شوكل بنتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[غلاي عزوزي]

شلونكم خواتي


بنتي عمرها 8 شهور
طبختلها ماحبته عيش خضار فواكه

اكل البيت اذوقها تحبه لانه بهارات ومالح

اكل الجمعية سيريلاك مولوبا
هذا الي تاكله بس موعاجبني احسه صناعي ومايفيد


شالحل شوكلها
منو عندها برناج الاكل الي ينصح فيه الدكتور اتذكر فيه وحده حطته
امكن ام الغاليين ماذكر؟

 

[*ماي الورد*]

رد : شوكل بنتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رفع
جربي عيش و روب خالي الدسم
جربي الفندال
نوع واحد من الفواكه تفاح او موز
جربي محلبية

 

[ميرا 2011]

رد : شوكل بنتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حاولي تخلطيلها الروب بكل شي
مثال :
عيش لين وروب
بطاطا مهروسه وروب
خضار مسلو قة ومهروسه مع روب
وعادي خلطي الخضار مع البطاطا والعيش كلهم بروحهم واذا حابة مع روب
وترى عادي تحطين القليل من الملح
واذا شفتي مانفع
سألي الدكتور عن اضافة البهارات بنسبة قليله
الاهم تاكل

 

[اللهم الجنة]

عيش وروب يحبونه اليهال

 

[سيده نفسي]

اي اكل مسلوق

 

[๓ίşś зśŏłả..!]

رد : شوكل بنتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اب اب

 

[مدمنة ككاو]

لا تقولين ما تحبه اذا مره مرتين عطيتيها وترفضه خليها لا تعطينها شي لين تاكله
على قولتهم اليوع كافر ويوكل الزلط لووووول

بس ترى جد لا تخليبن بنتج تتحكم فيج وتتشرط من الحين

جربي صبري عليها جم مره وبتشوفينها تاكل ويمكن انتي عطيتيها الاشياء الحاليه قبل الماصخ من جذي ما تستسيغ الاكل الماصخ

انا اول ما ابدي بالاكل اعطي اليهال عيش خالي بس وشوي شوي ادخل لهم الخضار وحطي الجزر والقرع والبطاط الحلو (الفندال) رتى يعطون للاكل طعم وريحه

 

[غلاي عزوزي]

مشكورين حبايبي
المشكله انها من الولاده فيها امساك حاولت بالادويه بالاكل اخفف الامساك ماكو غصب كل جم يوم تسويها

 

[قبيطه]

انا علمتنى الدكتوره عفاف الرومى تينن قالتلى اعطي ولدى اكل الملوبا اللى بالخضار والفواكه لما يتم الأربع شهور وبالخامس بطاط وجزر مفيوح
وانصحج بكتاب الدكتوره ريم ميقاتى كله عن التغذيه انا والله للحيم ماشريته بس قالولى بنات خالتى

 

[Om Ali 86]

حبيبتي بنتج اسم الله عليها كبيره عادي عطيها اكلكم العادي
عيش و مرق و دياي و بطاط او مرق لحم او عيش و دقوس
بس خلطيهم بالخلاط عشان ينهرسون

اذا ما تبين لان بهارات وايد بالاكل انتي سويلها حقها مخصوص
حمسي شوي بصل و حطي ملح و شوي بهارات و معجون مع جزر و بطاط و كوسا و الخضار اللي تفضلينها مع عيش و صبي فوقه ماي يعني يصير فيه صلصه و خلطيه بالخلاط

انا ولدي كنت اسويله جذي
و بالعافية

 

[حساسه]

اعطيها عصير برتقال طازج ومنقوع التمر علشان الامساك

والاكل عندك روب مع رز مصري
او رز مصري مع كوسا
موز اهرسيه لها واكليها