شوفو لي حل مع السندباد زوجي

[زوووز77]

السلام عليكم

شلونكم بنات
بدخل بصلب الموضوع ما فيني حيل للمقدمات:cxxxp:
الموضوع ومافيه ان زوجي بس يسافر كل اسبوع مسافر وان مقدره طبيعه شغله بس مو هني المشكله


المشكله يسافر بالاسابيع ولايدق ولا يسال نهائي اللهم لاقرب بنص ساعه يدق علي يقول تجهزي ابي امرج

واخر مره عاتبته قالي مشتاقلج احسه سنه مو اسبوع

جان اقوله واضح الشوق من الاتصالات اللي حرقت تلفوني حرررق جان يضحك ويقولي حتى انتي ماتدقين قلتله بادرت كذا مره ولا شفت منك شي
جان يقول التلفون اختراع غبي ومودليل على الحب (كالعاده طلع منها )

اليوم سافر الضهروقلتله اذا وصلت دق علي وللحين مادق

واللحين شسوي بالمخلوق الغريب اللي عايشه معاه

ادري المشكله ولله الحمد مو كبيره بس تحز بخاطري ما يسال عني:eh_s(2):

ولا انتم شرايكم

 

[اسواريه]

تفاهمي معاه قبل لا يسافر وقولي اللي بقلبج له لا تخلينه جذي بعدين بيتعود عليج اسأليه شنووو السبب الي يخليه ما يتصل عليج

 

[كليـ دلعـ]

الله يعينش حبيبتي

طنشيه

اول زوجي كان كذاا

وطنشته الحين مل

ولاقام يسافر

 

[Čut!e Quèéи]

هههههههههههههههه
من العنوان فهمت انه راعي سفر
يا بنت الحلال دام السالفه سفر واتصالاات هونيها وتهون
الحمدلله مرتاحين وانتي راضيه على السفر بس زعلانه على عدم اتصاله
عيل خلاص شقي تليفونه ششششق اتصلي كل ساعه تطمني عليه
يقولج المثل الولد على ما تربينه و الريل على ما تعودينه
وانتي كثري اتصالات جذي راح يتعود عليج واذا قطعتي راح يفقد اتصالاتج ويتصل عليج
لا تقولين بادرت خلاص تعودي كله تتصلين باجر اهو راح يتعود منج ويتصل عليج
الحمدلله السالفه تهوووووووون والله

 

[زوووز77]

ماادري ودي ادق عليه بس خاف يتضايق من اتصالاتي
وانا ما احب افرض نفسي على احد

 

[توام قلبه]

كللللللللللللللللهم جذيه ماعندهم اهتمام بالاتصالات والرسايل
بس عاد انتي وشطارتج اذا بتنطرينه ماراح يتحرك انتي ابدي دقي
ودزي مسجات رومنسيه وجريئه شوي فهمتيني عادي مافيها شي زوجج
عشان تجذبينه ناحيتج
وتشغلينه عليج وشوفيه مع الوقت بيبادلج الاتصالات​

 

[الحياة جوهره]

ليش يسافر دراسه ولا شي ثانى مع منو؟؟؟؟؟؟؟؟؟؟؟؟؟؟ وانتى دقى عليه ودزيله مسجات و وقوليله مشتاقتلك ولهانه عليك حسيسه انه عنده مرا دوره مو عزوبي ولا ينام لا مكلمج

 

[حياة علي]

الموضوع عااااادي
أحس أغلب الشباب كدا
أنا مجربه ويم قلت له أنا ذا الشيء يحز بخاطري
بس يحاول يجبر خاطري ولين دق ما يمدي دقايق ويسكر

 

[@سوسن@]

والله السندباد اللي عندي ياناس ياهو شفتو لكم واحد يروح اوروبا كل سنه بسياره مايمل مايتعب

لاو يقول انا ما ارتاح الا لما اخذج معاي بالسياره لاوروبا :eh_s(12):

ويقول نمر بالطريج على لندن نمر ها نمر جنه مار له بقاله:krkrkr:
والصيف هذا يقول بروح امريكا بالسياره اتوقع عن طريق اسبانيا اشوف بدى يجهز خرية الطريق لبلاد العم سااااااااام ويعبر الاطلسي شكلي بعلق روحي مثل تايتنك ومره وحده بنتحر بالاطلسي وارتاح

هونيها وتهون شكلهم اثنينتهم من ذريه ماجلان :eh_s(14):

 

[زوجة عزيز]

عيل التلفون اختراع غبي مو دليل على الحب صج مايضحك عااد وبالاسابيع يسافر ويتركج تشتاقين ولا يسئل واخر شي جهزي بامرج على كيفه على باله لا اختي سمحي لي لازم اتصارحينه لازم اتعلمينه ان هالوضع مايرضي اي زوجة بالدنيا

 

[ام عبدالوهاب555]

بالزواج ما فيه كرامة

خاصة اذا كان الزوج زين

وحاولي تسافرين معاه ببعض السفرات ، شوفي شنو الي يشغله بالسفر!!

 

[قانون كـيفي]

عديها

اخوي مثل زوجك

يسافر بالاسبوع الواحد مرتين او ثلاث مرات

ومايتصل على زوجته كثير

احياناً يتصل على امي يسالها عن زوجته

وعادي لو يغيب اخوي هذا بالايام محد يسال

هذا ولد الطيارات ههههههههههههه

 

[دمرت كياني]

لأ لأ لأ لأ
مو صج
انا حبيبي لو يغيب عني اسبوع أنتحر شلون ريل .؟@@

ترا صج لزام تعوديه على صوتج إن شاءالله جذي دقين المهم انتي تتطمن عليه واهو بعد تشوفينه أشتاق لج أكثر
سولفي معه بطريقج
الله يعينج