واللي عيالها تعاااابى


بالذمة يعني يوم ناخذ استئذان ولا انغييب مو من حقنا ؟؟؟؟؟؟؟؟؟؟؟؟؟؟؟


من حقنا انغيب اذا شفنا شغلنا انعكس على بيتنا بصورة خطأ


و محد يقووول والله انتي غبتي ايي غبتي واللي مايعجبه اييبله من المجلس الطبي علشان يعرف يسكت





والحييين بتحطوونه تحت رحمة ادارة كلها حريييم ؟؟؟؟؟؟؟؟؟؟؟؟؟؟؟؟؟




انا من حقي اغيب لي مرضت ولا مرضت وحدة من بناتي

مثل ما اجابل عيال الاوادم لازم اجابل عيالي


ااال شوو ؟؟ اال اللي ماتغييب لا مرضية ولا استذان و نصابها كبير و صفووفها كلهم نجاح 100% تاخذ بونص



هذا ماتصير حتى بالاحلام

الصفوووف فروقات

فيه منهم متفوقين بعقلهم

وفيه منهم متفوقين بالدراسة

وفي منهم وسط

وفي منهم بالدز ينجحون

وفيه منهم يرسبون اهمالا منهم و كسلا وتخاذلا

ومنهم يرسبون لعدم قدرتهم على الاستيعاب بتاتا

؟؟؟؟؟؟؟؟؟؟؟؟؟؟؟؟؟؟؟

هذي الصفووووف دايمن



والله شي غريب